Македонија
Запленети над 22 кгр хероин
Во рамките на операцијата „Босфор“ што заеднички ја изведуваа Министерството за внатрешни работи и Царината, запленети се 22,4 килограми хероин кој чини 550 илјади евра а чија цена на улица изнесува околу три милиони евра.
Во рамките на операцијата „Босфор“ што заеднички ја изведуваа Министерството за внатрешни работи и Царината, запленети се 22,4 килограми хероин кој чини 550 илјади евра а чија цена на улица изнесува околу три милиони евра. Притоа во двете акции се уапсени четири лица соопштија во саботата од Министерството за внатрешни работиВо првиот случај биле откриени два килограма хероин сокриени во акумулатор, наменет за македонскиот пазар. Нарачатели на хероинот биле две лица од скопското село Арачиново, против кои е поднесна кривична пријава за „неовластено производство и пуштање во промет на наркотични дроги, психотропни супстанци и прекурсори”, а истражен судија им одредил мерка притвор во траење од 30 дена. Како што рече министерката за внатрешни работи, Гордана Јанкулоска, за овој случај е карактеристично тоа што дрогата била скриена во исправен акумулатор, при што возилото било во возна состојба.Поточно, врз основа на претходно добиени оперативни сознанија полицијата околу полноќ петок на сабота, на влез во Македонија на граничниот премин „Богородица”, било сопрено автомобил „опел астра“ со скопски регистерски таблички со кое патувале две лица од Арачиново. При извршен детален преглед на возилото, во внатрешноста, во долниот дел на акумулаторот, била откриена црна најлонска кеса во која имало непозната кафеава прашкаста материја. Одземените пакувања биле предадени на вештачење во Одделот за криминалистичка техника на МВР, при што е утврдено дека се работи за вкупна маса од килограм и 950 грама хероин. Цената на запленетиот хероин во Македонија изнесува 40 илјади евра доколку се продава на големо, а при улична продажба цената на запленетиот хероин може да достигне цена до 200 илјади евра.Јанкулоска информираше и дека во операцијата „Босфор 10“ која заеднички се спроведува со турската полиција, во контролиран транспорт, во вториот случај, е спречено е криумчарење на 20 килограми и 400 грама хероин, наменет за западноевропскиот пазар.Дел од дрогата била запленета и задржана во Турција, а другиот дел од дрогата е запленета и задржана во Република Македонија, аа транспортот се одвивал преку Турција, Грција, Албанија и Македонија.Според оперативните сознанија на МВР, во петокот околу 15,30 часот на паркингот спроти Скопски Саем, по преземање на пет карго пакети со маси и столчиња кои во Македонија пристигнале од Турција во збирна мешовита стока, било уапсено едно лице, откако при извршениот претерес на пакетите биле откриени кеси со 20 килограми и 400 грама хероин.Цената на запленетиот хероин во земјите на западна Европа доколку се продава на големо е 500 илјади евра, а при улична продажба цената на запленетиот хероин може да достигне цена до 2,5 милиони евра. Станува збор за лице од претходно познато на службите за борба против недозволена трговија со дроги коешто има издржувано повеќегодишна затворска казна за сторено кривично дело во врска со недозволена трговија со дроги и поседување поголема сума фалсификувани банкноти.Покрај тројцата македонски државјани за истиот случај ќе биде поднесена кривична пријава како организатор на транспортот и за 52-годишен жител на Сува Река на Косово. Исто така, МВР до Основно Јавно обвинителство за гонење на организиран криминал и корупција, ќе биде поднесена кривична пријава и против непознатилица од Турција, испраќачи на пратката со хероин за сторено кривично дело „неовластено производство и пуштање во промет на наркотични дроги, психотропни супстанци и прекурсори”.Во десетте досегашни продолженија на операцијата „Босфор“ запленети се повеќе од 362 килограми чист хероин кој на западноевропските пазари вреди над 15,5 милиони евра /крај/мвр/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.