Македонија ја „зашемети“ Грција со 72-58 на европското првенство, вакви се насловите на водечките светски медиуми во врска со европското првенство во кошарка за вчерашната победа на Македонија над Грција.

Македонија ја „зашемети“ Грција со 72-58 на европското првенство, вакви се насловите на водечките светски медиуми во врска со европското првенство во кошарка за вчерашната победа на Македонија над Грција.

„Македонија ја „зашемети“ Грција со 72-58 на европското првенство„, пишува Вашингтон пост, а со сличен наслов „Македонија ја зашемети Грција на Европското првенство“ се огласи и USA today.

На електронското издание на познатиот грчки весник Елефтеротипиа осамна наслов „Разочарувачки национален пораз од ФИРОМ“.

Американските медиуми пишуваат за 27-те пеоени на Бо Мек Кејлер роден во Њу Орлеанс, а кој игра за македонската кошаркарска репрезентација, кој ја доведоа Македонија до победа над Грција.

„Нова сензација на Македонците: Го победија и првиот фаворит Грција“, е веста која вчера веднаш после натпреварот одеше на националната хрватска телевизија.

Еден од најчитаните хрватски сајтови индех пишува дека Македонците ја „растурија“ Грција и оти победата на Македонија против Хрватска не била случајност.

„По победата над Хрватска, Македонците остварија победа и против најголемиот фаворит во групата и тоа на многу уверлив начин“, пишува сајтот, додавајќи дека најзаслушен за победата е Бо Мек Кејлер.

Српската медиумска куќа Б92 под наслов „Македонците им влепија шлаканица на Грците“, пишува дека можеби најголемото изненадување на евробаскетот во Литванија претставува победата на Македонија над своите како што велат „неомилени“ соседи.

„Грчката национална телевизија повторно го избриша името Македонија, но македонските кошаркари го избришаа паркетот со грчките кошаркари“, констатира Б92.

Странските медиуми коментираат дека Бо мек Кејлер со помош на Перо Антич си поигруваше со грчката одбрана со што Македонците постигнаа победа како што пишуваат повредна од златен медал./крај/бд