Цените на сировата нафта во петокот се стабилизираа на лондонскиот пазар над нивото од 111 долари за барел, благодарејќи на новите надежи за решавање на грчката криза и очекувањето на новите санкции за Иран

Цените на сировата нафта во петокот се стабилизираа на лондонскиот пазар над нивото од 111 долари за барел, благодарејќи на новите надежи за решавање на грчката криза и очекувањето на новите санкции за Иран кои малку ги придушија стравувањата во врска со побарувачката во услови на слабеење на економскиот раст. Така цената на барел на лондонскиот пазар беше пониска за 46 центи и изнесуваше 111,09 долари. На американскиот пазар барелот се продаваше по 95 центи пониска цена на 99,44 долари. Организацијата на земјите извознички на нафта OPEC соопшти дека цените на референтната кошница нејзина нафта во четвртокот изнесувала 11,59 долари, што значи дека вила 19 центи пониска отколку во средата.Во четвртокот цените на нафтата паднаа под притисокот од стравувањето од послабата побарувачка во услови на забавување на растот во стопанствата ширум светот. Така Меѓународната агенција за енергија (IEA) предупреди дека побарувачката на нафта паѓа првпат од светската стопанска криза и во последните ти месеци од минатата 2011 година се намалила за 300 илјади барели дневно, на 89,5 милиони барели дневно.Во Европа паднатиот швајцарски преработувач на нафта „Petroplus“ поради изразената неизвесност во врска со побарувачката во петокот предупреди дека би можел да затвори три од неговите пет рафинерии. Една рафинери се реши да ја понуди на продажба а за други две во иднина ќе разгледува дали ќе ги понуди имајќи предвид дека европскиот пазар е преплавен со рафинерии коишто не е можно да се продадат.Во вакви услови падот на цените на нафтата го закочи продолжувањето на разговорите за грчкиот долг, кој на пазарите беше дочекан како сигнал за долго очекуваниот договор а со тоа и почетокот на решавањето на грчките проблеми. Обновениот оптимизам во врска со иднината на еврозоната помогна во стабилизирањето на цените на нафтата. Аналитичарите сепак се умерени во изразувањето на надежи во скорешно решение и очекување дека цените на нафтата ќе се движат во тесен распон додека не се искристализираат појасни знаци за напредок.„Пазарот реагира на стопанските и геополитичките фактори, зачестено расте и паѓа за неколку центи. Уште овој викенд може да се стекне впечатокот дека Грција нема да успее да ги реши своите должнички проблеми и пазарот ќе реагира на тоа“, вели за Reuters Рој Џордан, од „Facts Global Energy“.Дополнителна поддршка на пазарите им дава и стравот од пореметувањето на снабдувањето од Иран, чиј министер за надворешни работи го предупреди соседните арапски земји да не се доведуваат во опасна ситуација поради блиските врски со САД. Иран не го затвори најважниот светски морски пат за извоз на нафтата, Ормушкиот теснец, низ кој минатата година минувале речиси 17 милиони барели нафта дневно, но се закани дека ќе преземе одредени мерки Европа воведе нови санкции. Европската унија веројатно во понеделникот ќе го договори ембаргото за увоз на нафта од Иран, соопштија извори од француското министерство за финансии. /крај/ро/мф/сн