Спорт
Сензација на Шпигел за хомосексуалност меѓу „панцирите“
Сензационалистичка тема објавува германскиот магазин Spiegel, чиј новинар тврди дека германската фудбалска репрезентација ја водат хомосексуални двојки
Приказната за хомосексуален заговор во екипата на селекторот Јоаким Лев, ја објавува репортерот Александар Осанг кој ја темели својата приказна врз Михаел Бекер од Луксембург, адвокат и менаџер на германскиот капитен Михаил Балак кој заради повреда не настапи на светското фудбалско првенство.Осанг напишал дека два месеца пред мундијалот Михаел Бекер му открил дека играчите во репрезентацијата имаат хомосексуална ориентација.Во текстот се споменува и дека по прошталниот меч на поранешниот репрезентативец Бернд Шнајдер кој беше одигран ланскиот септември против Јужна Африка во Леверкузен, адвокатот Бекер пред новинари и менаџери рекол дека наскоро во екипата на Лев ќе „пукне“ хомосексуална сензација, пренесува агенцијата DPA.„Сите спортски новинари долго време знаат се’ за хомосексуалниот заговор во репрезентацијата. Со тие никогаш не истражени шпекулации екипата отпатува на светското првенство во Јужна Африка“, напишал Осанг кој навел и дека Бекер лично пред него еден играч од репрезентацијата го нарекол „полупедер“.Во целата приказна се вмешува и весникот Bild, за кој Бекер кусо изјавил дека новинарот погрешно протолкувал некои работи. Весникот земал изјава и од директорот на репрезентација, поранешниот германски голгетер Оливер Бирхов, кој исто така кусо рекол дека тоа не е ништо ново и дека не заслужува коментар. Имено и пред четири години во слична афера беа споменувани тогашниот селектор Јирген Клинсман и неговиот помошник актуелниот селектор Јоаким Лев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.