Свет
Премиерот презадоволен од "Орфејка"
Ревизорот го поткажа Бучковски дека како министер за одбрана ја привилегирал туристичката агенција "Орфеј" и незаконски набавувал авионски карти само од кај неа, а дружењето со истата агенција продолжи и кога тој стана премиер.
БУЧКОВСКИ НЕ ЈА МЕНУВА ТУРИСТИЧКАТА АГЕНЦИЈА
Ревизорот го поткажа Бучковски дека како министер за одбрана ја привилегирал туристичката агенција "Орфеј" и незаконски набавувал авионски карти само од кај неа, а дружењето со истата агенција продолжи и кога тој стана премиер. Шпекулациите дека "Орф
И како премиер, Владо Бучковски не се откажува од туристичката агенција"Орфеј". Ревизорот го поткажа Бучковски дека како министер за одбрана ја привилегирал оваа агенција и незаконски набавувал авионски карти само од кај неа. Но, туристичката фела веднаш прокоментира оти ни кога седна на чело на Владата, Бучковски не ја промени навиката и продолжи да си лета преку "Орфеј".
Владата ја има регулирано набавката на авионски карти за патувањата за членовите на Владата и на другите функционери и раководни лица во државната управа преку избор на најповолни понуди. На тендер се одбрани четири агенции – "Авиотурс" ДОО, "Арка-Г" ДООЕЛ,"Орфеј"ДОО и "Еуро турист клуб"ДОО, сите од Скопје, од кои владината Служба за општи и заеднички работи бара најповолна понуда за организирање специјални летови.
"Токму за да нема сомневања дека има врзување со одредена агенција, кога некое министерство ќе побара од нас да организираме патување, од овие четири агенции бараме понуди и ја бираме најповолната", вели Горан Минчев, директор на Службата за општи и заеднички работи. Тој вели дека не знае дали премиерот најмногу патувал со карти набавени преку "Орфеј".
"Не гледам ништо страшно ако "Орфеј" дал најдобра понуда и ако најчесто се земале авиобилети преку таа агенција. Како директор инсистирам да се одбере најповолната понуда. Зар да давам повеќе пари само да не биде "Орфеј". Кај мене никоја од другите агенции не реагирала, а ако дојдат, ќе им дадам писмена аргументација дека "Орфеј" кога победила, дала најповолна понуда", објаснува Минчев.
Тој го толкува како пропуст на некое министерство ако самоиницијативно организира патувања. Токму на ваков случај укажуваат во една од агенциите вклучени во тендерот. "Кога одеше премиерот за САД, воопшто не беше побарана понуда од нас".
Во "Авиотурс" велат дека не можат да одат и да проверуваат за секоја карта чија понуда била најдобра. "Ќе покаже наредната ревизија", велат во Авиотурс. Премиерот не летал преку оваа агенција, а Министерството за надворешни работи – само 2-3 пати годинава.
Шпекулациите дека "Орфеј" и продава најмногу карти на Владата, се врзуваат и со семејното пријателство меѓу сопственичката на агенцијата "Орфеј", Снежана Јовановска, со семејството на Премиерот. Заедно со Анета Бучковска беа видени на последната Модна недела во Скопје. Неодамна, од роденденската прослава на Жана, во магазинот "Вип гала" излезе фотографија од заедничкото дување свеќички со Анета. На прославата беше и премиерот. Жана не пропушта прилика да биде во бизнис делегациите кои на повеќе европски патувања но и на она во САД, го следат премиерот. Беше и во бизнис-делегацијата кога премиерот беше во Брисел.
Јовановска одговара на нападите: "Ова е валкана конкурентска борба. Не сум привилегирана. И да се набавувале повеќе карти преку Орфеј, изборот на агенција е работа на навика, доверба и квалитет. Ги посетувам бизнис форумите и саемите веќе 15 години и одам онаму каде има бизнис интерес. На другите агенции подобро ќе им биде да работат, а не да ги бројат моите пари", вели Јовановска.
А.Салтировска
***
Сладок колач
Неофицијално, се врти бројка од околу 2,5 милиони евра кои годишно Владата ги троши за авиобилети. Агенциските работници објаснуваат дека агенциска провизија или ќарот, почнува од 9 отсто од цената на билетот па може да се искачи до 13 или 15 отсто. Ако една агенција успее да зафати само 50 отсто од авиобилетите, тоа е чиста заработка од над 100.000 евра годишно.
Во Буџетот за 2006, под ставката "патни и дневни расходи" на буџетските корисници се запишани 841 милиони денари, но тука влегуваат не само авиобилетите туку и дневниците.
***
Одбрана: Извонредна соработка со Жана
Правдајќи се зошто Министерството за одбрана набавувало авионски билети само од "Орфеј", државниот секретар Никола Петревски, неодамна изјави:
"Со туристичката агенција "Орфеј" Министерството за одбрана има извонредна соработка од 2002 година. Ние сме презадоволни од услугите што ги добиваме од неа. Да ве известам дека Владата имаше тендер со кој четири туристички агенции беа определени да ги вршат услугите за сите буџетски корисници" одговори Петревски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
По САД и Аргентина најави напуштање на СЗО
Аргентина ќе ја напушти Светската здравствена организација (СЗО) поради неадекватното управување со пандемијата на Ковид-19, изјави денеска портпаролот на десничарскиот претседател Хавиер Милеј, пренесува ДПА.
„Претседателот нареди повлекување од СЗО поради длабоките разлики во врска со управувањето на СЗО, особено за време на пандемијата на ковид-19“, изјави Мануел Адорни, мислејќи на воведувањето на повеќемесечен карантин во Аргентина за време на владеењето на претходната левичарска влада.
Оваа одлука следи две недели откако претседателот Доналд Трамп ја најави американската одлука да ја напушти оваа здравствена организација на првиот ден од неговиот втор мандат.
На почетокот на пандемијата во 2020 година и Јужна Америка, како и Аргентина, воведе многу строги мерки за сузбивање на ширењето на коронавирусот.
Полициски час беше во сила подолго отколку во речиси која било друга земја на светот и, во некои случаи, луѓето можеа да излегуваат од своите домови само за неопходни набавки и лекарски прегледи.
Свет
Руски воен аналитичар: Украинците веќе развиваат сопствено нуклеарно оружје
Украина веќе работи на развој на сопствено нуклеарно оружје, а неговото тестирање би можело да се изврши во регионот Полтава, изјави за Инфо24 воениот аналитичар и вонреден професор на Катедрата за политичка анализа и социо-психолошки процеси на Рускиот економски универзитет Плеханов, Александар Перенџиев.
Украинскиот претседател Володимир Зеленски побара од западните земји да му го „вратат“ нуклеарното оружје на Киев како компензација за нивното одбивање да ја примат Украина во НАТО. Дополнително, украинскиот лидер ги повика западните партнери да помогнат во зајакнувањето на украинската армија опремувајќи ја со најновите ракетни системи.
“Не е случајно што Зеленски постојано зборува за нуклеарно оружје. Сосема е можно Киев веќе да развива сопствено нуклеарно оружје. Има и одредени факти кои индиректно го потврдуваат тоа. Конкретно, неодамнешниот земјотрес кај Полтава може да биде поврзан со тестирање на нуклеарно оружје”, објасни Перенџиев.
Тој исто така додаде дека Украина има се што и е потребно за да направи атомска бомба. Во исто време, тој изрази уверување дека Русија нема да дозволи Киев да го добие и ќе направи се што е потребно за да го спречи спроведувањето на нуклеарната програма на Украина.
„Режимот во Киев има одредени способности да создаде нуклеарно оружје. Украина ја зачува научната база, документацијата, па дури и одреден персонал кој претходно работел во оваа област. Сепак, за нуклеарното оружје е потребна инфраструктура. Доколку се појави, Русија веднаш ќе изврши напад врз овие објекти“, заклучи Перенџиев.
Регион
„Многу е тешко да се предвиди што е следно“: серијата земјотреси околу Санторини ги збуни геолозите
Грчкиот остров Санторини и неговата околина продолжуваат да се тресат, а десетици илјади луѓе се евакуирани. Тековните земјотреси најверојатно се предизвикани од серија движења на раседот, но тие се многу невообичаени, изјави Дејвид Пајл, професор по геологија на Универзитетот во Оксфорд, за LiveScience.
– Проблемот со овој настан е што гледаме земјотрес по земјотрес. Сè се случува под вода и многу е тешко да се предвиди што ќе се случи следно“, вели Пајл, кој го проучувал вулканот Санторини.
Егејското Море се наоѓа на мала плоча од Земјината кора, која се протега додека африканската плоча се лизга под евроазиската плоча. Ова истегнување, додаде тој, доведува до движења на раседите кои потоа предизвикуваат земјотреси.
„Областа е малку повеќе погодена отколку во 2011 и 2012 година, а стапката на откриени земјотреси е поголема, но фокусот е надвор од вулканот“, рече Пајл.
Повеќето земјотреси се случија помеѓу вториот подводен вулкан Колумба, кој се наоѓа на 7 километри североисточно од Санторини и малиот остров Анидрос.
Иако научниците веруваат дека овој пат земјотресите се активирани од движењето на тектонските плочи, не сите се сигурни дали постои поврзаност помеѓу серијата земјотреси и потенцијалната вулканска активност кај Колумбо.
„Ние навистина не знаеме многу за системите за снабдување со длабока магма на вулканите“, рече Пајл.
Вулканот Колумбо последен пат еруптираше во 1650 година, кога предизвика катастрофално цунами што ги опустоши островите во регионот.
Санторини бил обликуван од таканаречената минојска ерупција пред околу 3.600 години. Истиот вулкан имал „една од двете најголеми ерупции во овој дел од светот“ пред околу 520.000 години.
Кривичниот суд за случајот со Фросина: Јавноста да не подлегнува на провокации и шпекулации, како и стигматизирање и линч на еден судија
Судиите и подружницата на Здружението на судиите на РСМ при Основниот кривичен суд Скопје изразува длабоко жалење за загубениот млад...
Кривична за поранешниот директор на СОЗР за поткуп, фалсификување, проневера: Финансиската полиција со детали
Управата за финансиска полиција до Основното јавно обвинителство Скопје поднесе кривична пријава против едно физичко лице, поранешен директор на Службата...
Судскиот совет ќе формира комисија за постапките што се воделе против Јованов, кој ја прегази Фросина: „По увидот во сите списи, ќе кажеме дали има пропуст“
Судскиот совет ќе формира комисија, која ќе утврдува дали имало пропусти во претходните постапки што се воделе против 20-годишникот Васил Јованов,...
Денес во 16.30 часот тргнува првиот воз од Скопје за Куманово, ќе се патува 41 минута
Скопје и Куманово, по две и пол години прекин, повторно ќе бидат железнички поврзани. Министерот за транспорт и врски Александар...
Акција во МВР: се истражува Одделот за општи и заеднички работи
МВР со потврда дека се спроведува полициска акција поврзана со работењето на Одделот за општи и заеднички работи во ова...
Претрес во домот на поранешниот директор на СОЗР, се обезбедуваат докази за поткуп и проневера
Основното јавно обвинителство Скопје заедно со Управата за финансиска полиција презема дејства за обезбедување докази во предмет за кривични дела...
Фросина била прегазена заедно со нејзиното куче Аја, кое било пронајдено под автомобилот на Васил
Здружението од Кавадарци, „Лина – спаси живот, добиј живот, помогни им на животните“, на социјалните мрежи објави статус во кој...
В сабота протест во Неготино за правда на Фросина: „Стоп за сообраќајното насилство“
Протестен марш под мотото „Стоп за сообраќајното насилство“ ќе се одржи в сабота во Неготино, објавија организаторите на настанот на...
„Тој сѐ уште не е правосилно осуден, и да добил затвор, ништо немало да се промени“, вели професорот Калајџиев
Професорот по кривично право, Гордан Калајџиев, на социјалните мрежи ја коментираш тезата дека сообраќајната несреќа во која смртно беше прегазена...
Австралискиот премиер: Остануваме посветени на решение со две држави
Австралискиот премиер Ентони Албанез ја повтори „долгогодишната“ поддршка на неговата земја за решение за две држави на Блискиот Исток, по...
Пристигна првата реакција на Хамас откога Трамп рече дека САД сакаат да го преземат Појасот Газа
Официјалниот претставник на Хамас, Сами Абу Зухри, изјавите на Доналд Трамп за преземање на Појасот Газа ги опиша како „смешни“...
Американската војска почна да транспортира мигранти во Гвантанамо, објавени фотографии
Првиот американски воен авион со приведени мигранти полета синоќа за заливот Гвантанамо, соопштија американски официјални лица, додека администрацијата на претседателот...
Трамп: САД сакаат да го преземат Појасот Газа
Американскиот претседател Доналд Трамп изјави дека САД ќе го преземат разурнатиот од војна Појасот Газа и ќе го развијат економски...
(Видео) Зеленски го изнесе главниот услов за преговори за крајот на војната
Украинскиот претседател Володимир Зеленски изјави дека Украина ќе биде подготвена да се вклучи во преговори за ставање крај на нејзината...
(Видео) Мицкоски: Нови 15 милијарди денари капитални инвестиции за општините, историски најголема инвестиција
Денеска, на редовна седница на Владата практично почнавме со постапката за објавување на вториот повик преку Министерството за локална самоуправа,...
Ја затворил поранешната девојка: ја удирал со тупаници и клоци, ја влечел за коса: распишана потерница по 40-годишник
Основното јавно обвинителство Битола поднесе обвинение против 40-годишник кој се товари за – Противправно лишување од слобода од член 140...
Јакимовски: Трн во око им се маркетите, Владата воопшто не зборува за нивните миленичиња
Владата воопшто не зборува за нивните миленичиња, реагира на социјалните мрежи лидерот на ГРОМ и актуелен градоначалник на општина Карпош,...
Момчето на Фросина: Биди ми спокојна горе помеѓу ангелите, не ни дозволија заедно да остариме
Момчето на Фросина Кулакова, која смртно беше прегазена на пешачки премин на „Партизанска“, со потресна објава се огласи на социјалните...
Загина 57-годишен маж од Кочанско: со возилото излетал од патот
Вчера во ОВР Кочани било пријавено дека во периодот од 23.00 часот на 02.02.2025 до 16.30 часот на 03.02.2025 на...
Втор земјотрес во Македонија денеска
Телеметриската сеизмолошка мрежа на Република Северна Македонија на сеизмолошките станици инсталирани во нашата територија, одржувани од Сеизмолошката опсерваторија при Природно-математичкиот...
