Државната изборна комисија, која ја презема одговорноста за гласачкиот регистар, ќе преземе и дел од вработените во Министерството за правда

Координативното тело за спроведување на активностите за преземање на избирачкиот список од Министерството за правда во Државната изборна комисија, денес имаше прв работен состанок. На состанокот, како што изјави министерот за правда, Михајло Маневски, Координативното тело ја подготвувало методологијата за спроведување на активностите, а прва задача, како што беше претходно нагласено, ќе биде ревизија на списокот во време кога ќе нема никаков притисок од процес на гласање.Меѓу другото, била донесена и одлука со која дел од вработените во министерството заедно со избирачкиот список, од 1.9.2009 г. ќе се префрлаат во ДИК. Министерот Маневски нагласи дека се побарале и активности од Министерството за надворешни работи, што ќе поднесе податоци за лица кои живеат и работат во странство, а не било евидентирано нивното враќање, морталитет, местото на погребување и други податоци, кои влијаат на прочистување на изборниот список.За работата на Координативно тело кое има претставници од ДИК, Статистика, МВР, Правда, Владата одвоила 5 милиони денари кои биле неопходни за успешна реализација за активностите околу преземањето на списокот. Членовите на Координативното тело, што беше формирано откако беа разгледани препораките на меѓународните мониторинг мисии после изборите, беа изгласани на 44-та седница на Собранието на Република Македонија, на 21 јануари годинава. Тие ќе ги спроведуваат активностите поврзани со префрлањето и ревизијата на избирачкиот список до април следната година.