Македонија
Марфи: Грција го спори уставното име на РМ
„Нема ниту една меѓународна организација која бара од подносителот на барањето (Македонија) да ја користи привремената референца (Поранешна југословенска република Македонија).
„Нема ниту една меѓународна организација која бара од подносителот на барањето (Македонија) да ја користи привремената референца (Поранешна југословенска република Македонија). И нема ниту една земја освен тужената страна (Грција) која покренала прашање за употребата на уставното име на подносителот на барањето (Македонија)“, рече Шон Марфи, правен застапник на Македонија во случајот што земјата го води против Грција пред Меѓународниот суд на правдата во Хаг. Никој освен Грција не смета дека привремената референца е името на Македонија. Тоа е токму референца која упатува на Македонија , додаде Марфи. Тој ги отфрли грчките тврдења дека противењето на Грција на македонското членство во НАТО е резултат на немањето добрососедски односи и постоењето иредентистички закани. „Нема докази за иредентизам денес, освен нејзините (на Грција) изјави“, рече Марфи. Тој рече дека користењето на уставното име (на Македонија) не може да имплицира територијални претензии кон друга држава. Пред судиите на МСП Марфи кажа дека има голем број држави кои го признаваат и го користат уставното име во билатералните односи.Ова е прв круг од усната расправа во судскиот спор кој Македонија го покрена против Грција заради кршење на Времената спогодба.Пред Судот во тек е образложение на Филип Сандс, еден од правните застапници на Македонија. Усната расправа ќе трае и попладне. крај/макфакс/мд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гаши на редовна координација во новиот собраниски состав: во фокусот конституирањето на комисиите и неформалните работни тела
Претседателот на Собранието, Африм Гаши денеска ја одржа првата редовна координација во новиот собраниски состав, на која, главно, се дискутираше за конституирањето на комисиите, како и на неформалните работни тела во законодавниот дом.
На координацијата, покрај претседателот Гаши и генералната секретарка Цветанка Иванова, присуствуваа претставници на сите партии, односно коалиции кои освоија пратенички мандати на неодамнешните парламентарни избори: Никола Мицевски од коалицијата на ВМРО-ДПМНЕ, Оливер Спасовски од коалицијата на СДСМ, Блерим Беџети од Европскиот фронт на ДУИ, Халил Снопче од ВЛЕН, Бобан Карапејовски од ЗНАМ и Борис Крмов од Левица.
Гаши притоа информира дека кон крајот на оваа работна недела треба да се одржи нова седница на Собранието, со цел верификација на останатите два мандати на пратеници, кои не беа верификувани на конститутивната седница на 28 мај годинава. Државната изборна комисија, како што рече Гаши, веќе има доставено извештај за овие два мандати, така што неделава треба да се закаже седница за нивно верификување, со што ќе се комплетира новиот собраниски состав.
Во однос на формирањето на комисиите, присутните ја разгледаа можноста во наредните денови првично да се изберат претседател и членови на Законодавно правната комисија и на Комисијата за политички систем, со оглед на тоа што течат роковите за избор на новата Влада. Потоа, во најбрз можен рок, политичките партии би требало да достават предлози за претседатели, членови и заменик-членови на сите други работни тела на Собранието, согласно бројот на мандатите освоени на изборите.
Македонија
Се работи на внатрешноста на храмот „Свети рамноапостолни цар Константин и царица Елена“ во Скопје, ќе биде потребна и дополнителна помош од верниците
Од Скопската епархија, при Македонската Православна Црква – Охридска Архиепископија, информираат дека во изминативе 6 месеци интензивно се работи на внатрешноста на храмот „Свети рамноапостолни цар Константин и царица Елена“, во центарот на Скопје: се фрескоживописува и се привршува проектот за изработка на иконостасот и подот, а останува да се изведе електриката и да се уреди просторот околу храмот.
„Фрескописот и другите потребни работи се извршуваат од донации, но за целосно довршување на храмот ќе биде потребна дополнителна помош, па се очекува да помогнат и верниците, стопанствениците, приватните бизнисмени како и сите луѓе – добронамерници.
Инаку, новиот храм се гради во спомен на урнатиот од земјотресот, и е во целосна сопственост на Скопската епархија, со сите подмирени долгови од порано кон изведувачот на градежните работи, кој долгот го пријави дури по неколку години“, се истакнува во напишаното.
Скопје
Ѓорѓиевски: Финализираме со проектот за реконструкција на сите улици во Усје
Градоначалникот Орце Ѓорѓиевски денес го посети Усје. Во ова населено место, целиот изминат период интензивно се работи на обнова на патната инфраструктура. Улицата “5” е целосно реконструирана. Во моментот нов асфалт добиваат улиците “22” и краците на улицата ‘1”.
Сите тие се стари по повеќе од 30 години и откако се направени, на нив не е извршена никаква реконструктивна активност и покрај тоа што беа во катастрофална состојба. Со завршувањето на овие сообраќајници, се финализира проектот за реконструкција на сите улици во Усје. Претходно, пред две години, на почетокот од својот мандат, градоначалникот Ѓорѓиевски ја заврши секундарната фекална канализациона мрежа, со што семејствата од Усје, добиваат современи и удобни услови за живот, кои се нужни во 21 век.
– Се наоѓаме во населеното место Усје, каде работиме на последните 5000 квадратни метри од големиот проект за реконструкција на сите улици. 600 семејства кои живеат тука, три децении се соочувале со немање слух од сите мои претходници кои дозволиле улиците да стигнат до катастрофална состојба. Како што им ветив, извршивме големи реконструктивни зафати со кои ја опфативме целата патна мрежа во Усје и ќе финализираме за најмногу две седмици. На ова сакам да додадам дека претходно ја завршивме и фекалната канализација, што значи интервениравме и подземно и надземно, се со цел, нашите жители да имаат достоинствени услови за живот, а истото следува и во сите преостанати населби и населени места, изјави градоначалникот Орце Ѓорѓиевски.