Спорт
СЕАТ ОПЕН 2010 – добротворен тениски турнир

Изминатиот викенд во тенискиот клуб АБЦ се одржа полуфиналните и финалните натпревари во машка и женска конкуренција од хуманитарниот тенискиот турнир SEAT Open 2010.
Во неделата напладне беа доделени наградите на натпреварувачите кој што победија во хуманитарниот турнир. Средствата собрани од котизацијата со чек беа врачени од страна на генералниот менаџер на КА-ДИС SEAT г-дин Зоран Калеников на д-р Владимир Чадиковски Претседател на Националната фондација за трансплантација. Овој турнир се одржува за прв пат во Република Македонија и покрај натпреварувачкиот карактер во него има голема хуманитарна нота при што традиционално ќе продолжи да се одржува секоја година за различни хуманитарни цели. Истовремено, покрај турнирот продолжи тест возењето на Good Stuff моделите кои што се специјално креирани модели од гамата на SEAT, потполно опремени кои исто така содржат хунатарна нота, а тоа е да со секој купен автомобил од SEAT & Shakira кампањата одредени средства се донираат во истиот хуманитарен проект за изградба на Клиниката за детска хирургија. Посетителите во саботното и неделното попладне уживаа во полуфиналните и финалните натпревари како и во прекрасните модели на SEAT автомобилите. Доколку не бевте присутни на SEAT тест возењето, имате можност во овластените салони на SEAT да ги пробате моделите Good Stuff и да станете дел од овој проект.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јунајтед и Рома се договорија, сега Санчо треба да ја договори платата со „волчицата“

Манчестер јунајтед се согласи да го продаде Џејдон Санчо во Рома за 23 милиони евра, но англискиот репрезентативец сè уште не ги договорил финансиските услови, ќе мора да прифати намалување на платата.
Италијанските медиуми објавија дека клубовите постигнале договор за позајмица со обврска за откуп на договорот од 23 милиони евра.
Јунајтед е заинтересиран да го продаде Санчо, чиј договор истекува следното лето, но големиот проблем е платата на 25-годишникот од 15 милиони евра по сезона.
Со оглед на тоа дека ова е далеку над можностите на Рома, клубот му предложи на Санчо да потпише петгодишен договор за да ја распредели својата плата.
Санчо би заработувал околу 4,5 милиони евра по сезона на Олимпико плус бонуси.
Јувентус и Бешикташ се исто така заинтересирани за Санчо.
Санчо ја започна својата кариера во Борусија Дортмунд, од каде што се пресели во Манчестер јунајтед во 2021 година. Тој беше отстранет од тимот во септември 2023 година поради недостаток на посветеност и недисциплина, а вториот дел од сезоната го помина на позајмица во Дортмунд.
Минатата сезона играше на позајмица во Челзи.
Спорт
Елмас на радарот на клубови од Италија, Турција и Англија

Македонскиот репрезентативец Елиф Елмас, до крајот на преодниот рок ќе го напушти Лајпциг. Елмас, вториот дел од сезоната го мина на позајмица во Торино. Лајпциг за неговите услуги бара околу 20 милиони евра.
Најреално во овој момент е Елмас да се врати во Италија. Торино сака да го откупи од Лајпциг, но не и да плати 20 милиони.
Проблем со финансиите нема поранешниот клуб на макеоднскиот репрезентативец, Наполи. Засега актуелниот италијански шампион важи за најголем фаворит за неговиот потпис.
Фудбалскиот инсајдер Екрем Конур, тврди дека покрај Наполи и Торино, интерес за 25-годишникот покажале Бепикташ и Вест Хем.
Foto/ EPA/ELISABETTA BARACCHI
Спорт
Нотингем Форест го потврдија МекАти и го финализира трансферот на Даглас Луиз

Нотингем Форест со два трансфери ќе го затвори преодниот рок. Сезоната „шумарите“ ќе се натпреваруваат во Лига Европа.
Горест досега го напуштија Еланга, Данило, Соса; Тарнер и Омобамиделе, а во клубот пристигнаа Хачисон од Ипсвич, Ендоје од Болоња, Хесус и Куња од Ботафого и Ган од Норич.
Клубот доцна синоќа го потврди трансферот на Џејмс МекАти. Англискиот играч за врска доаѓа од Манчестер сити во трансфер вреден 35,4 милиони евра. Сити вклучи клаузули во договорот за право на откуп и процент од идните продажби, објави Фабрицио Романо.
Последното засилување треба да биде Даглас Луиз кој не се снајде во Јувентус и се очекува по само една сезона да се врати во Премиер лигата.
Фудбалерот се договорил со Нотингем, останува истото да го сторат и клубовите.
„Шумарите“ понудила околу 30 милиони евра и одередни бонуси, а сето тоа би можело да биде доволно за Јувентус да го затвори овој трансфер.