Спорт
Македонија гледа кон четвртфинале
Голем оптимизам владее во таборот на македонската кошаркарска репрезентација дека ќе биде помината и наредната фаза од Европското првенство и ќе биде изборен историски пласман во четвртфиналето.
Голем оптимизам владее во таборот на македонската кошаркарска репрезентација дека ќе биде помината и наредната фаза од Европското првенство и ќе биде изборен историски пласман во четвртфиналето.Оптимизмот дека веќе на првиот натпревар против Грузија ќе биде изборена посакуваната победа, која ќе гарантира пласман во следната рунда, дополнително е подгреан по информацијата дека најдобриот грузиски репрезентативец, Заза Пачулија, најверојатно нема да настапи против Македонија.Од раководството на репрезентацијата истакнуваат дека радува податокот што нашите кошаркари се приземјени и покрај големата еуфорија што владее по остварените историски четири победи, со што Македонија го зазеде првото место во групата Ц и во наредната фаза влезе со максимални четири бода.„Свесни сме за шансата што ни се пружа, особено по информацијата која ја добивме и која вели дека најдобриот играч на Грузија веројатно нема да може да настапи во дуелот во четврток. Ова ни дава уште една можност да размислуваме дека можеме уште на првиот натпревар да ја обезбедиме посакуваната една победа и да се пласираме меѓу најдобрите осум“, вели директорот на репрезентацијата, Врбица Стефанов.Стартот на првиот меч против Грузија е закажан за 14.30, вториот дуел во кој противник ни е Словенија на 10 септември го играме од 17 часот, додека последниот натпревар против Русија на 12 септември почнува во 20 часот.Сите натпревари од втората фаза на Евробаскетот ќе се играат во „Сименс“ арената во Вилнус, која и има капацитет од 11.000 седишта. За натпреварите на Македонија има неофицијални најави дека ќе пристигнат повеќе 400 нови фанови кои ќе бидат присутни во арената и кои ќе дадат максимална поддршка на нашата селекција. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.