Европа
КиберБеркут тврди дека Киев планира да го минира референдумот во Холандија
Хакерската група „КуберБеркут“ објави на мрежните страници дека властите на Украина имаат намера да го минираат референдумот за придружување на Украина во Европската унија.
Како доказ хакерите кои се противници на прозападните власти во Киев објавија документ во кој челникот на Службата за надворешно разузнава на Украина, наводно, бара од претседателот Петро Порошенко да одобрување да се преземат мерки за уривање на холандскиот референдум.
„Со цел да се дејствува во полза на националните интереси на Украина за промена на јавното мнение коешто преовладува во Холандија, се укажува потреба од целисходно спроведување на пакет мерки за минирање на референдумот“, се наведува во документот кој го објави КуберБеркут, а го цитира агенцијата РИА.
Станува збор за поткуп на регионални функционери и службеници, договори со групи локални новинари за создавање негативни впечатоци против референдумот, како и притисоци, вклучително и физички врз неговите организатори.
Според сознанијата на хакерите, челниците на украинското разузнавање за прикривање на трагите планира да се дејствува под маската на „арапски имигранти“.
Референдумот во Холандија е закажан за 6-ти април, кога граѓаните треба да одговорат на прашањето дали се согласуваат со присоединувањето на Украина кон Европската унија или не.
Претседателот на Европската комисија, Жан-Клод Јункер во јануари предупреди дека отфрлањето на договорот меѓу ЕУ и Украина би можело да предизвика „континентална криза“ и да оди во полза на Русија. Иако резултатот од гласањето на холандскиот референдум кој ќе се одржи на 6-ти април, нема да биде обврзувачки, повеќето холандски партии изјавија дека ќе се чувствуваат должни да го земат предвид евентуалното „не“ на избирачите.
Антиевропскиот портал GeenStijl кој средината на јануари собра 430.000 потписи за организација на референдумот, тврдејќи дека спогодбата за придружување со Украина ќе доведе на крајот до полноправно членство на оваа земја во ЕУ. Спогодбата стапи на сила на 1-ви јануари.
Холандскиот премиер Марк Руте го отфрли предупредувањето од Јункер како претерано, иако отфрлањето би потсетило на 2005 година кога Холандија го отфрли предлогот на првиот европски устав, што предизвика повеќегодишна криза во ЕУ.
Холанѓаните се чувствителни кога станува збор за Украина, поради несреќата на авионот на летот MH17 кој е оборен во јули 2014 година над источна Украина, во којашто загинаа повеќе од стотина Холанѓани. „Уште не гледаме врска (меѓу МН17 и референдумот), но ќе видиме“, рече Руте.
Поддршката на Холанѓаните за ЕУ е сé послаба откако земјата во 1991 година стана нето уплаќач во европскиот буџет. Иако повеќето холандски партии се проевропски, во анкетите во моментов води антиевропската крајно десна Слободарска партија на Геерт Вилдерс./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
„Фајненшл тајмс“: НАТО не може да ја заштити Источна Европа
НАТО има помалку од пет отсто од капацитетите за противвоздушна одбрана потребни за заштита на Источна и Централна Европа во случај на интензивен напад, пишува Фајненшл тајмс, повикувајќи се на неколку извори запознаени со доверливите одбранбени планови на алијансата, направени во 2023 година, пренесува Спутник.
„Воздушната одбрана е една од најголемите празнини што ги имаме. Тоа не можеме да го негираме“, изјави неименуван дипломат на НАТО.
„Способноста на алијансата да издржи ракетни и воздушни напади беше суштински дел од планот за одбрана на Источна Европа од инвазија“, вели друг извор.
„И сега го немаме тоа“, додаде тој.
Во написот се вели дека и на Велика Британија ѝ оди лошо во оваа област. Според „Фајненшл тајмс“, шесте разурнувачи дизајнирани за противвоздушна одбрана имаат недостатоци во дизајнот, а шесте модерни системи за воздушна одбрана „Скај Сабер“ имаат дострел од само 40 километри, а два од нив се наоѓаат во странство.
Европа
Макрон разговараше со претседателот на Палестина:„Решението за две држави не треба да се одложува“
Францускиот претседател Емануел Макрон изјави дека систематското одложување во спроведувањето на решението за две држави за Израел и Палестина треба да заврши.
„Макрон ја потврди посветеноста на Франција да работи, со своите европски и арапски партнери, на заедничката визија за мир што нуди гаранции за безбедност на Палестинците и Израелците“, се вели во соопштението на Елисејската палата по телефонскиот разговор меѓу францускиот претседател и неговиот колега Махмуд Абас.
„Овој процес треба да ја вклучи перспективата за признавање на палестинска држава со практична структура“, се вели во соопштението.
Макрон ја истакна потребата од реформирање и зајакнување на палестинската самоуправа за да може да ги извршува своите одговорности на палестинските територии, вклучувајќи го и Појасот Газа, за доброто на палестинскиот народ, пренесува француската новинска агенција АФП. Тој повторно го осуди неодамнешниот израелски напад во Рафах во кој, според локалните власти, загинаа 45 лица.
Разговорот меѓу францускиот и палестинскиот претседател дојде откако Норвешка, Шпанија и Ирска официјално ја признаа Палестина.
Вчера и Макрон изрази наклоност за француското признавање на Палестина, но додаде дека тоа треба да се случи во вистинско време.
Европа
Туск: Повторно воведуваме тампон зона на границата со Белорусија
Полска на почетокот на следната недела повторно ќе воведе тампон зона од 200 метри на границата со Белорусија, изјави денеска премиерот на земјата Доналд Туск откако полски војник беше нападнат на границата и се бори за живот.
Границата стана жариште откако мигрантите почнаа да пристигнуваат таму во 2021 година и откако Белорусија, близок руски сојузник, наводно отвори туристички агенции на Блискиот Исток кои нудат нова неофицијална рута кон Европа, потег што Европската унија вели дека е дизајниран за да се создаде криза.
Белорусија ги отфрла обвинувањата дека помага да се пренасочат мигрантите кон полската граница, а од Минск во средата немаше коментар за најавата на Туск. „Ни советуваа наскоро да ја обновиме тампон зоната од 200 метри во оваа област каде што е можно. Подготвени сме да донесеме таква одлука на почетокот на следната недела“, рече Туск на прес-конференција во близина на границата.
Во последниве недели има зголемување на бројот на мигранти кои се обидуваат илегално да ја преминат границата, а граничарите пријавиле бројни насилни инциденти. Во вторникот, полски војник беше нападнат со нож преку граничната ограда и сега неговиот живот е во опасност.
„Овде немаме работа со баратели на азил, туку со координирана операција на повеќе нивоа, многу внимателно дизајнирана, чија цел е да се пробие полската граница и да се дестабилизира земјата“, рече Туск.
Полска планира да потроши 2,55 милијарди долари за зајакнување на границата со Белорусија, а министерот за одбрана Владислав Косинијак-Камиш рече дека Полска е подготвена да го зголеми бројот на војници на границата од 5.500 што моментално се стационирани таму, но не кажа како многу ќе има повеќе во иднина.