Европа
Шпанија може да се обрати за помош до ОН околу Гибралтар
Шпанија пред Обединетите нации би можела да го изнесе спорот со Велика Британија околу ртот Гибралтар, пишува во неделата тиражниот дневен весник El Pais, повикувајќи се на дипломатски извори.
Тривековното недоразбирање околу Гибралтар, британска прекуморска територија на Пиринејскиот полуостров на која полага право Шпанија, изминатава седмица кулминираше откако Мадрид се пожали дека спуштањето на блокови во морето за коишто гибралтарските власти велат дека е подигнување вештачки гребен, е всушност пречка за минување на шпанските рибарски бродови. Притоа се закани со воведување давачка од 50 евра за секое влегување и излегување од територијата на Гибралтар, како и проверка на даночната состојба на тамошните жители кои имаат имоти во Шпанија.
Изворите не прецизираа дали Шпанија од ОН ќе побара да го поддржи барањето Велика Британија да се откаже од суверенитетот над Гибралтар или да се придржува до одредени договори. Меѓутоа, интернационализацијата на случајот секако ќе придонесе за зголемување на тензиите, пишува весникот.
Покрај советот за безбедност при ОН, Шпанија, исто така,би можела да се обрати и до Генералното собрание или до Меѓународниот суд на правдата во Хаг, велат извори на весникот.
Во петокот неименуван претставник на британското министерство за национална одбрана, потврди дека Лондон во водите на Гибралтар ќе испрати во текот на август три воени брода, во рамките на претходно планирани воени маневри.
Како што информираше телевизијата Sky News, повикувајќи се на извор во кабинетот на премиерот Дејвид Камерон, за време на телефонскиот разговор од средата со шпанскиот премиер Маријано Рахој, тој го известил за претстојните маневри. За време на телефонскиот разговор во средата Камерон, исто така, изрази сериозна загриженост во врска со плановите на Мадрид да ја зајакне контролата на границата со Гибралтар, и предупреди дека тоа би можело да доведе до влошување на односите меѓу Велика Британија и Шпанија.
Претходно минатата седмица шефот на шпанската дипломатија Хозе Мануел Гарсија Маргаљ изјави дека планира воведување такси од 50 евра за секое преминување на границата меѓу Шпанија и Гибралтар. Според негова со оваа мерка ќе треба да им се субвенционира на шпанските рибари коишто се засегнати од активностите на властите на Гибралтар. Покрај тоа, Маргаљ најави дека планира и да го затвори шпанскиот воздушен простор за авионите кои летаат кон Гибралтар, како и воведување даночни контроли за жителите на Гибралтар кои имаат имоти во Шпанија.
Гибралтар веќе три века е предмет на спорови меѓу Шпанија и Велика Британија. Англичаните ја контролираат областа јужно од карпестиот брег на Пиринејскиот полуостров на површина од 6,5 километри со население од околу 30 илјади луѓе/крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.