Регион
Босна и Херцеговина ја предаде апликацијата за членство во ЕУ
Претседателот на претседателството на Босна и Херцеговина, Драган Човиќ, во понеделник ја предаде апликацијата за членство на оваа земја во Европската унија, пренесоа босанските медиуми.
Свечената церемонија за предавање на апликацијата е одржана во зградата на Советот на ЕУ во Брисел, а Човиќ ја предаде на холандксиот министер за надворешни работи, Берт Коендерс, затоа што оваа земја претседава во моментот со Европската унија.„Со гордост можам веродостојно да кажам дека подготвивме се она што ветивме во последната година за да го предадеме барањето за членство во ЕУ. Сигурен сум дека овој пат не беше ни малку лесен за нас“, вели Човиќ при предавањето на апликацијата.Тој се надева на позитивиен одговор од ЕУ и очекува Босна и Херцеговина веќе следната година да добие статус кандидат за членство во ЕУ.Човиќ е свесен дека ги чека многу работа, на планот на надворешната политика, но и во средувањето на внатрешните политики, подобрување на економската и социјалната состојба.Тој најави година на реформи за БиХ, и изрази надеж дека земјата ќе ги претекне своите соседи на патот кон ЕУ.Коендерс ги истакнал реформите како битен чекор на патот кон Европа, и го поздравил усвојувањето на Реформската агенда и Акциониот план, при што додал дека работата на нив е неопходна за ЕУ да го разгледа барањето за членство.Ветил дека Советот на министри ќе и се обрати на Босна и Херцеговина тогаш кога ќе види дека е направен значителен напредок.„Бидете уверени дека Советот на Европа ќе направи се кога ќе види напредок. Сега е на БиХ да оствари напредок во реформите. Според тоа, иднината на БиХ е во ваши раце и во блиската соработка со нас“, вели Коендерс.Федерика Могерини, еврокомесар за надворешна политика, вели дека ЕУ смета на БиХ; и дека ќе и помогне на земјата на тој пат.„Ова навистина е добра вест. Добра вест е и дека апликацијата е резултат на напорна работа’, вели Могерини. Јоханес Хан, еврокомесарот за проширување, го поздравил усвојувањето на механизнмот за координација, порачувајќи дека граѓаните на БиХ заслужуваат членство во ЕУ.Од земјите од поранешна Југославија, само Словенија и Хрватска се членки на Европската унија. Македонија најдолго има статус кандидат за членка на ЕУ, а другите републики исто така, чекаат на членство./крај/к/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Брод со четири лица се преврте на реката Уна во БиХ, две лица испливаа
Денеска околу 7:15 часот полицијата во Сисак добила пријава од граничната полиција на БиХ дека чамец со четири лица се превртел на територијата на Босна и Херцеговина кај градот Вриоци.
Две лица допливале до брегот на Уна на територијата на Босна и Херцеговина, а потрагата по две лица се уште трае.
На местото на настанот излегле припадници на ХГСС со пловен објект, кои со помош на полицијата интензивно трагаат по исчезнати лица.
Регион
Злосторство во Тузла: мајка со чекан си ја убила ќерката, оставила две проштални писма
Незаборавно злосторство се случи во Босна и Херцеговина, пренесуваат локалните медиуми.
64-годишен маж, утринава, околу 1.15 часот во полициската станица ПС Центар пријавил дека во семејниот дом во Тузла го пронашол безживотното тело на 31-годишната ќерка.
Полицијата излегла на самото место и ги потврдила наводите од пријавата за што веднаш било известено Кантоналното обвинителство на Тузланскиот кантон, извести МУП ТК, пренесе „Аваз“.
„Во текот на истрагата е констатирано дека жената имала повреда во задниот дел на главата. Денеска ќе биде наредена обдукција за да се утврди точната причина за смртта“, изјави Адмир Арнаутовиќ, портпарол на Обвинителството ТК.
Според последните информации, како што пренесуваат тамошните медиуми, станува збор за кривично дело, кое, според првите индиции, најверојатно, го извршила мајката на 31-годишна девојка. На самото место истражителите пронашле две проштални писма, како и предметот со кој, сметаат истражителите, е извршено делото. Очигледно се работи за чекан.
Девојката која е убиена наводно била тешко болна.
Регион
(Видео) „Целата беше помодрена од студот“: мајка и ќерка ја опишуваат борбата за живот во поплавите во БиХ
Лејла Залихиќ, жителка на Бутуровиќ Поле, е една од оние што ги преживеаја драматичните поплави во Босна и Херцеговина. Приказната за борбата за нејзиниот и животот на ќерка ѝ Асја ја замрзнува крвта во вените, пренесува„Ал џезира“.
Луѓето се спасуваа како што се снаоѓаа. Некој беше качен на покривот на куќата, некој на куполата на џамијата. За тоа најдобро сведочат приказните на самите локални жители, кои не може да се споредат ниту со најстрашните сценарија на холивудските филмови кога се во прашање природните катастрофи, анализира медиумот.
Borba majke i trinaestogodišnje kćerke u Buturović Polju je herojska. Majka i 13-godišnja kćerka govore o svojoj borbi za život.. pic.twitter.com/aBpfkgZQ1H
— Al Jazeera Balkans (@AJBalkans) October 6, 2024
Според написите, Лејла Залихиќ е мајка херој, која скокнала од третиот кат од својата куќа, испливала три километри во пороите и ја спасила својата 13-годишна ќерка за време на катастрофалните поплави што го зафатија Бутуровиќ Поле.
Лејла, ќерка ѝ, сопругот и свекрвата ноќта на катастрофалните поплави завршиле во поплавата, а нивната куќа била уништена.
По страшниот настан, Лејла и ќерка ѝ раскажале што им се случило.
„Мене ме однесе водата. Се вртев во круг и така зедов воздух“, се присетува Лејла.
„Слушнав како некој вика, викаше за помош и го викаше моето име. Мислев – нема кој друг да биде, освен мајка ми или баба ми“, раскажува ќерката на Лејла, Асја, а Лејла додава:
„Јас велам: „Асја, ти си тоа? Таа вели: „Јас сум“. Потоа добив сила, се нурнав меѓу дрвјата. Ме удри во главата, но некако стигнав до неа, цела беше помодрена од студот“.
Ќерката на Лејла, Асја, се присетува како успеала да остане на површината.
„Ставив малку дрва под мене за да не морам да пливам, туку да се одржувам на површината на водата. Во меѓувреме се раздени, па можев да гледам. Потоа поминавме низ шумата. Дождот удри уште посилно, беше студено, беше страшно“, опишува таа.