Спорт
Ќе се менува Закон за спречување на насилство во спортот
По низата инциденти на спортските терени и откако жртва на гневните навивачи стана и тренерот на КК Работнички и селектор на македонската кошаркарска репрезентација, Марин Докузовски, МВР најавува измени на Законот за спречување на насилствата во спортот и недолично однесување
Како што соопшти министерката за внатрешни работи, Гордана Јанкулоска, во новиот закон санкциите ќе одговараат на околностите и вели дека ќе придонесе за спортски натпревари на кои единствената битка ќе се води на теренот.„Секако дека овој закон кој веќе го имаме во работна верзија ќе биде предмет на дискусија на сите заинтересирани страни, односно спортските федерации, навивачките групи, спортските клубови и воопшто кај пошироката јавност бидејќи тоа го правиме пред сè во интерес на јавноста“ изјави министерката Јанкулоска.За последниот инцидент кој се случи на натпреварот меѓу МЗТ и Работнички, Јанкулоска соопшти дека поднеле неколку прекршочни пријави,. Но поради масовната посетеност на настанот дополнително се идентификуваат други евентуално инволвирани лица.„Тогаш кога ќе ги имаме овие податоци ќе ја прошириме истата пријава или ќе поднесеме нова зависно од доказите до кои ќе дојдеме“ изјави министерката Јанкулоска.Инаку Јанкулоска денеска засади дрво на Милениумскиот крст на Водно во рамките на акцијата Ден на дрвото – Пролет 2011.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.