Македонија
Милошоски: Би сакале Грција да има европски пристап
Шефот на македонската дипломатија, Антонио Милошоски како очекувани ги оцени заклучоците за земјата усвоени вчера од страна на министрите за надворешни работи на земјите членки на Европската Унија, во кои се вели дека Советот на Европската Унија е подготвен да се наврати на прашањето за отворање на пристапни преговори со Македонија за време на следното, унгарско претседателство со Унијата.Милошоски, кој денеска беше домаќин на претставници од земјите-членки на Повелбата за партнерство, побара Грција да има современ европски пристап кога е во прашање проширувањето на ЕУ. Истовремено, Милошоски изрази очекување дека Грција што поскоро ќе ја надмине економската криза со која се соочува.„Сметам дека се очекувани заклучоците на Советот на министрите. Она што може да се потенцира е тоа што Советот го споделува заклучокот, оценката и препораката на Европската Комисија дека земјата како кандидат ги пресретнува политичките критериуми и е подготвена да отпочне преговори за членство. Сепак, знаеме дека една земја-членка на Европската Унија се уште не го овозможува одлучувањето по ова прашање и создава пречки при донесувањето на евентуална таква одлука. Ние би сакале Република Грција како земја-членка на Европската Унија да има еден европски, современ пристап и кон Република Македонија и кон кредибилитетот на самиот процес на проширување на Европската Унија и сметам дека тоа ќе биде во интерес на сите нас. И, секако, сакаме да видиме еден сосед како Грција којшто поскоро ќе може да застане на вистинскиот економски пат за надминување на тешката криза со којашто се соочуваат и којашто нормално би било добро да се надмине што поскоро во интерес на развојот на регионот во целина“, рече Милошоски.Шефовите на дипломатии на земјите членки на Европската Унија по вчерашниот состанок во Брисел усвоија заклучок, според кој Советот на ЕУ е подготвен да се наврати на прашањето за отворање пристапни преговори со Македонија во текот на унгарското претседателство. Во нив се забележува и потребата Македонија да одржува добрососедски односи и истовремено да работи на надминување на проблемот со името со Грција. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК ги соопшти местата на кои ќе се прегласува на 22 мај
Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1.194 и 1.202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година.
ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.
Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.
Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови.
Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).