Свет
Убиени три војници на НАТО во Авганистан

Во одвоени напади во текот на викендот во источниот дел на Авганистан се убиени тројца војници на НАТО, соопшти во неделата командата на меѓународната мисија за помош на Авганистан ИСАФ.
Двајца војници се убиени во саботата во експлозија на бомба подметната крај пат, а третиот загинал во напад на бунтовниците, се наведува во соопштението на ИСАФ, во кое не се наведуваат други детали за инцидентите, како што се националност ана загинатите војници или локациите на нападите.
Бројот на загинатите припадници на националните контигенти во меѓународната коалиција во Авганистан којашто брои 130 илјади војници, досега во 2012 година се искачи на 250, покажуваат податоците на специјализираниот интернет ресурс iCasualties.
И натаму најсмртоносна за странските војници во Авганистан останува 2010 година со 711 жртви, а втора според смртноста е минатата 2011 година кога животите ги загубија 566 странски војници.
Во последните пет години од почетокот на интервенцијата на меѓународната коалиција во Авганистан од пред 11 години со која беше соборен талабанскиот режим, се зголемува постојано и бројот на цивилните жртви. Така во 2011 година се регистрирани 3.021 жртва.
Интензивирањето на бунтовничките напади го отежнува подготвувањето на единиците на НАТО за подготовка на авганистанските безбедносни сили да ја преземат обврската за гарантирање на безбедноста во земјата откако кон крајот на 2014 година ќе започне повлекувањето на странските војници од Авганистан./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Двочасовно патување ќе се скрати на минута: Чудото поради кое Кинезите исекоа планина

Мостот Хуаџијанг во кинеската покраина Гуиџоу, кој треба да биде отворен до крајот на септември оваа година, станува вистинска атракција.
По завршувањето, мостот Хуаџијанг ќе стане највисок во светот – ќе се издига 625 метри над кањонот на реката Бејпан.
For people and development, no mountain’s too high.
The Huajiang Grand Canyon Bridge, in SW China’s #Guizhou, connects villages and improves lives. @UpGuizhou pic.twitter.com/2pd5CplTW1
— Mao Ning 毛宁 (@SpoxCHN_MaoNing) August 1, 2025
Бројките се навистина неверојатни: вкупната должина на мостот е 2.880 метри, а челичната конструкција тежи над 22.000 тони.
Изградбата траеше малку повеќе од три години, а мостот ги поврзува градовите Лиужи и Анлонг, минувајќи низ непристапен терен што со децении е голем проблем за сообраќајот.
Гуиџоу е 92 проценти покриен со планини и карпи, што е катастрофа за секојдневно патување. Наместо да градат долги и кривулести тунели, Кинезите едноставно ги отстранија планинските врвови за да направат место за новиот автопат.
Преминувањето на овој кањон порано траеше речиси два часа, но мостот Хуаџијанг ќе го скрати тоа време на помалку од две минути.
Свет
Кремљ ги намали очекувањата за средбата Трамп-Путин

Кремљ денес соопшти дека не се очекува конечен документ по претстојната средба меѓу рускиот претседател Владимир Путин и американскиот претседател Доналд Трамп, која ќе се одржи утре во Алјаска.
Портпаролот на Кремљ, Дмитриј Песков, според руската државна новинска агенција ТАСС и други медиуми, им изјави на новинарите дека таков документ „не се очекува“ по разговорите и дека ништо не е подготвено. „И малку е веројатно дека ќе има каков било документ“, додаде тој.
Песков, сепак, рече дека по самитот ќе се одржи заедничка прес-конференција и дека рускиот претседател ќе изложи „голем број договори и аранжмани што ќе бидат постигнати“.
Тој нагласи дека подготовките за самитот се направени во ограничен временски рок, додавајќи дека тековните разговори за војната во Украина се водат билатерално и дека ставот на Киев ќе биде разгледан во подоцнежна фаза.
Свет
Украина и Русија разменија заробеници, едниот од нив бил 4.000 дена во заробеништво

Украина и Русија извршија уште една размена на затвореници, објави претседателот Володимир Зеленски, при што еден од разменетите Украинци поминал повеќе од 4.000 дена во заробеништво.
„Нова размена, 84 лица“, напиша Зеленски на својот Телеграм канал и додаде дека меѓу нив има и војници и цивили.
Зеленски им се заблагодари на Обединетите Арапски Емирати за помошта во организирањето на размената.
Штабот на Украина за прашања поврзани со воените заробеници соопшти дека ова е 67-ма размена од почетокот на војната. Се случи еден ден пред средбата на американскиот претседател Доналд Трамп и рускиот претседател Владимир Путин во американската држава Алјаска.
Киев соопшти дека се вратени 33 украински војници и 51 цивил. Размената се случила на границата со Белорусија.
Некои од затворениците биле држени во сепаратистичките региони на источна Украина контролирани од Москва помеѓу 2014 и 2022 година, вклучувајќи три жени од регионите Донецк и Луганск.
Киев соопшти дека еден човек бил држен во заробеништво повеќе од 4.000 дена од 2014 година.
Русија ја потврди размената. Руското Министерство за одбрана објави враќање на 84 руски воени заробеници. Сепак, соопшти дека 84 украински војници биле предадени, без да спомене цивили.