Македонија
Учењето на јазикот на другиот е поттик за меѓуетничка комуникација
Учењето на јазикот на другиот, е основ за меѓусебно запознавање, прифаќање, почитување на различностите и поттик на меѓуетничката комуникација, неопходна за развој на демократско општество.
Ова е наведено во заклучоците за „Случувањата во сферата на образованието во Република Македонија и нивното влијание врз меѓуетничките односи во земјата“, кои денеска едногласно беа усвоени на Комитетот за односи меѓу заедниците.
Во заклучоците Комитетот оценува дека почитувањето и вреднувањето на утврдените и заштитените права во областа на образованието за сите граѓани со Уставот и законите е темелна вредност на мултиетничкиот карактер на Македонија и оти проблемите треба да се решаваат само со меѓусебно разбирање и дијалог.
Комитетот ја нагласува потребата од поттикнување и континуирано развивање на интегрираното образование како предуслов за меѓусебна доверба и разбирање.
Меѓу другото, членовите на Комитетот посочија дека ќе се залагаат за надминување на сите форми на политизација на образовниот процес и препорачува МОН и другите надлежни институции да преземат активности за медиумска презентација и афирмација на потребата од изучувањето на јазикот на другиот и вклучувањето во заеднички образовни проекти.
Според заклучоците, се препорачува зголемување на опфатот и квалитетот на образованието на децата од помалите заедници и навремено надминување на проблемите со учебниците и другите наставни средства и помагала на јазикот на кој се изведува наставата.
На предлог на министерот за образование и наука Никола Тодоров во заклучоците е вклучена и Стратегијата за интегрирано образование што Владата ја усвои на предлог од високиот комесар на малцински прашања Кнут Волебек.
И пратеникот Имер Селмани од Нова демократија предложи во заклучоците да биде ставено барањето Владата и МОН да се заземат за подобрување на условите во супстандардните училишни објекти, како и за отворање нови објекти за задолжителното средно образование во населените места каде ги нема.
Заклучоците се произлезени од расправите на претходните седници на кои се дебатираше за случувањата, реакциите и тензиите кои настанаа како резултат на воведувањето на предметот македонски јазик во прво одделение за учениците од другите заедници кои не се мнозинство./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Намалувавме цени на 500 производи, Мицкоски замрзна маржа на 73, дебакл на Владата
„Мерките на владата на Мицкоски освен што се задоцнети, тие нема да имаат ефект врз цените и стандардот на граѓаните. За жал, по најавената мерка на Владата дека се замрзнуваат маржите на само 73 производи, граѓаните не треба да очекуваат некаков ефект“, велат од СДСМ.
„Оваа мерка е калкулантска политика на Владата колку да замачкаат очи дека нешто направиле под притисок на јавноста. Сега е повеќе од јасно зошто со недели Мицкоски чекаше со намалување на цените на производите. Целта била да се најде решение колку да го има и тоа е во интерес на трговците, а не во интерес на граѓаните ниту нешто посебно ќе им помогне“, посочуваат од партијата и потсетуваат дека Владата на СДСМ минатиот септември 2023 година донесе мерки за намалување на над 500 производи во 25 различни категории и реализираше антикризен пакет за помош на граѓаните вреден 662 милиони евра.
„Во соседна Србија поевтинија 700 производи, слично е во Црна Гора. Ова што го донесе како мерка Владата на Мицкоски граѓаните нема ни да го осетат и тоа е доказ дека тој нема никаков интерес да се грижи за стандардот на граѓаните. За прв пат денес стигна и информацијата дека просечната плата за јули бележи пад од речиси 1000 денари по пет години постојан раст. Се намалуваат платите, цените остануваат високи. Граѓаните заслужуваат фер третман и вистинска грижа“, завршуваат од СДСМ.
Македонија
Укината забраната за движење во шуми
По извршената процена за намален ризик за појава на шумски пожари на површините под шума и шумско земјиште од страна на ЈП „Национални шуми“ – Скопје и на нивно барање, Министерство за земјоделство, шумарство и водостопанство донесе согласност за отповикување на целосната забрана за движење во шума и на шумско земјиште.
Македонија
Мицкоски: Работиме штипската болница да биде изградена во најбрз рок
„Јас мандатот го почнав пред неполни три месеци токму од пред штипската Клиничка болница и тогаш реков во овој мандат таа ќе биде завршена. Работиме на модел. Медицинско-техничко-економски модел којшто е во фаза на, би рекол, развој и очекувам дека до крајот на оваа година сето тоа ќе биде завршено и веќе од почетокот на следната ќе почнеме со градење на Болницата“, одговори претседателот на Владата, Христијан Мицкоски на денешното новинарско прашање при посетата на Штип, во однос на изградбата на Клиничката болница и додаде:
„Проблемот е што пари нема. Парите ги украле или ги потрошиле за нешто што не требало. Требало за Болницата, но парите ги украле. За жал наследивме состојба таква каква што е, но тоа е што е, тука е, нѐ гласале граѓаните, да немаме оправдување, туку да работиме, да ја направиме работата подобра. Што е нашиот пристап? Нашиот пристап е да обезбедиме и финансирање, и допроектирање и опремување и изградба и пренос на објектот. Тоа во моментов Законот за јавни набавки не го дозволува. Ако е потребно ќе влеземе и чекор напред, ако треба мали нивелирања на Законот, само за да можеме да ги одглавиме многу проекти за коишто се почнати, парите се украдени и тие се сега споменици на едно време. Тоа правиме, иновираме, се трудиме да најдеме начин за сето ова го задвижиме и ќе успееме. Ќе успееме, јас сум оптимиста дека ќе успеаме“, дополни тој.