Свет
Поповски не одговара на прозивки, вели дека си ја врши работата
Во расчистувањето на даночната пирамида нема да има партиски маркетинг и политички игри. Ова вчера категорично го изјави министерот за финансии, Никола Поповски, кој пред повеќе од еден месец самиот ја отвори оваа мегаданочна афера и со тоа ја разниша целата македонска бизнис-елита
Министерот тврди дека околу пирамидата нема партиски маркетинг
Поповски вели дека засега нема информации за наводна вмешаност на даночни инспектори и службеници од Управата за јавни приходи
НИНА НИНЕСКА-ФИДАНОСКА
Во расчистувањето на даночната пирамида нема да има партиски маркетинг и политички игри. Ова вчера категорично го изјави министерот за финансии, Никола Поповски, кој пред повеќе од еден месец самиот ја отвори оваа мегаданочна афера и со тоа ја разниша целата македонска бизнис-елита.
>†Јас само си ја вршам својата работа. Сите политички игри се исфрлени од Министерството за финансии, додека се работи за извршување на законите. За тој што сака да наметне каква било политичка игра, однапред кажувам дека нема да успее во тоааи. Вака вчера одговори првиот финансиер на прашањето како ги коментира неодамнешните наводи на моќниот бизнисмен, Светозар Јаневски, кој порача дека, кога веќе е отворена темата, мора што поскоро да се разјасни и да се објават сите учесници.
Во врска со изјавата на Јаневски дека во земјава не постои бизнис- олигархија, Поповски со став: †Ние не одговараме на политички прозивки. Ние си ја работиме работата за која сме платени, а тоа што го работиме редовно Ј го соопштуваме на јавностааи.
Првиот финансиер вчера одлучи да ја прифати неодамна фрлената ракавица од Јаневски, возвраќајќи му со порака дека тој сў уште ги нема намирено обврските спрема државата за откуп на винарската визба †Тиквешши. Оваа фирма се пожали дека министерот не им дозволува да го откупат долгот на †Тиквешши спрема Агенцијата за санација на банка, со обврзници од околу 8 милиони евра. Поповски на тоа вчера одговори: †Јас не сум го видел огласот. Тоа што го знам е дека новите сопственици на ‘Тиквеш’ сў уште ги немаат намирено обврските спрема државата по основа на откупот на претпријатието. Други детали не знамми, нагласи министерот.
Поповски вели дека во даночната пирамида не биле вмешани даночни инспектори и службеници од Управата за јавни приходи. †Сега засега нема такви сознанијааи, беше неговиот кус одговор.
Јавноста ја интересира зошто Управата за јавни приходи две години не реагирала во ниту една од овие фирми. †УЈП реагирала во многу голем број случаи. Сега е разликата што конечно ги фативме конците дека не се работи за поединечни случаи, туку за организиран пристап од голем број фирми кои соработувале меѓу себе. Надлежноста ја префрливме на Финансиска полиција и во МВР за тоа да го дорасчистат. Управата секојдневно соработува со овие институции во својата надлежност. Значи, треба да се направи дистинкција за некој што не плаќал редовно данок и некои што се организирале во групи од фирми со цел да избегнат на поголемо ниво плаќање даноци или да ги организираат своите активности така за да ги избегнат даноците во сите фирмиии, вели министерот.
Прашан дали ќе преземе одговорност доколку целиот случај се сведе на некои имиња кои јавноста не ги познава, тој со контраудар врз новинарите †Во Македонија, особено кај вас – медиумите, има еден интересен тренд – да не се кажува на тој што го запалил огнот, туку на тој што покажал дека гори огнот.
Треба да си ја преземат одговорноста тие што не ги плаќале даноците со години наназад. Јас се борам против тоааи, рече Поповски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Џо Бајден во Обединетите Нации: Некои работи се поважни од власта
Претседателот на САД, Џо Бајден, го одржа својот последен говор пред Генералното собрание на Обединетите Нации како претседател на САД. Во своето обраќање, тој рече дека многу луѓе ги гледаат проблемите и реагираат со очај за состојбата во која се наоѓа светот. Тој додаде дека „се уште има надеж“. Ги наведе и предизвиците со кои се соочува целиот свет, вклучувајќи го и конфликтот во Газа, како и војната во Украина и кризата во Судан.
Светот е на уште една пресвртна точка, рече Бајден, додавајќи дека изборите што ги правиме денес ќе ја одредат нашата иднина во децениите што доаѓаат. Бајден потоа зборуваше за конфликтите на Блискиот Исток, кои драматично ескалираа во последната година.
„Сега е време страните да ги финализираат условите“, рече тој за прекинот на огнот во Газа. Повика заложниците да се вратат дома, Хамас да ја изгуби контролата над Газа и да се стави крај на војната. „Исто така, бевме решени да спречиме поширока војна што ќе го зафати целиот регион“, додаде претседателот, мислејќи на ескалацијата меѓу Либан и Израел.
„Дипломатско решение сè уште е можно. Всушност, тоа останува единствениот пат за трајна безбедност“, рече тој, додавајќи дека „целоснта војна не е во ничиј интерес“.
„Дозволете ми да завршам со ова“, вели Џо Бајден на крајот од својот последен говор пред Генералното собрание на Обединетите Нации како претседател на САД, додавајќи: „Никогаш не смееме да заборавиме кого сме тука да претставуваме“.
Тој се осврна и на својата одлука да не бара втор мандат: „Колку што ја сакам мојата работа, ја сакам мојата земја повеќе. По 50 години јавна служба решив дека е време нова генерација лидери да ја води мојата нација .
„Колеги, никогаш да не заборавиме дека некои работи се поважни од останувањето на власт, тоа се вашите луѓе“, рече тој.
„Иднината им припаѓа на оние кои го ослободуваат целиот потенцијал на својот народ да дишат слободно, слободно да размислуваат, да иновираат, да се образуваат, да живеат и да сакаат отворено без страв. Тоа е душата на демократијата“, рече тој.
Пред да замине од говорницата на ОН за последен пат, тој додаде: „Колеги, нема ништо надвор од нашите можности ако работиме заедно. Да работиме заедно“.
Свет
Саливан: Бајден е решен да постигне примирје и договор за заложниците во Газа
Американскиот претседател Џозеф Бајден е решен да постигне прекин на огнот во Газа и договор за заложниците со Хамас, а во исто време се обидува да ги деескалира тензиите на границата на Израел со Либан, изјави денеска советникот за национална безбедност на Белата куќа, Џејк Саливан.
„Тој, апсолутно, не се откажа“, рече Саливан во интервју за MSNBC неколку часа пред Бајден да се обрати пред Генералното собрание на ОН последен пат како претседател на САД.
Бајден ќе работи со светските лидери собрани во Њујорк за да се постигне договор за прекин на огнот и заложниците во Газа за да се спречи сеопфатна војна на Блискиот Исток, рече Саливан, пренесе „Ројтерс“.
Тој призна дека има предизвици во постигнувањето на конечната цел кога станува збор за израелскиот премиер, Бенјамин Нетанјаху, и лидерот на Хамас, Јахја Синвара, но додаде дека Хамас и Синвар особено не сакаат да постигнат договор.
„Но, ние сме решени да продолжиме со тоа“, рече Саливан.
Според него, конфликтот со Хезболах на северната граница на Израел се спремапе, растеше и стагнира од 7 октомври и сега расте.
„Но, ние го спречивме тоа во тие претходни скокови и верувам дека сè уште можеме да најдеме начин да постигнеме деескалација меѓу Израел и Либан и да донесеме дипломатско решение, што ќе им овозможи на луѓето да се вратат во своите домови“, рече Саливан.
Свет
Белата куќа ги повика Американците да го напуштат Либан додека сè уште се достапни летовите
Портпаролот на Белата куќа за национална безбедност, Џон Кирби, денеска, изјави дека Американците во Либан треба да ја напуштат таа земја додека сè уште се достапни летовите поради ескалацијата на насилството меѓу Израел и Хезболах по должината на израелско-либанската граница.
„Сакаме со сигурност да кажеме дека сè уште има комерцијални летови за Американците да заминат, а оние што се во Либан треба да заминат сега додека тие опции се сè уште достапни“, рече Кирби за Еј-би-си додавајќи дека американските власти се во постојан контакт со своите израелски колеги, пренесува „Ројтерс“.
Либанското Министерство за здравство соопшти дека, според новиот биланс, од понеделникот во израелските напади врз Либан загинале 558 лица, од кои 50 се деца, а 94 се жени, а 1.835 лица се ранети, пренесува „Танјуг“.