Свет
Здравството и натаму на „црна листа“ кај Светска банка
Светските банкари ја направија првата оцена за вториот заем од ПДПЛ-аранжманот
Светските банкари ја направија првата оцена за вториот заем од ПДПЛ-аранжманот
Брус Кортни и Никола Поповски без заедничка изјава за медиумите
НИНА НИНЕСКА-ФИДАНОСКА
Македонското здравство никако да се симне од црните листи на главните финансиски ментори на земјава – Светската банка и ММФ. На последните преговори со светските банкари, што завршија вчера, тие повторно испорачале долг список забелешки за нашиот здравствен сектор. Конкретно, Светска банка не е задоволна од тоа што нашите власти сў уште не можат да воспостават контрола во трошењето на народните пари што се собираат во здравствениот сектор.
"Светска банка е задоволна од другите реформи во здравството, но тоа не важи и за финансирањето во оваа област", изјави портпаролот на ресорот за финансии, Маја Богдановска, по финишот на преговорите меѓу Мисијата на СБ и владиниот тим.
Токму од причина што Владата има уште многу да работи за да ја засили контролата на трошењето на здравствениот денар, еден дел од експертите од СБ ќе останат во земјава и во наредната недела. Нивна главна цел е да се работи на отстранување на овие пропусти, со оглед на тоа што здравството е една од клучните реформи опфатени со ПДПЛ-аранжманот.
И ако главниот преговарач на светските банкари, Брус Кортни, вчера доцна попладнето си замина од земјава разочаран од здравственото финансирање тој, сепак, бил задоволен од напредокот што го постигнале властите во реформите во правосудството, за што пред неколку дена и јавно изрече пофалби. Набргу кај нас ќе пристигне и специјален тим од СБ за реформи во судството, со цел да се допрецизира нивниот натамошен тек.
Инаку, овие преговори имаа за цел светските банкари да ја направат својата прва оцена за тоа дали Македонија ги исполнува зацртаните реформи договорени за вториот заем од ПДПЛ, кој ќе тежи исто колку и првиот – 30 милиони долари. Мисијата на СБ во нова контрола ќе дојде на крајот на февруари, веднаш по заминувањето на тимот на ММФ. Последната посета на светските банкари за вториот заем, пак, ќе биде во јуни годинава, бидејќи финалниот рок за исполнување на сите услови истекува веќе во јули.
Инаку, претставниците на медиумите вчера беа збунети што главниот преговарач на СБ, Брус Кортни, и нашиот министер за финансии, Никола Поповски, по завршувањето на разговорите, прв пат не дадоа изјави за јавноста, како што вообичаено се случуваше досега. Таа улога му беше препуштена на портпаролот на ресорот за финансии. Оттаму објаснуваат дека единствена причина е што преговарачите не можеле да го усогласат терминот за давање изјави, со оглед на тоа што Кортни, веднаш по финалниот состанок со Поповски, изразил желба да се сретне со вицепремиерот Минчо Јорданов. Тоа го побарал со цел со него заеднички да се доиспеглаат некои законски акти околу подобрување на бизнис-климата во земјава, за што Македонија веќе доби поддршка од Светска банка преку БЕРИС-програмата. Од Министерството за финансии тврдат дека не постои никаква друга заднина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД велат дека мртвиот ирански претседател имал крвави раце
Иранскиот претседател Ебрахим Раиси, кој загина во хеликоптерска несреќа во неделата, имал „крвави раце“ поради поддршката на екстремистичките групи во регионот, соопшти денеска Белата куќа.
Портпаролот за национална безбедност на Белата куќа, Џон Кирби, изјави за новинарите дека САД ќе продолжат да го бараат Иран одговорен за, како што рече, дестабилизирачките активности во регионот.
„Тоа дефинитивно беше човек со многу крв на рацете“, изјави Кирби.
Иран побара помош од САД откако хеликоптерот на Раиси се урна во планинските области долж границата со Азербејџан, но САД на крајот не успеаја да помогнат поради логистички причини, соопшти Стејт департментот.
Портпаролот на Стејт департментот Метју Милер, исто така, им рече на новинарите дека смртта на Раиси нема да ја промени основната позиција на САД кон Иран.
Иранскиот претседател Ебрахим Раиси, кој долго време се сметаше за можен наследник на врховниот лидер, ајатолахот Али Хамнеи, загина во хеликоптерска несреќа во планинска област во близина на границата со Азербејџан, соопштија во понеделникот официјални лица и државните медиуми.
Остатоците од хеликоптерот што се урна во кој беа Раиси и министерот за надворешни работи Хосеин Амир-Абдолахиан беа пронајдени рано во понеделникот по бурна потрага.
Смртта на Раиси ја потврди потпретседателот Мохсен Мансури во изјава објавена на социјалните мрежи и на телевизија.
Свет
Нетанјаху: Со кое право не’ споредувате со Хамас додека водиме праведна војна
Израелскиот премиер Бенјамин Нетанјаху рече дека одлуката на обвинителите на Меѓународниот кривичен суд, со која се бара налог за негово апсење, е апсурдна и е насочена кон Израел.
„Со гадење ја отфрлам споредбата на хашките обвинители меѓу демократски Израел и масовните убијци на Хамас“, рече Нетанјаху.
„Со каква дрскост го споредувате Хамас кој убиваше, палеше, масакрираше, силуваше и ги киднапираше нашите браќа и сестри, со војниците на ИДФ кои водат праведна војна“.
Тој го нарече потегот на обвинителот на судот нов тип на антисемитизам.
„Граѓани на Израел, ви ветувам едно – обидот да ни ги врзат рацете нема да успее“, рече тој.
„Ветувам дека ниту еден притисок и ниту една одлука на ниту еден меѓународен форум нема да не спречи да ги удриме оние кои сакаат да не уништат“, додаде премиерот.
Израелскиот претседател Херцог, коментирајќи ја веста за налозите за апсење за воени злосторства, кои покрај лидерите на Хамас се однесуваат и на двајца високи израелски лидери, вклучително и самиот премиер Нетанјаху, рече дека одлуката на обвинителот „повеќе од срамна“ и ќе ги охрабри терористите ширум светот.
„Секој обид да се повлечат паралели меѓу овие ѕверски терористи и демократски избраната влада на Израел – која работи на исполнување на својата должност да ги брани и заштити своите граѓани во целосна согласност со принципите на меѓународното право – е срамота и не треба да биде прифатена од никого. “, рече Херцог.
Главниот обвинител на судот Карим Кан, побара од судиите на Меѓународниот кривичен суд да одобрат налози за апсење на тројца лидери на Хамас и двајца израелски лидери за воени злосторства и злосторства против човештвото извршени за време на седуммесечната војна во Газа, објави во понеделникот судот .
Одлуката ја критикуваа и САД.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.