Спорт
Мекејлеб одличен во победата на Монтепаски
Лестер Бо Мекејлеб со Монтепаски Сиена речиси сигурно обезбеди пласман во четвртфиналето на елитното кошаркарско натпреварување во Европа.
Лестер Бо Мекејлеб со Монтепаски Сиена речиси сигурно обезбеди пласман во четвртфиналето на елитното кошаркарско натпреварување во Европа. Во рамките на третото коло, во Топ 16 фазата, Монтепаски, како гостин ја победи Уникаха со 91:66, со што го задржа максималниот ефект. Монтепаски во последните три кола, два пати ќе игра на домашен терен, против Реал и Уникаха, а ќе гостува во Билбао. Македонскиот репрезентативец, Мекејлеб, натпреварот го заврши со 13 поени, со само едно промашување од поле, 3 аситенции и по една асистенција и украдена топка. Италијанскиот шампион од самиот почеток го диктираше ритамот, а прашањето на победникот го реши во последната четвртина која ја доби со 21:11. Покрај Монтепаски, победи во третото коло забележаа и другите фаворити: Панатинаикос, Барселона, Канту и ЦСКА Москва. Актуелниот првак Панатинаикос во Истанбул го победи Фенербахче со 77:56, Барса со добра игра во последниот период го скрши отпорот на Жалгирис, победувајќи со 94:80, Канту во дербито го победи Макаби со 82:74, додека ЦСКА остана единствената непоразена екипа во Евролигата, откако лесно го совлада Глатасарај со 85.70. /крај/макфакс/нц/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).