Македонија
Насилниците и мирните демонстранти исти пред законот?
Плоштад слобода и Прва архи бригада се запрепастени од пријавите против студентите, учесници на мирниот и најавен протест од март, годинава, кога на плоштадот Македонија дојде до тепачки, кои доброволно дале изјава во полиција за настанот
Плоштад слобода и Прва архи бригада ја сметаат одлуката на Министерството за внатрешни работи за покренување на прекршочна постапка против учесниците во мирниот и уредно најавен протест од март, годинава, за скандалозна, покрај другото и затоа што во пријаите стоеле матичните броеви на секој од нив.“Со изедначување пред законот на насилниците и мирните демонстранти, министерството врши систематски притисок врз оние кои имаат став спротивен од владеачката структура, и испраќа директна закана дека секое јавно искажување на истиот ќе биде санкционирано“, рече Славчо Димитров од Плоштад слобода, на денешната прес-конференција.Од Плоштад слобода и од Првата архи бригада бараат повлекување на прекршочните пријави против студентите и нивните поддржувачи, поради тоа што правото на протест и јавно искажување на став право го гарантира уставот на Република Македонија. “Бараме да се казнат организаторите на спонтаниот собир, кои не само што нарушија ова право, туку посегнаа по физичката безбедност на студентите, повикаа на верска, национална и омраза по други основи, сето тоа пред очите припадниците на МВР, кои исто така треба да сносат одговорност“, додаде Димитров.Плоштад Слобода и Прва архи бригада најавија дека ќе продолжат да ги застапуваат своите ставови и покрај спорното омекнување на ставот на Владата, предметот да го префрли под ингеренција на МПЦ. За нас, неуставно е неуставно. “Сеедно дали се работи за закон, одлука на влада или ДУП, ние сметаме дека ова е финансирање на верска заедница, и дека се работи за фаворизирање на МПЦ“, вели Димитров.Тие најавија дека ќе побараат средба со претставниците на меѓународната заедница во државата, за да ги информираат дека со ова државата ги крши меѓународните конвенции кои ја обврзуваат да го почитува правото на протест и да ги заштити учесниците во пртестите од контра-демонстрантите.“Ние остануваме на ставот дека на локацијата предвидена за верски објект црква, не треба да се гради никаков објект, и истиот ќе продолжиме да го застапуваме на секој можен креативен и правен начин. Тој дел од плоштадот е јавен простор, за јавна употреба и простор низ кој поминуваат најфреквентните пешачки правци во градот“, рече Дивна Пешиќ од Прва архи бригада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.