Македонија
Заштита за македонската пченица и брашно
Со одлуката на Владата ќе се врзе увезената пченица и брашно со откупените количества на домашна пченица, изјави Љупчо Димоски министер за земјоделство, шумарство и водостопанство.
Со одлуката на Владата ќе се врзе увезената пченица и брашно со откупените количества на домашна пченица, изјави Љупчо Димоски министер за земјоделство, шумарство и водостопанство.Количината на увезена пченица ќе биде 1:3, односно за еден килограм увезена пченица ќе треба да се откупат три килограми домашна пченица, а односот на увоз на брашно со одлуката е 1:4, за еден килограм увозно брашно треба да се откупат четири килограми домашна пченица.„Поради увозот на брашно по многу ниска цена и лош квалитет, направени се 900 инспекциски контроли со што се намали увозот на пченица за 45 отсто и увозот на брашно за 25 проценти со цел да се заштити домашното производството“, рече Димоски.Одлуката е донесена за да се постигне пазарен баланс помеѓу очекуваното производство и увезената пченица и брашно со побарувачката во Македонија, а се поклопуваат со барањата на производителите на пченица и да се заштити интересот на земјоделците, а ќе стапат во сила откако ќе излезат во службен весник.„Министерството предложи цена од девет денари за килограм по кој ќе се врши интервентен откуп, количините кои ќе бидат интервентно откупени зависат од потребите за стоковите резерви“, изјави Димоски.Земјоделците за 40 денари за еден тон месечно ќе имаат можност за складирање на пченицата во државните силоси во Прилеп, со цел намалување на понудата на пченицата во период на жетва и подршка на производителите.„Трендот на увоз е радикално намален и со примена на одлуките ќе се има поголема контрола врз цената и увозот со што ќе се увезуваат производи со висок квалитет“, рече министерот.Во периодот за шест месеци од оваа година увезени се 20 илјади тони, а за истиот период минатата година увезени се 27,5 илјади тони брашно.Годишните количини на пченица потребни за Македонскиот пазар се движат околу 360 илјади тони, спред податоците на министерството оваа година се засеани 96 илјади хектари од кои се очекува род од 290 илјади тони./крај/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Пендаровски: Нашата понуда е единствена која гарантира дека Македонија ќе оди напред
Само оваа политичка опција од која сум јас дел, може да понуди Македонија да биде пристојно место за живеење, затоа што изминативе години, некој пат со мали чекори, но сепак одевме напред, порача кандидатот за претседател Стево Пендаровски пред граѓаните на населеното место Велебрдо.
Пендаровски посочи дека опозициската партија со себе носи опасност да ја врати државата назад во времињата на поделби, тензии и дискриминации.
„Од страна на опозицијата претстои опасност, Македонија да се враќа назад, а таа опасност е уште пореална, затоа што гледаме дека се здружуваат луѓе кои имаат други планови за државата. Не зборувам за нова војна, зборувам за квалитет на живот. За жал, овие што сега сакаат да дојдат на власт, се истите од пред седум осум години а сите знаете дека во тој случај, шанси за вработување шанси за напредување во кариерите ќе има само за нивни членови. Тога во државата имаше две категории граѓани, нивни членови и сите останати. А јас отсекогаш сум тврдел, дури и кога не сум бил во политика, дека или ќе бидеме сите рамнправни или нема да има среќа за никого“ порача Пендаровски.
Тој пред присутните посочи дека во изминатите години и тој и другите членови од власта покажале, низ примери што значи вистинска грижа за сите граѓани, без разлика на каква била нивна определба.
„Никој не бил дискриминиран по ниту еден основ, ниту од мене ниту од кој било друг, премиер, министер, градоначалник. Во нивно време беше поинку и сега сакаат да ја вратат таа стара политика. Затоа ве повикувам, на осми мај повторно со заокружување на бројот еден, да ја потврдите победата од првиот круг во ова населено место, а потоа и да ја донесеме победата во целата држава“ повика Пендаровски.
Македонија
Заев: По 30 години станавме членка на НАТО и дадовме придонес кон безбедноста на Балканот
„После 30 години ги исполнивме двете најголеми стратешки цели. Станавме членка на НАТО, за нас тоа значи безбедност и стабилност на овој мултиетнички Балкан, а втората цел беше почеток на преговори со ЕУ. Тоа за нас значи повеќе демократија, повеќе слобода, повеќе вредности што го очекуваа нашите граѓани, а ние продолжуваме во оваа насока, дека работиме добро во следните 3 години од 1-ви јуни 2017 година до 15 јули 2020 година каде што заврши мандатот за новата влада што ја водев јас, победивме и на следните избори во 2020 година, а јас подготвувам нова влада од 1 септември 2020 година“,рече поранешниот премиер Зоран Заев во своето обраќање на конференцијата „People Power Academy“ во организација на невладината организација Канвас.
Тој додаде дека со СДСМ, се менува земјата целосно.
„По поразот на локалните избори во 2021 година дадов оставка затоа што тоа е демократски начин, некој треба да преземе одговорност и да испрати порака дека политичарите мора да бидат одговорни“, заклучи Заев.
Македонија
(Видео) Силјановска-Давкова: СДСМ и ДУИ никогаш нема да бидат тоа што сме ние
Денеска кандидатката за претседателка на Македонија, професор д-р Гордана Силјановска-Давкова, одржа митинг во Могила.
Меѓудругото, Силјановска-Давкова рече: Се срамам кога гледам дека она што е гаранција за просперитетот на било која држава, ние го имаме но тие го крадат. Мислам на енергијата, мислам на водата, мислам на земјата, на земјоделието.
„Далеку од тоа дека тие мислат за иднината на оваа земја. Како ште гледате се силеа, се силеа, се палеа. Биле европски претседатели, биле наши претседали. Ама сега во агонијата се силат на бојкот! Се разбира дека јас не се плашам од дебата, ќе видиме што ќе дебатираат. Но мислам дека, не само што се плашат од соочувањето туку и веќе немаат што да кажат. Нема пострашна работа од власт на заминување. Тие раскарани меѓу себе, секој ден се обвинуваат кој бил повиновен за состојбата во која што се наоѓаме. Па дури и смешни изјави даваат, дека грешеле, грешеле, ама им треба уште една можност. Демек да докажат дека не се тоа што се односно дека се тоа што сме ние. Ама тие никогаш нема да бидат тоа што сме ние! Јас мислам дека на 8 мај ќе ни дозволите, со ваша помош, со ваш благослов, со божји благослов, да покажеме дека оваа земја има иднина! Дека оваа земја има капацитет да биде пристојна европска држава! Дека овој народ заслужува да биде горд на своите претставници! Дека оваа држава заслужува повторно да биде горда и ваша!“, рече професорката.