Свет
Министрите не треба да имаат имунитет
Имунитетот на министрите, на судиите и на членовите на државниот судски совет, изборот на врховниот обвинител и пробниот мандат на судиите се забелешките на Државната комисија за спречување на корупцијата за предложените уставни измени.
АНТИКОРУПЦИСКАТА КОМИСИЈА ЗА УСТАВНИТЕ АМАНДМАНИ
Имунитетот на министрите, на судиите и на членовите на државниот судски совет, изборот на врховниот обвинител и пробниот мандат на судиите се забелешките на Државната комисија за спречување на корупцијата за предложените уставни измени. Според комисијата, министрите, судиите и членовите на Државниот судски совет не треба да уживаат имунитет.
– Одземањето на имунитетот на министрите е и препорака на Групата држави за спречување на корупцијата (ГРЕКО). Судиите не треба да уживаат посебен имунитет, бидејќи нивната заштита веќе е гарантирана со уставниот амандман дека тие не може да бидат кривично гонети, лишени од слобода, притворени или повикани на граѓанско-правна одговорност за мислењето и одлучувањето при донесување судски одлуки – сметаат во комисијата.
Антикорупциската комисија е против предлогот Собранието по предлог на Владата да го назначува државниот обвинител. Според комисијата, со тоа се доведува во сомнение независноста на тој функционер во гонењето на криминалот и од можноста од влијание на извршната власт.
Комисијата не го поддржува ниту предлогот за пробен мандат на судиите бидејќи временското ограничување на нивниот мандат не било во функција на зацврстување на независниот статус на судиската функција.
За антикорупциската комисија е неприфатливо и членството по функција на министерот на правда и на претседателот на Врховниот суд во Државниот судски совет, бидејќи телото треба да биде независно и без влијание на извршната власт. Комисијата наведува дека во уставите на некои земји е изрично забрането тие да членуваат во ваквите тела поради неспоивост на фунциите. Во комисијата предлагаат бројот на членовите на државниот судски совет од редот на судиите да се зголеми за тоа тело да може да ја оствари својата улога во судството и државата. Според комисијата, надлежноста и начинот на работа на државниот судски совет треба да се уреди со посебен закон.
Антикорупциската комисија го поддржала амандманот со кој се предлага полесните прекршоци да преминат во надлежност на други државни органи бидејќи судовите ќе се растоварат од огромен број предмети и ќе се зголеми нивната ефикасност. (Н.Н.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ја забрани употребата на Телеграм на официјалните уреди на службениците
Украина ја забранува употребата на апликацијата за пораки Телеграм на официјални уреди што ги користат владини функционери, војска и друг клучен персонал поради загриженост за руска шпионажа, соопшти денеска украинскиот Совет за национална безбедност и одбрана.
Безбедносното тело ги објави новите ограничувања откако Кирил Буданов, шеф на украинската воена разузнавачка агенција ГУР, му претстави на Советот докази за способноста на руските специјални служби да ја следат платформата, се вели во соопштението.
Во соопштението на Советот за безбедност се наведува дека Буданов дал докази дека руските специјални служби можеле да пристапат до пораките на Телеграм, вклучувајќи избришана содржина, како и лични податоци на корисниците.
Свет
(Видео) Израелците го нападнаа Бејрут, цел бил Ибрахим Акил, командант на операциите на Хезболах
Густ облак од чад се издигна над главниот град на Либан Бејрут откако израелската војска соопшти дека извршила „цеден напад“. Жителите на јужните предградија пријавиле дека слушнале силна експлозија, пренесува Ројтерс.
BREAKING: A security source in Lebanon:
“Israeli bombing targeted the southern suburb of Beirut. It is not yet known whether a specific person was targeted, but the damage is great.” pic.twitter.com/EvMBFxOa24
— Sulaiman Ahmed (@ShaykhSulaiman) September 20, 2024
Израелците не дадоа никакви детали за нападот, но нагласија дека нема промена во советите за израелските цивили да останат безбедни. Нападот на Бејрут се случи откако Хезболах истрела 140 ракети во северен Израел.
Новата размена на оган доаѓа по серијата експлозии на комуникациски уреди во вторникот и средата, при што загинаа најмалку 37 лица, меѓу кои две деца, а повеќе од 3.000 беа ранети во Либан.
Либанската влада и милитантната група Хезболах го обвинија Израел за нападот. Тел Авив не ги коментираше тие наводи, но министерот за одбрана Јоав Галант најави дека Израел влегува во „нова фаза“ од војната.
Цел на израелското гранатирање на Бејрут бил Ибрахим Акил, командант на операциите на Хезболах, објави израелското воено радио.
Медиумите јавуваат дека Акил е убиен во овој напад, а тој е еден од клучните луѓе на Хезболах, за чија глава Америка понудила дури седум милиони долари.
Новинската агенција АФП цитираше извор близок до Хезболах дека Акил бил убиен во нападот.
Американското Министерство за правда понуди награда од 7 милиони долари за информации за клучниот лидер на Хезболах Ибрахим Акил.
Свет
Либанско Министерство за здравство: Најмалку осум загинати и 59 ранети во израелскиот напад
Во денешниот воздушен напад на израелската армија на периферијата на Бејрут загинаа најмалку осум лица, а 59 се ранети, соопшти либанското Министерство за здравство, пренесува Ројтерс.
Израелската војска претходно денеска соопшти дека извршила „целен напад“ врз либанската престолнина, додека два безбедносни извори изјавија за Ројтерс дека е погодено јужно предградие на Бејрут и дека цел бил лидер на Хезболах.
Нападот погодил локации во близина на клучни објекти што ги користи Хезболах, објави британската агенција, повикувајќи се на неименувани безбедносни извори во Либан.