Македонија
Трговската размена намалена за третина
Обемот на стоковна размена на Македонија во првите два месеца од оваа година е за третина помал во однос на истиот период лани
Обемот на стоковна размена на Македонија во првите два месеца од оваа година е за третина помал во однос на истиот период лани. Извозот паднал за 44 насто, а увозот за 26 проценти.
Ова го соопшти Заводот за статистика додавајќи дека покриеноста на увозот со извоз изнесува 44 проценти, а трговскиот дефицит во периодот јануари-февруари 414 милиони долари.
Македонија во првите два месеца од годинава извезла стоки во вредност од 325 милиони долари, што е за 44,4 насто помалку во однос на истиот период лани.
Вредноста на увозот во Македонија во периодот јануари-февруари годинава изнесувала 739 милиони долари и е за 26,4 насто намалена во однос на истиот период 2008 година.
Најизвезувани стоки од Македонија се фероникелот, производите од железо и челик, а на страната на увозот доминираат суровата нафта, електричната енергија и моторните возила за превоз на лица.
Најголем надворешно трговски партнер на Македонија е Европската унија, на која отпаѓа 32,1 насто од извозот и 49 проценти од увозот.
Македонија најмногу тргува со Германија, Србија, Русија, Грција и Италија. Речиси половина (48,6 насто) од вкупната размена се одвива со овие пет држави. /крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.