Спорт
Јунајтед одвај до победата
Лидерот во англиската Премир лига, екипата на Манчестер јунајтед го казни промашениот пенал на домаќинот Вест бромвич албион и го совлада со 2:1 во првиот меч од 21-то коло
Ова е само втора победа на гости за Манчестер јунајтед оваа сезона, покрај седумте ремија. Таа посебно е значајна затоа што напаѓачот на манчестерските „црвени ѓаволи“, Вејн Руни постигна погодок по постот кој траеше од ланскиот март. Тогаш последен пат постигна гол од игра против Баерн во Лигата на шампионите. Сезонава еден од најскапите играчи на англиската Премиер лига постигна само два погодока, и тоа и двата од најстрогата казна. Манчестер јунајтед дојде во водство уште во третата минута на стадионот во „Хауторнс“, кога Руни ефектно со глава го искористи нафрлувањето од левата страна на Патрис Евра.Меѓутоа Вест бромвич албион изедначи уште во 14. минута, со одличниот волеј од линијата на шеснаесетникот на Џејмс Морисон, кој со десната нога шутираше во спротивниот дел од гол на Јунајтед. Во продолжението, домаќините имаа голема моќност да поведат во 63. минута. Рио Фердинанд го фаулираше во својот шеснаесетник Џером Ромас, но изведувачот на најстрогата казна Питер Одемвинги успеа да го промаши целиот гол на Томаж Кужчак.Непишаното фудбалско правило за неискористените стоотстотни шанси уште еднаш беше потврдено на овој меч, во 75. минута. Овојпат Руни нафрли од корнер а осамениот во шеснаесетникот на домаќините Хавиер Ернандез лесно со глава го постигна водството од 2:1, што беше и конечниот резултат.Меѓутоа, цената на оваа тешка но значајна гостинска победа зема свој данок во повторната победа на Вејн Руни кој во 88. минута поткуцнувајќи на едната нога излезе надвор од теренот, но сер Алекс Фергусон го врати во игра, бидејќи претходно ги имаше извршено сите три замени.Непосрдно пред овој меч менаџерот на „црвените ѓаволи“, Фергусон соопшти дека клубот, за разлика од конкурентите, нема намера да купува фудбалери во јануарскиот преоден рок.„Не верувам дека такво нешто ќе се случи. Не можете никогаш да гарантирате дека нема да се појави некој интересен фудбалер, но такви работи обично не се случуваат во јануарскиот преоден рок“, рече сер Алекс.Градскиот ривал на Јунајтед, Манчестер сити веќе најави дека ќе плати околу 38 милиони евра за Един Џеко од германски Волфсбург, Челзи трага за одбранбен фудбалер, додека Арсенал би можел да доведе голман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.