Македонија
Пратениците да им ги плаќаат сметките на стечајците
Стечајците разочарани од вчерашното отфрлање на Предлог законот за решавање на нивниот статус велат дека ќе ги соберат сметките во вреќи и ќе ги однесат кај пратениците пред врата, за тие да им ги плаќаат.
„Разочарани сме од Владата и од пратениците на ВМРО-ДПМНЕ, поради тоа што гласаа против предлогот за паричен надоместок за стечајците. Најавуваме порадикални протести, а нашите сметки ќе ги однесеме кај пратениците за тие да ни ги платат“, изјави за макфакс, претседателката на здружението на стечајците УНИТ Лилјана Георгиевска. Собранието вчера со 51 глас „против“ и 22 „за“ го отфрли Предлог законот за паричен надоместок за стечајците.На гласањето му претходеше целодневна жестока расправа меѓу власта и опозицијата. Марјанчо Николов од СДСМ кој го образложуваше Предлог законот рече дека со него се бара сите невработени лица кои останале без работа поради приватизацијата на претпријатија да примаат надомест од Агенцијата за вработување до повторно вработување или исполнување на условите за пензија во висина од 30 проценти од просечната плата за претходната година. Според опозицијата се работи за 10 илјади лица кои би го користеле ова право за што ќе бидат потребни 12 милиони евра или како што рече Николов се темели на уставните начела. „Со ова ќе се затвори прашањето за социјалната компонента на неправедната транзиција во Македонија. Доколку тоа не се направи тие луѓе ќе продолжат да живеат на маргините на општеството“, рече Николов. Според владејачката партија пак законот е поднесен од политички причини. Крсто Муковски од ВМРО-ДПМНЕ рече дека преку преземање на колективна одговорност СДСМ се обидува да амнестира личност која според него е режисер и сценарист на најматната приватизација во Македонија. За Предлог законот за материјално обезбедување на невработени лица поради приватизација на претпријатија со општествена и државна сопственост поднесен од пратеници од СДСМ, НД, ЛП, НСДП и Нова алтернатива, потребни се 12 милиони евра.Тројца претставници од Унијата на технолошки вишок со одобрение од претседателот на Собранието, Вељановски, а по барање на СДСМ вчера ја следеа собраниската расправа од галеријата во Собранието./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.