Македонија
Тројца тетовци загинаа во сообраќајка во јужна Србија
Тројца Албанци од Тетово загинаа, а еден е тешко повреден во тешка сообраќајна несреќа што се случи на магистралниот пат Врање – Бујановац, кај бањата во Бујановац, јавува агенцијата ИНА.
Тројца Албанци од Тетово загинаа, а еден е тешко повреден во тешка сообраќајна несреќа што се случи на магистралниот пат Врање – Бујановац, кај бањата во Бујановац, јавува агенцијата ИНА.
Сообраќајката се случила во 7.20 часот кога автомобил „фиат браво“ со италијански регистерски таблици се судрил со камион со српски регистерски таблици.
До несреќата дошло кога автомобилот во кој се наоѓале четворицата тетовци, претекнувал друг автомобил и се судрил со камионот кој што се движел во спротивна насока. Тетовецот кој е тешко повреден бил пренесен во болницата во Врање.
Некои од српските медиуми ги соопштија имињата на жртвите, загинати се Сабира Ферати, Тахир Етеми, Шакир Халими, а повреден е Нафис Ферати.
Со тешки повреди се здобил и возачот на камионот од компанијата „Макс Лагер“ од Крагуевац. Според агенцијата ИНА, загинатите тетовци работеле во Италија. /крај/ина/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.