Спорт
По кои стандарди ЕХФ ги избира најдобрите?
Штотуку завршеното Европско првенство во ракомет, кое на Македонија и донесе толку многу причини за здоволство и радост, отвори неколку прашања, на кои веројатно нема да се добијат одговори.
Штотуку завршеното Европско првенство во ракомет, кое на Македонија и донесе толку многу причини за здоволство и радост, отвори неколку прашања, на кои веројатно нема да се добијат одговори. Прашањата не се околу ракометната игра, но факт е дека ова беше најизрамнетото континетално првенство досега, кое понуди многу натпревари, кои се решаваа во последните минути, или секунди. Добрите познавачи на овој спорт можеби ќе дополнат, дека, доколку првенството се играше во друга земја, тогаш тешко дека Србија ќе стигнеше до медал. Евидентно беше дека Србија игра ракомет од некои минати времиња, со безидеен напад, кој судиите толку многу го толерираа, и со гранитна 6-0 зона, предводена од голманот на првенството Дарко Станиќ. Но она што загрижува се критериумите на Европската ракометна федерација (ЕХФ), односно начинот на кој се избираат најдобрите. Тука македонските навивачи и јавноста се најмногу погодени, жално е Кире Лазаров, кој заврши како најдобар стрелец на првенството да не се најде во идеалната постава на шампионатот. Местото десен бек му е доделено на Марко Копљар, за кого ниту медиумите во Хрватска не се сигурни дека го заслужил тоа. Вистина е дека Копљар на две средби одигра на високо ниво, во победата на Хрватска над Франција и поразот на „коцкестите“ од Србија. Но, господа од ЕХФ, Кире Лазаров, со просек од 8,7 гола по натпревар, ја носеше Македонија до петтото место. Ракометните вљубеници дури се надеваа дека Кире може да ја понесе титулата МВП на Еуро 2012. Слична неправда на нашиот капитен му беше нанесена и на СП во 2009, тогаш стана рекордер на Мундијалите со 92 постигнати гола, но тоа не беше доволно да биде прогласен за најкорисен играч. Дека во ЕХФ имаат двојни стандарди зборува и фактот дека Чехот, Филип Јиха, во Австрија 2010 година, ја освои оваа престижна награда иако Чешка беше само осма на првенството. Чудна е и одлуката на ЕХФ, играчот кој ја понесе титулата МВП, Србинот Момир Илиќ, да не се најде во идеалниот тим.Логично е прашањето, ако најдобриот стрелец и најдобриот играч немаат место во идеалниот тим, може ли воопшто да се зборува за такво нешто. Дискутабилен е и изборот на Гудјор Валур (Исланд), за најдобро лево крило, како и изборот на Рене Тофт Хансен (Данска) за најдобар пивот.Имаат ли бирократите од ЕХФ двојни стандарди или не, тоа тие нема никогаш да го откријат, но треба да им биде јасна една работа, со нивните награди или не Кире Лазаров, како рекордер според бројот на постигнати голови на едно европско и едно светско првенство, го запиша своето име меѓу великаните на овој спорт, како еден од најдобрите десни бекови на сите времиња. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.
Спорт
(Видео) Карагер заврши во „Жолтиот ѕид“ па пијан ги ги интервјуирал играчите
Џејми Карагер не можеше да одолее на привлечноста на „Жолтиот ѕид“. Првиот полуфинален натпревр во Лигата на шампионите меѓу Борусија Дортмунд и ПСЖ (1:0) го искористи од прва рака да ја почувствува атмосферата на „Вестфален“.
Карагер од трибината, со навивачите на Борусија го виде победничкиот гол на Никлас Филкруг, со кој Борусија обезбеди минимална предност пред реваншот во Париз.
Поранешниот фудбалер на Ливерпул, сега фудбалски коментатор и аналитичар одлично се забавуваше меѓу најверните навивачи на „милионерите“. Можеби малку премногу, бидејќи се врати во алкохолизирана состојба.
Од студиото го прашаа дали е доволно трезен за да го води интервјуто, кога се врати и го зазеде своето место покрај Петер Шмајхел.
„Тоа всушност има смисла, затоа што не јадев премногу. Јадев чизбургер ооколу два и пол кога стигнав до хотелот. Тоа може да објасни зошто ми се платка јазикот додека зборувам! Осум пива на „Жолтиот ѕид“, имам ново семејство, ново семејство на пријатели, тоа беше едно од најдобрите искуства во мојот живот, неверојатно“, одговори Карагер.
Во микс зоната, Карагер и Шмајхел го интервјуираа Џејдон Санчо. Карагер го праша: „Ако дојдеш до финалето можеме ли заедно да испиеме неколку пива“.
„Не пијам“, кратко му одговори Санчо.
Jamie Carragher smashed after 8 pints, interviewing Jadon Sancho…
CBS never misses 🤣🤣 pic.twitter.com/CCnsZ7ZMgA
— Project Football (@ProjectFootball) May 1, 2024
Спорт
Анадолу Ефес верува во Мијатовиќ
Хрватскиот тренер Томислав Мијатовиќ ја продолжи соработката со Анадолу Ефес, потврди од клубот од Истанбул.
Мијатовиќ го презеде турскиот тим на почетокот на февруари, истиот ден кога беше објавено дека ќе си замине Ердем Џан.
Во тој момент Ефес беше на 16. место во Евролигата, но до крајот на регуларниот дел успеа да се избори за место во плеј-ин.
Таму беа елиминирани од Виртус, но клупските челници искажаа задоволство од неговата работа, поради што и му понудија договор на две сезони.
Ефес пред три дена ја совлада Дарушафака во 29. коло од турскиот шампионат и со тоа го обезбеди првото место пред почетокот на плеј-офот.