Спорт
Арсенал прокоцка 4:0
Саботните мечеви од 26-то коло од англиската Премиер лига, освен сензационалниот пораз на лидерот Манчестер јунајтед, донесе вкупно 41 погодок на осум натпревари
Еден од најефикасните натпревари и највозбудлив одиграа Њукасл и Арсенал. Лондонските „топчии“ на „Сент Џејмс Парк“ веќе во 26. минута водеа со 4:0, откако во 43. секунда од мечот гол постигна Тио Волкот, Јохан Џуру во 3. минута зголеми на 2:0, а Робин ван Перси во 10 и 26. минута постигна два гола и се чинеше дека со овој резултат на полувремето претстои катастрофа за домашниот Њукасл. Меѓутоа, наместо тоа претстоеше несфатлив пад во играта на гостите и демонстрација на сите квалитети кои го прават најпривлечен англискиот фудбал – упорност, храброст и пожртвуваност до последниот свиреж на судијата. Еден до пеховите на гостите се случи уште на самиот почеток од второто полувреме, во 49. минута кога Абу Диаби беше исклучен, но и со играч помалку Арсенал до 60. минута го одржуваше водството од четири голови. Во таа минута Џој Бартон намалува на 1:4, а потоа следат головите на Лион Бест во 75. минута, па повторно на Бартон од пенал во 83. и во 88. минута на Исмаел Чеик Тиоте кој ја разби гостинската згусната одбрана со силен шут од 25 метри. Треба да се напомене дека при резултат од 4:0 за Арсенал, на англиските обложувалници коефициентот дека Њукасл ќе стигне до 4:4 изнесуваше – 490!!Имајќи го предвид катастрофалното издание и поразот на водечкиот Манчестер јунајтед кај Вулвехемптон, се чини дека Арсенал направи во саботата голем пропуст испуштајчи ги трите бода да се доближи на само два бода од првото место. Третопласираниот Манчестер сити и Вест бромвич албион одиграа меч без особени возбудувања. Капитенот на „граѓаните“ аргентинскиот ас Карлос Тевез со хет-трик даде придонес во победата од 3:0. Сите три голови ги постигна во првото полувреме од кои првиот во 17. и третиот во 39. минута од пенал, а во меѓувреме во 22. минута беше прецизен и од игра. Манчестер сити останува безбеден на третата позиција со 49 бодови, еден помалку од вториот Арсенал, но има и меч повеќе, а од четвртиот Челзи кој сега има два меча помалку го делат пет бодови. ВБА падна на 16. место со 26 бодови, колку што има и следниот Виган, додека следат Бирмингем, Вест Хем и Вулверхемптон со по 24 бодови и сите ја сочинуваат групата екипи кои до крајот ќе се борат за опстанок во Премиер. Тотенхем со 2:1 го совлада Болтон. Рафаел ван дер Варт им донесе водство на „спарсите“ во 6. минута од пенал откако во шеснаесетникот Кевин Дејвис беше погоден со топката во раката при шутот на Ведран Чорлука. По само две минути подоцна Холанѓанецот ван дер Варт пвоторно шутираше од белата точка, но овојпат беше непррецизен од второто изведување, откако првиот удар кога постигна гол беше поништен од судијата. Гостите изедначија во 55. минута преку Даниел Сториџ, додека Нико Крањчар во втората минута од судиското дополнување ги обезбеди бодовите за Тотенхем. Тотенхем е на 5-та позиција со 44 бодови како и пред него Челзи, а има дури седум бодови повеќе од 6-от Сандерленд кој најверојатно тешко може да му го загрози пласманот во европските купови. Болтон пак е 8-ми со 33 бодови.На „Гудисон парк“ во Ливерпул беше одигран уште еден меч со пресврти и со осум постигнати голови. Евертон иако губеше од гостинот Блекпул со 2:3, на крајот славеше со 5:3. Овој меч го одбележаа четирите гола на францускиот интернационалец Лиус Саха кој беше прецизен во 20., 47, 75. и 83. минута, а во 80. минута водството од 4:3 за домаќините го донесе Бекфорд. Гостите на 1:1 изедначија преку Батиста во 38. минута, а потоа од 2:1 направија пресврт на 2:3 со головите на Панчон во 62. и Адам во 65. минута. Евертон сега е 13-ти со 30 бодови, а Блекпул е 15-ти со 28 бодови Седум голови беа постигнати на мечот Виган и Блекбурн. Домашните победија со 4:3 со головите на Мекарти во 35. и 56. минута, Роделејџ во 50 и Ватсон од пенал во 65. минута, додека гостите погодуваа во 23. минута преку Робертс, во 58. преку Самба и од пенал во 81. минута преку Дан. Виган освои значајни три бода во борбата за опстанок и сега има 26 бодови на 17-то место. Додека Блекбурн гравитира кон средината од табелата на 11-то место со 31 бод. Фулам на гости двапати бркаше и на крајот успеа да ја анулира предноста на домаќинот Астон вила. Домаќините поведоа со автоголот на гостите во 13. минута што го постигна Пејнтсил а дојдоа во водство од 2:1 преку Вокер во 73. минута, додека Фулам изедначуваше во 53. минута преку Џонсон и Демпси во 79. минута. Астон вила сега е 14-та со 29 бодови а Фулам остана со 12-то место со бод повеќе.Домашниот Сток сити направи пресврт во завршницата од натпреварот против Сандерленд обезбедувајќи си победа од 3:2. Сток изедначи на 1:1 преку Карју во 32. минута, откако Сандерленд поведе уште во 2. минута преку Ричардсон, а потоа поведе со 1:2 во 48 минута со голот на Гиан. Трите бода останаа во Сток благодарејќи на Хут кој поентираше во 84. минута и во третата минута од судиското дополнување. Сток сити сега е 9-ти со 33 бодови, а Сандерленд остана на 6-та позиција со 37 минути. И без двата неделни меча во кои ќе се одигра дербито во Лондон меѓу Челзи и Ливерпул и Вест хем – Бирмингем, ова е новиот рекорд и најефикасен ден во Премиер лигата со постигнати 41 погодок, или околу 5,20 по натпревар. Досега рекордниот по ефикасност ден беше 27-ми ноември 2010 г. кога беа постигнати 36 погодоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вдечерва ќе го добиеме првиот финалист во Лигата на шампионите
Вечерва ќе биде познат првиот финалист во Лигата на шампионите. Полуфиналниот реванш ќе го одиграат ПСЖ и Борусија Дортмунд. Германскиот тим реваншот во Париз ќе го започне со предност 1:0.
Вечерашниот натпревар ќе биде четврти за ПСЖ и Борусија оваа сезона. Двата тима беа ривали и во фазата по групи, во Дортмунд немаше победник, а во Париз „светците“ славеа со 2:0. Победа со ваков резултат вечерва би го лансирала ПСЖ во финалето.
„Наша цел е пласман во финалето, а за да стигнеме до него ќе мора да бидеме подобри од извонредниот Дортмунд. Секогаш има простор за напредок и мора да работиме на тоа. За три секунди може да се постигнат два гола, но во исто време и да се примат. Одиме на победа“, рече тренерот на ПСЖ, Луис Енрике.
ПСЖ во одбраната ќе го нема Лукс Ернандез, кој се повреди во Дортмунд. За него оваа сезона е завршена, а веројатно ќе го порпушти и Европското првенство.
Од друга страна треерот на Борусија ги има сите фудбалери на располагање.
„Треба да се заслужи пласманот во финалето. Ни треба нерешено, но сакаме да победиме. Имаме мала предност и одлична можност. Ќе мораме да дадеме се од себе, да имаме добар план и добра идеја. Очекувам дека ПСЖ ќе биде подобар отколку на првиот натпревар, но ние сакаме место во финалето“, изјави тренерот на Дортмунд, Един Терзиќ.
Натпреварот на „Паркот на принцовите“ ќе започне во 21 часот, судија ќе биде Даниеле Орсато од Италија. Ќе му помагаат Чиро Карбоне и Алесандро Џалатини, додека четврти судија е Давиде Маса.
Во ВАР собата ќе биде Масимилијано Ирати, а помошник е Паоло Валери.
Спорт
(Видео) Доминација на Џејлен Брансон – НБА вакво нешто не видела од ерата на Мајкл Џордан
Њујорк Никс, во драматичен натпревар славеа над Индијана Пејсерс со 121:117, во првиот полуфинален меч во Источната конференција. Џејлен Брансон одигра уште еден феноменален натпревар и повторно беше најзаслужен за победата на тимот на Том Тибодо.
Она што оваа пролет го демонстрира на теренот, Џејлен Брансон, во НБА лигата последен пат се случило во ерата на Мајкл Џордан.
Со четвртиот последователен натпревар со 40 или повеќе поени (поточно 43, од кои 21 во последната четвртина), леворакиот мајстор на кошарката ги доведе Њујорк Никс до пресврт во финишот од првиот натпревар.
Брансон со тоа стана четвртиот кошаркар во историјата со четири последователни натпревари од 40+ во плеј-офот. Друштвото во кое влезе Брансон е исклучително: Џери Вест со шест по ред, потоа Бернард Кинг, а последен е Мајкл Џордан во финалната серија со Феникс Санс во 1993 година.
„Малите работе секогаш решаваат. Да, кул е да се постигнат 40 поени и сето тоа, но малите нешта ни помагаат да победиме во натпревари како овој. Среќен сум што ја имам оваа група момци околу мене“, рече Брансон, кој претходно, на сличен начин, ги испрати Филаделфија Севентисиксерс на летен одмор шест натпревари во првото коло.
Спорт
Ова е најлошиот Манчестер јунајтед во историјата на Премиер лигата
Актуелната генерација фудбалери на Мачестер јунајтед продолжи да го Манчестер јунајтед продолжи да го уништува имиџот на клубот. „Црвените ѓаволи“, во понеделникот вечерта беа декласирани во Лондон од Кристал Палас со 4:0.
Манчестер јунајтед се наоѓа на осмото место на табелата со 54 бодови. Како што стојат работите тимот наредната сезна нема да игра во европските купови.
Јунајтед сезонава руши негативни рекорди.
Кога станува збор за одбраната, Јунајтед оваа сезона прими дури 81 гол, што е најмногу од сезоната 1976/77.
Исто така, за прв пат откако елитниот ранг на англискиот фудбале го носи името Премиер лига (1992), Јунајтед забележа 13 порази во една сезона.
„Црвените ѓаволи“, сепак има шанса барем малку да го подобрат впечатокот во финалето на ФА Купот каде ривал на 25 мај ќе им биде Манчестер сити.
Што се однесува до шампионатот, тимот на Тен Хаг има уште три натпревари против Арсенал, Њукасл и Брајтон.
Да потсетиме, Јунајтед оваа сезона беше елиминиран во четвртото коло од Лига купот од Њукасл (3:0), а настрада и во Лигата на шампионите каде завршија на последното место во групата со Баерн, Копенхаген и Галатасарај.