Свет
Спречен планот на Ал Каеда да дигнат во воздух американски авион
САД го спречија планот на јеменската ќелија на Ал Каеда да дигнат во воздух авион кој летал за САД, на првата годишнина од смртта на водачот на Ал Каеда Осама бин Ладен на 2 мај, соопштија денеска американските власти.
Американското федерално истражно биро (ФБИ) наведе дека истражувачите го испитуваат пронајдениот експлозив којшто личи на унапреден модел на бомба употребен во ткн. Божиќна завера во 2009 година, кога пластичен експлозив сокриен во доленa облека на еден Нигериец не успеа да се активира во авион кој летал за Детроит.
Заверата на Ал Каеда на Арабискиот полуостров е откриена во почетна фаза и населението во ниту еден момент не беше во опасност, тврдат во Белата куќа.
„Експлозивот требало да го употреби бомбаш самоубиец во авион, но на ниедна авиокомпанија, ниту во еден момент не и се заканувал ризик“ рече за агенцијата АФП американскиот службеници за борба против тероризам кој сакал да остане анонимен.ФБИ објави дека импровизираната експлозивна направа била запленета во странство и дека е доста слична на направите коишто ги користела Ал Каеда на Арабискиот полуостров во претходните обиди за терористички напади.
Во него, како и во претходните случаи немало метал за да не може да ги откријат детекторите на метал.
Информациите за заверата објавени се само неколку дена по првата годишнина од убиството на Бин Ладен во акцијата на американските командоси во Пакистан./крај/тј/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.