Свет
Премиерот презадоволен од "Орфејка"
Ревизорот го поткажа Бучковски дека како министер за одбрана ја привилегирал туристичката агенција "Орфеј" и незаконски набавувал авионски карти само од кај неа, а дружењето со истата агенција продолжи и кога тој стана премиер.
БУЧКОВСКИ НЕ ЈА МЕНУВА ТУРИСТИЧКАТА АГЕНЦИЈА
Ревизорот го поткажа Бучковски дека како министер за одбрана ја привилегирал туристичката агенција "Орфеј" и незаконски набавувал авионски карти само од кај неа, а дружењето со истата агенција продолжи и кога тој стана премиер. Шпекулациите дека "Орф
И како премиер, Владо Бучковски не се откажува од туристичката агенција"Орфеј". Ревизорот го поткажа Бучковски дека како министер за одбрана ја привилегирал оваа агенција и незаконски набавувал авионски карти само од кај неа. Но, туристичката фела веднаш прокоментира оти ни кога седна на чело на Владата, Бучковски не ја промени навиката и продолжи да си лета преку "Орфеј".
Владата ја има регулирано набавката на авионски карти за патувањата за членовите на Владата и на другите функционери и раководни лица во државната управа преку избор на најповолни понуди. На тендер се одбрани четири агенции – "Авиотурс" ДОО, "Арка-Г" ДООЕЛ,"Орфеј"ДОО и "Еуро турист клуб"ДОО, сите од Скопје, од кои владината Служба за општи и заеднички работи бара најповолна понуда за организирање специјални летови.
"Токму за да нема сомневања дека има врзување со одредена агенција, кога некое министерство ќе побара од нас да организираме патување, од овие четири агенции бараме понуди и ја бираме најповолната", вели Горан Минчев, директор на Службата за општи и заеднички работи. Тој вели дека не знае дали премиерот најмногу патувал со карти набавени преку "Орфеј".
"Не гледам ништо страшно ако "Орфеј" дал најдобра понуда и ако најчесто се земале авиобилети преку таа агенција. Како директор инсистирам да се одбере најповолната понуда. Зар да давам повеќе пари само да не биде "Орфеј". Кај мене никоја од другите агенции не реагирала, а ако дојдат, ќе им дадам писмена аргументација дека "Орфеј" кога победила, дала најповолна понуда", објаснува Минчев.
Тој го толкува како пропуст на некое министерство ако самоиницијативно организира патувања. Токму на ваков случај укажуваат во една од агенциите вклучени во тендерот. "Кога одеше премиерот за САД, воопшто не беше побарана понуда од нас".
Во "Авиотурс" велат дека не можат да одат и да проверуваат за секоја карта чија понуда била најдобра. "Ќе покаже наредната ревизија", велат во Авиотурс. Премиерот не летал преку оваа агенција, а Министерството за надворешни работи – само 2-3 пати годинава.
Шпекулациите дека "Орфеј" и продава најмногу карти на Владата, се врзуваат и со семејното пријателство меѓу сопственичката на агенцијата "Орфеј", Снежана Јовановска, со семејството на Премиерот. Заедно со Анета Бучковска беа видени на последната Модна недела во Скопје. Неодамна, од роденденската прослава на Жана, во магазинот "Вип гала" излезе фотографија од заедничкото дување свеќички со Анета. На прославата беше и премиерот. Жана не пропушта прилика да биде во бизнис делегациите кои на повеќе европски патувања но и на она во САД, го следат премиерот. Беше и во бизнис-делегацијата кога премиерот беше во Брисел.
Јовановска одговара на нападите: "Ова е валкана конкурентска борба. Не сум привилегирана. И да се набавувале повеќе карти преку Орфеј, изборот на агенција е работа на навика, доверба и квалитет. Ги посетувам бизнис форумите и саемите веќе 15 години и одам онаму каде има бизнис интерес. На другите агенции подобро ќе им биде да работат, а не да ги бројат моите пари", вели Јовановска.
А.Салтировска
***
Сладок колач
Неофицијално, се врти бројка од околу 2,5 милиони евра кои годишно Владата ги троши за авиобилети. Агенциските работници објаснуваат дека агенциска провизија или ќарот, почнува од 9 отсто од цената на билетот па може да се искачи до 13 или 15 отсто. Ако една агенција успее да зафати само 50 отсто од авиобилетите, тоа е чиста заработка од над 100.000 евра годишно.
Во Буџетот за 2006, под ставката "патни и дневни расходи" на буџетските корисници се запишани 841 милиони денари, но тука влегуваат не само авиобилетите туку и дневниците.
***
Одбрана: Извонредна соработка со Жана
Правдајќи се зошто Министерството за одбрана набавувало авионски билети само од "Орфеј", државниот секретар Никола Петревски, неодамна изјави:
"Со туристичката агенција "Орфеј" Министерството за одбрана има извонредна соработка од 2002 година. Ние сме презадоволни од услугите што ги добиваме од неа. Да ве известам дека Владата имаше тендер со кој четири туристички агенции беа определени да ги вршат услугите за сите буџетски корисници" одговори Петревски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мерц: Не гледам никаква потреба Американците сега да ја спасуваат демократијата во Европа
Германскиот канцелар Фридрих Мерц денес изјави дека новата национална безбедносна стратегија на САД ја нагласува потребата Европа да стане „многу понезависна“ од САД во однос на безбедносната политика.
Тој изјави дека некои делови од документот се „неприфатливи од европска гледна точка“.
„Не гледам никаква потреба Американците сега да ја спасат демократијата во Европа. Ако треба да се спаси, ние самите ќе го сториме тоа“, рече Мерц.
Тој додаде дека новата американска стратегија ја потврдува неговата проценка дека граѓаните на Европа мора да станат „многу понезависни од САД во однос на безбедносната политика“.
„Не е изненадување, но сега е потврдено. Тоа е документирано“, рече Мерц.
Минатата недела САД објавија документ наречен „Национална безбедносна стратегија“, во кој, меѓу другото, пишува дека претседателот Доналд Трамп има намера да ги запре масовните миграции во светот и да воведе гранична контрола како главен елемент на американската безбедност.
Фото: депозитфотос
Свет
Велика Британија до Трамп: „Обединети сме во нашата поддршка за Украина“
Британската влада денес ги отфрли тврдењата на американскиот претседател Доналд Трамп дека европските лидери трошат премногу време дискутирајќи за војната во Украина без конкретни резултати. Трамп во интервју за „Политико“ изјави дека европските лидери „зборуваат премногу“ за конфликтот, но не успеваат да придонесат за негово завршување.
„Тие не произведуваат“, рече Трамп. „Ние зборуваме за Украина. Тие зборуваат, но не произведуваат. А војната само продолжува и продолжува“.
Портпаролот на британскиот премиер Кир Стармер се спротивстави на толкувањето на Трамп за мировните преговори, кои влегоа во клучна фаза речиси четири години по почетокот на руската инвазија. „Јас би го отфрлил тоа“, рече неговиот портпарол. „Видовте колку земји се вклучени во дискусиите на коалицијата. Исто така, ќе ја видевте работата што ја направи Велика Британија во однос на водењето на одговорот на санкциите, вклучително и против таканаречената флота во сенка.“
Сепак, тој потврди дека поддршката на Велика Британија за мировниот план на САД за Украина останува силна и ги поздрави „значајните напори на САД за мир во Украина, што никој не го сака повеќе од претседателот Зеленски“. Портпаролот, исто така, го отфрли описот на Трамп за Европа како „неуспешен“ континент предводен од „слаби“ луѓе.
„Видовте силна врска меѓу премиерот и претседателот“, додаде тој, истакнувајќи го неодамна потпишаниот трговски договор меѓу САД и Велика Британија како пример за соработка насочена кон „обезбедување, заштита и создавање работни места“. Тој, исто така, го спомена единството на земјите од Е3 – Велика Британија, Германија и Франција – кои разговараа со Зеленски во понеделникот, велејќи: „Ќе продолжиме да вложуваме напори за зајакнување на позицијата на Украина, за да се стави крај на оваа варварска војна.“
Во интервјуто, Трамп се осврна и на градоначалникот на Лондон, Садик Кан, тврдејќи дека првиот муслимански градоначалник е избран „затоа што толку многу луѓе дојдоа. Тие сега гласаат за него“. Дипломатски одговор дојде од Даунинг стрит без директно да го оспори тврдењето: „Премиерот има силен однос со претседателот на САД и силен однос со градоначалникот на Лондон, и во двата случаи е посветен на заедничка работа за постигнување подобри резултати за британскиот народ“.
Сепак, коментарите на Трамп предизвикаа остри реакции кај некои пратеници од Лабуристичката партија. „Силата е способноста да се работи со другите и да се привлечат, да се слушаат и да се стекнуваат пријатели“, рече Емили Торнбери, претседателка на Комитетот за надворешни работи. „Не е силно да се обидуваш да ги туркаш другите луѓе“.
Фото: депозитфотос
Свет
Зеленски му одговори на Трамп: „Секогаш сум подготвен за избори“
Украинскиот претседател Володимир Зеленски денес изјави дека е „секогаш подготвен за избори“, одговарајќи на претходната изјава на американскиот претседател Доналд Трамп дека „Киев ја користи војната за да избегне избори“.
„Секогаш сум подготвен за избори“, изјави Зеленски за италијанската „Република“, во кратка изјава додека го напушташе хотелот на пат кон палатата каде што треба да се сретне со италијанската премиерка Џорџа Мелони.
Зеленски додаде дека „и верува на Мелони во преговорите“ што се водат според американскиот мировен предлог за прекин на војната во Украина.
Порано денес, Трамп изјави за „Политико“ дека е време да се одржат избори во Украина.
„Тие ја користат војната за да не одржат избори, но мислам дека украинскиот народ треба да има таков избор. И можеби Зеленски би победил. Не знам кој би победил. Но, тие немале избори долго време. Знаете, тие зборуваат за демократија, но таа достигна точка каде што повеќе не е демократија“, рече Трамп.
Фото: депозитфотос
(Видео) Владата го усвои предлогот за разрешување на јавниот обвинител Коцевски, соопшти Митева
На денешната редовна 134 владина седница беше усвоен предлогот за разрешување на Љупчо Коцевски од функцијата јавен обвинител со што...
Премиерот слушна, но не сака да зборува за барањето за обесштетување за трагедијата во Кочани: Не би сакал за тоа да коментирам
Премиерот Христијан Мицкоски седнат во првиот ред во Собранието денес ги слушна барањата на родителите на загинатите и повредените во...
Мицкоски: Додека јас сум премиер, нема да никне ниту еден шатор за илегални мигранти
Премиерот, Христијан Мицкоски, ги отфрла наводите на лидерот на СДСМ, Венко Филипче, дека во Македонија ќе бидат отворени кампови за...
МОН воведува нови стипендии, конкурсите се веќе објавени
По воведувањето на стипендии за стимулирање на средношколци за упис на прв циклус на студии по македонски јазик за тековната...
Василевска бара изземање на Апасиев од претседавање со Анкетната комисија за Кочани
Пратеничката од редовите на ВМРО–ДПМНЕ, Иванка Василевска, на денешната седница на анкетната комисија за заштита на слободите и правата на...
Мерц вели дека Путин сака да го обнови Советскиот Сојуз, Кремљ му одговари
Кремљ денес соопшти дека европските тврдења дека рускиот претседател Владимир Путин сака да го обнови Советскиот Сојуз се погрешни и...
(Видео) Филипче: Опасност од мигранти, проблем е Владата на ВМРО-ДПМНЕ и нејзините тајни разговори
Социјалдемократскиот сојуз на Македонија пред повеќе месеци ја најави опасноста која што не очекува со мигрантите и таа опасност е...
Беким Сали назначен за в.д. претседател на Алтернативата по оставката на Зеќирија Ибрахими
Вицепремиерот и иден министер за европски прашања Беким Сали е избран за вршител на должност претседател на Алтернатива, откако досегашниот...
Објавени нови мапи; Русите: Напредуваме на сите фронтови, Украинците се опколени
Рускиот генерал Валериј Герасимов изјави дека руските сили напредуваат по целата фронтова линија во Украина и ги напаѓаат опколените украински...
(Видео) „Ти си најнапорната новинарка овде“: Трамп повторно со навреди
Американскиот претседател Доналд Трамп продолжи со своите вербални напади врз новинарките, а откако ги навреди врз основа на нивниот изглед...
Украина не се откажува од еден услов, Зеленски подготвува одговор на Трамп
Украина подготвува нов мировен план што ќе го презентира пред Белата куќа, додека борбите на истокот од земјата продолжуваат. Клучниот...
СДСМ со прашање за ВМРО-ДПМНЕ: Дали Британците лажат?
„Откако британските медиуми објавија нови информации со прецизни детали дека се договорени 20 илјади фунти по мигрант и дека Македонија...
(Видео) Нов масовен напад: руски беспилотни летала го бомбардираат украинскиот град Суми
Руски беспилотни летала го нападнаа северниот украински град Суми доцна синоќа, што е втор голем напад врз градот за 24...
Трамп му се заканува на Мексико со царини
Американскиот претседател Доналд Трамп го обвини Мексико дека неправедно се однесува кон американските земјоделци и се закани дека ќе воведе...
(Видео) Заврши средбата на Зеленски со европските лидери: „Судбината на Украина е судбина на Европа“
По повеќе од два часа на Даунинг стрит 10 во Лондон, се чини дека разговорите завршија – Кир Стармер, Емануел...
Николоски објави видео од изградбата на автопатот Тетово – Гостивар
Вицепремиерот и министер за транспорт, Александар Николоски, објави видео од градежните активности на автопатот Тетово – Гостивар. „Интензивно се работи на...
Наместо текстовите на СДС да им ги пишува Заев од Дубаи, добро е да ги проверат информациите, вели Манасиевски
Наместо текстовите на СДС да им ги пишува Заев од Дубаи, добро е да ги проверат информациите со релевантни и...
(Видео) Кузеска: Ја следиме трагата на парите, Томовски донира во ВМРО-ДПМНЕ
Скандалот со семејната фирма на Томовски која го чисти буџетот, или во бројки 5,3 милиони евра и 161 тендер е...
Трамп: Разочаран сум од Зеленски
Претседателот на САД, Доналд Трамп, изјави дека не е сигурен дали украинскиот претседател Володимир Зеленски ќе се согласи со новиот...
Авионско фрлање на мамки против беснило: граѓаните во наредниве денови исклучително внимателно да се движат во природа
Агенцијата за храна и ветеринарство започна со втората овогодинешна кампања за орална вакцинација на лисиците и дивите карнивози против болеста...
