Свет
Од идната година струјата ќе поскапи за 18 отсто

Најмалку 18-20 проценти поскапа струја ќе плаќаме од почетокот на идната година, покажуваат првичните пресметки.
Стручњаците тврдат дека е неопходна повисока цена на електричната енергија
Најмалку 18-20 проценти поскапа струја ќе плаќаме од почетокот на идната година, покажуваат првичните пресметки. Според некои калкулации, пак, доколку од старт се оди со 18-процентно поскапување, а не во идните шест години со по два и пол процента, за да се дојде до процентот со вредност 18, вредноста на ЕСМ ќе биде двојно повисока пред приватизацијата. Овие согледувања беа изнесени на работилницата на тема ,,Реформи во електроенергетскиот секторри, што се одржа викендов во Маврово.
Професорот Методија Несторовски посочи дека поскапувањето е неминовно, без оглед на тоа дали ќе дојде нов газда, но тоа не би требало да значи драстично повисока цена на струјата.
,,Регулиран пазар значи и регулирани цени, а не слободни пазарни цени, согласно со пишани правила и модели, што од своја страна би значело неможност за монополистичко однесувањееи, истакна Несторовски.
Според претставниците на Владата, новиот пазарен модел би требало да овозможи заштита на потрошувачите на струја пред апетитите на новиот газда, а интенцијата на Владата е да не ги преоптовари потрошувачите, не само на сметка на приватизацијата туку и самите реформи да не внесат страв кај граѓаните.
Првите пресметки за процентот на поскапувањето се очекуваат во септември, период до кој треба да се знае и конечниот модел како ќе се продава ЕСМ, производството и дистрибуцијата заедно или само дистрибуцијата.
Потенцијалните инвеститори бараат интегрална продажба, исто како и експертите.
,,Сметам дека двата система треба да се продадат во пакет. Моделот, според кој би се продавал, познат е и ќе биде според Законот за преобразба на ЕСМ, од 2004 година, кој предвидува објавување тендер со претквалификација на странски инвеститор во доминантен дел од 51 процент или повеќе и малцински дел на финансиски инвеститор. Приватизацијата на хидроцентралите може да оди со продажба на машинскиот дел или со издавање под концесија на хидрокапацитетитееи, објасни Несторовски.
Без оглед на начинот, ЕСМ мора да се продаде до март идната година, заклучија учесниците на работилницата, шест месеци пред парламентарните избори. Во спротивно, ќе мора да се чека нова Влада, што би влијаело дестимулативно и до губење на интересот на инвеститорите. Првиот претквалификациски тендер Владата го најавува за ноември оваа година.
(А.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин до Западот: Купија билет и не патуваа, само за да се налутат на кондуктерот: рускиот енергетски систем работи беспрекорно

Рускиот претседател Владимир Путин изјави дека одбивањето на европските земји да се потпираат на руските енергетски ресурси сериозно ја поткопа конкурентноста на нивните економии и доведе до пад на индустриското производство и пораст на цените низ целиот континент.
Зборувајќи на пленарната сесија на Руската недела на енергија во Москва, Путин истакна дека постапките на западните политички елити „ја уништија глобалната енергетска инфраструктура“, нагласувајќи дека политичкиот притисок довел до ирационални одлуки во ЕУ, според западните медиуми.
„Многу европски земји, под политички притисок, одбија да купуваат руски енергетски производи. Веќе неколку пати предупредив за последиците – не за Русија, туку за самите тие земји. Гледаме пад на индустриската активност и пораст на цените поради поскапата нафта и гас од странство“, рече Путин.
Тој додаде дека, по забраната за соработка со Русија, западните компании почнаа да ја губат својата технолошка предност и да го намалуваат производството, додека руските експерти станаа „технолошки лидери“ на пазарот.
„Што направија? Купија билет и не патуваа – само за да се налутат на кондуктерот. Каква глупост.
Нашиот енергетски систем е еден од најголемите во светот. Овој огромен комплекс работи сигурно и ефикасно“, заклучи претседателот на Русија.
Свет
Кремљ: Путин го предупреди Трамп за време на разговорот

Во денешниот телефонски разговор, рускиот претседател Владимир Путин го предупреди американскиот претседател Доналд Трамп дека испраќањето крстосувачки ракети „Томахавк“ во Украина ќе го загрози мировниот процес и ќе им наштети на односите меѓу САД и Русија. Веста беше потврдена од Кремљ во официјално соопштение, пренесуваат медиумите во регионот.
Според Кремљ, Путин изразил загриженост поради можноста напредното американско оружје во рацете на украинските сили да доведе до понатамошна ескалација на конфликтот. Предупредувањето јасно посочи дека таков потег од страна на Вашингтон би имал директни негативни последици врз билатералните односи на двете сили.
Советникот на Путин, Јуриј Ушаков, им изјави на новинарите дека Путин во разговорот нагласил дека руските сили во моментов имаат „целосна стратешка иницијатива“ по целата линија на фронтот во Украина.
Ушаков додаде дека денешниот повик, кој траел речиси два и пол часа, бил инициран од руска страна. Тој, исто така, објави дека на планираниот нов самит меѓу двајцата претседатели ќе му претходи разговор меѓу државниот секретар на САД, Марко Рубио, и рускиот министер за надворешни работи, Сергеј Лавров, кој се очекува да се одржи во наредните денови, пренесува index.hr.
Фото: принтскрин
Свет
Орбан по разговорите Трамп-Путин: Голема вест за мирољубивите луѓе, подготвени сме

Американскиот претседател Доналд Трамп објави дека наскоро повторно ќе се сретне со рускиот претседател Владимир Путин, а овој пат средбата ќе се одржи во Будимпешта. Двајцата лидери се согласија за нов самит за време на телефонски разговор.
Унгарија е подготвена да биде домаќин на самитот Русија-САД, изјави унгарскиот премиер Виктор Орбан.
„Планираната средба меѓу американскиот и рускиот претседател е голема вест за мирољубивите луѓе низ целиот свет. Подготвени сме!“ напиша тој на X.
Трамп и Путин последен пат се сретнаа пред два месеци во Алјаска, но таа средба не донесе конкретен напредок кон мирот во Украина, по што следеше период на дипломатско затишје меѓу Вашингтон и Москва, анализираат медиумите.
Денешниот телефонски повик не беше објавен со денови, за разлика од некои претходни, а аналитичарите истакнуваат дека времето на неговото случување е исклучително значајно. Имено, Трамп утре треба да се сретне со украинскиот претседател Володимир Зеленски.
Клучната тема на нивниот разговор ќе биде можното испраќање американски ракети со долг дострел „Томахавк“ во Украина, што би претставувало значително зголемување на воената помош за земјата.
Фото: принтскрин