Свет
Купувањето кат во "Тифани" со непосредна спогодба е сомнително
Не стивнуваат реакциите откако "Утрински весник" ја објави веста дека Управата за јавни приходи, преку непосредна спогодба, купила мезанин од 600 квадратни метри во објектот "Тифани" во Скопје, во сопственост на Љупчо Палевски, член на СДСМ.
УЈП и Министерството за финансии тврдат дека зделката е целосно законска, експертите критикуваат
Првиот човек на антикорупционерите, Михаил Маневски, вели дека не може да биде оправдување фактот што за набавката биле обезбедени буџетски пари
НИНА НИНЕСКА-ФИДАНОСКА
Не стивнуваат реакциите откако "Утрински весник" ја објави веста дека Управата за јавни приходи, преку непосредна спогодба, купила мезанин од 600 квадратни метри во објектот "Тифани" во Скопје, во сопственост на Љупчо Палевски, член на СДСМ. За овие простории, чија набавка даночните власти ја чуваа во тајност, УЈП ќе плати 840.000 евра, средства што биле предвидени и обезбедени со Буџетот.
И додека УЈП потенцираат дека зделката е целосно легална и во согласност со Законот за јавни набавки, експертите се категорични дека и покрај законската покриеност, даночните власти не смееле да се впуштат во таква "авантура". Според нив, оваа трансакција е недозволива, неетичка и непримерна.
Претседателот на Антикорупциската комисија, Михајло Маневски, смета дека УЈП требало да објави тендер, на кој ќе се избере најповолна локација. "Овој случај сў уште не сме го разгледувале во Комисијата. Но, доколку навистина просториите се купени по пат на непосредна спогодба, мој личен став е дека тоа е недозволив чекор", вели Маневски. Според него, таква постапка не е во согласност со Законот, бидејќи тој бара за секоја јавна набавка да се распише тендер. Тоа требало да го стори и Даночната управа.
"Не може да биде оправдување фактот што за просториите претходно биле обезбедени пари од Буџетот. Нормално е дека кога државните органи планираат нешто да купат, за тоа имаат обезбедено средства. Но, тоа не треба да значи дека секоја државна установа што за одредена набавка има обезбедено средства, може да си дозволи неа да ја изврши преку непосредна спогодба", потенцира Маневски.
Во УЈП, пак, возвраќаат дека пред да ја склучат зделката, иако немале законска обврска, ја известиле Антикорупциската комисија за своите намери за купување деловен простор, што било во согласност и со аранжманот со ММФ. "Доколку антикорупционерите имале забелешка за некаква нерегуларност, требало да реагираат уште пред склучувањето на договорот. Но, такви реакции досега немаше", вели Магдалена Чижбановска, шеф на Кабинетот на директорката на УЈП, Петра Митева.
Вчера и во Министерството за финансии целосно застанаа зад УЈП. Од кабинетот на министерот Никола Поповски велат дека таква зделка законот дозволува, како и дека апсолутно не станува збор за неморален чин.
Во Законот за јавни набавки, во делот "исклучоци", во член 5, став 1, алинеја 1, стои дека одредбите на овој закон не се однесуваат и за набавки и за "купување или најмување земјиште, градежни објекти или друг недвижен имот или права што произлегуваат од истите, освен ако за нивно купување или земање под наем е потребно обезбедување на финансиски средства (кредити или заеми)". Токму фактот што за објектот биле обезбедени буџетски пари, за УЈП ја прави законска оваа трансакција.
Професорот Живко Атанасовски жестоко реагира како УЈП вака комотно и неодговорно се однесувала кога е во прашење трошењето на буџетските средства. "Без оглед дали трансакцијата е законска или не, ова е непримерен чекор. Точно е дека тие наоѓаат законска покриеност, но кога станува збор за јавни финансии, треба да се води сметка и за оправданоста на овој трошок. Прашање е дали било толку итно да се обезбедат тие простории преку непосредна спогодба", се сомнева овој експерт. Во врска со тоа, пак, дека просториите на УЈП Ј биле потребни за посебно оданочување на големите обврзници, Атанасовски смета дека целата таа идеја е сосема непотребна и глупава. "Тие и досега добро ги знаат кои се големите обврзници и колку плаќаат даноци. Нема потреба од нивно одвоено даночење", потенцира професорот. И конечно, за Атанасовски е спорно што просториите се купени од Љупчо Палевски, член токму на најголемата владејачка партија.
Наспроти ваквиот експертски став, пак, Палевски вчера изјави дека нема ништо спорно во оваа трансакција. "Точно е дека сум член на СДСМ, но нема ништо спорно во оваа зделка. Мојата фирма функционира веќе 15 години и нормално е да работи во сите тие 15 години, и кога е и кога не е СДСМ на власт. Според вашето прашање, произлегува дека јас треба да работам само кога Љупчо Георгиевски е на власт, за да не биде спорно", вели овој бизнисмен. Тој нагласува дека е сопственик на објектот. "Објектот од 1999 година е во моја сопственост. Граден е со извесни застои, но сега градбата се интензивира. Ќе биде завршен за шест месеци", објаснува Палевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.