Интер Мајами убедливо ги победи Њујорк Ред Булс со резултат од 4:1. Блесна Лионел Меси со брилијантен гол.

Во победата на својот тим, Аргентинецот го постигна најубавиот гол на натпреварот по одлична акција со Сеговија.

Натпреварот беше решен во првото полувреме. Домашниот тим постигна три гола во првите 45 минути и со тоа практично го реши прашањето за победникот. Пикол го доведе Интер во водство во деветтата минута, а подоцна Вигант го дуплираше водството во 30-та минута. Во 39-та минута беше 3:0 кога Луис Суарез го постигна својот втор гол оваа сезона во МЛС лигата. Тоа не беше крај, бидејќи Софо го намали водството на домашниот тим во 43-та минута.

Второто полувреме беше формалност, но момент на магија беше виден во 67-та минута. По неколку двојни додавања со Сеговија, Меси успеа да се избори за позиција и шутираше прецизно под пречката за конечен резултат. Ова беше неговиот четврти гол во седум натпревари.

That man Messi strikes again!

Patrick Mahomes is loving it. 👏 pic.twitter.com/o0HXoxaqxa

— Major League Soccer (@MLS) May 4, 2025

Кристофер Нкунку ги брои последните денови на „Стенфорд Бриџ“. напаѓачот не е задоволен од статусот што го има во тимот и порачал на клупските челници дека сака да го напушти Челси.

Нкунку одигра само 910 минути во 27-те натпревари колку што беше на теренот оваа сезона. Често имаше проблеми со повреди, а најчесто беше стартер во Конференциската лига. Во ова натпреварување тој постигна пет гола и забележа три асистенции во девет натпревари.

Сепак, тој не е задоволен од статуст, сака да го напушти тимот иако неговиот договор со Челси истекува само во 2029 година. Ова би значело и дека Челзи би можел да заработи од заминувањето на поранешниот напаѓач на Лајпциг и ПСЖ.

Нкунку е желба на речиси сите клубови во Премиер лигата кои се во горниот дел од табелата. Медиумите го поврзуваат со Манчестер Јунајтед и Тотенхем. Засега нема конкретни понуди испратени на адресата на лондонскиот клуб, но се водени разговори со менаџерот на играчот и многу е веројатно дека Нкунку ќе остане во Премиер лигата.

Челзи се надева дека ќе заработи околу 35 милиони евра. За споредба, Нкунку дојде во Челзи од Лајпциг за 60 милиони евра.

Денвер Нагетс ги победија Лос Анџелес Клиперс со 120:101 во решавачкиот седми натпревар од првото коло од плејофот на Западната конференција.

Нагетс славеа благодарение на изворедната игра во третиот период, направија серија 17:0 кога стекнаа предност од 28 поени (82:54).

Екипата на Дејвид Аделман рутински ја одржуваше предноста до крајот, и покрај раниот петти фаул на Никола Јокиќ, кој мораше да ја напушти играта три минути пред крајот на третата четвртина за да ја избегне шестата лична грешка.

Јокиќ, најдобриот кошаркар во светот не одигра премногу ефикасна игра, но не ни мораше кога остатокот од тимот беше расположен.

Јокиќ го заврши натпреварот со 16 поени, 10 скока и осум асистенции. Покрај него, дури петмина кошаркари на Денвер имаа двоцифрен учинок. Гордон постигна 22 поени, Браун 21, Вестбрук и Мареј постигнаа по 16, а Портер Јуниор 15 поени.

Во поразениот тим, Џејмс Харден потфрли (седум поени, 2-8 од поле), Леонард постигна 22 поени, додека Богдан Богдановиќ постигна 12 поени, со 5-9 шут од поле.

Оклахома Сити Тандер, најдобриот тим од лигашкиот дел од сезоната, ги чека Денвер Нагетс во полуфиналето на Западот. Тандер се одморни, со резултат од 4-0 против Мемфис, се пласираа во полуфиналето. Првиот натпревар се игра ноќта помеѓу понеделник и вторник.