Свет
Најбогатите Американци годинава посиромашни
Речиси сите најбогати американци годинава се посиромашни, покажа листата на 400 најбогати граѓани на САД на магазинот Форбс
Речиси сите најбогати американци годинава се посиромашни, покажа листата на 400 најбогати граѓани на САД на магазинот Форбс. Вкупното богатство на листата Форбс 400, за последните 12 месеци забележа пад и тоа за 300 милијарди долари од 1,57 билиони на 1,27 билиони долари. Ова е петто намалување на вкупниот имот на листата 400 најбогати од 1982 година. Колапсот на берзите на капитал и намалувањето на цените на недвижностите го намали богатството на 314 лица од листата најбогати во САД, а 32 испаднаа од пописот. Најголеми загуби книжи вториот најбогат американец Ворен Бафет, чиј имот се намали за 10 милијарди долари, поради падот на вредноста на акциите на неговиот инвестициски фонд Беркшир за 20 насто за една година. Богатството на Бафет сега се проценува на 40 милијарди долари. Пред Бафет 16-та година по ред најбогат американец е соосновачот на софтверскиот гигант Мајкрософт Бил Гејтс, со имот од 50 милијарди долари. Богатството на Гејтс за изминатите 12 месеци се намалило за седум милијарди долари. Меѓу првите десет на листата се основачот на Оракл Лари Елисон (27 милијарди долари), наследниците на Вол-Март Кристи Волтон (21,5 милијарди), Џим Волтон (19,6 милијарди), Елис Волтон (19,3 милијарди) и Робсон Волтон (19 милијарди). Тука се и медиумскиот магнат и градоначалник на Њујорк Мајкл Блумберг (17,5 милијарди), како и енергетските гиганти Чарлс и Дејвид Кох (секој со имот од 16 милијарди долари). Десетте најбогати американци во изминатите 12 месеци загубиле 14 проценти од своето богатство односно 39,2 милијарди долари. Најголем добитник е банкарот Ендру Бил, кој тројно го зголеми своето богатство на 4,5 милијарди долари, со евтино купување на кредити и имоти од банкарските биланси, кога финансискиот пазар почна да се урина минатата есен. Цената за влез на листата Форбс 400 годинава се намали за 350 милиони долари, од 1,3 милијарди лани на 950 милиони долари./крај/хи/мо
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.
Свет
НАТО започна огромни вежби, за Русија: Тоа е подготовка за војна
Четиримесечните воени вежби на НАТО во близина на границите на Русија, наречени „Непоколеблив бранител“ се доказ дека алијансата се подготвува за потенцијален конфликт со Русија, изјави портпаролката на руското Министерство за надворешни работи, Марија Захарова.
Захарова неделава ги отфрли обвинувањата на НАТО дека Русија води хибридна војна против нејзините членки, тврдејќи дека тоа е дезинформација со цел да се одвлече вниманието од активностите на алијансата.
НАТО е тој што води хибридна војна против Русија, поддржувајќи ја Украина со оружје, разузнавачки информации и финансии, рече таа.
„Во моментов, најголемата вежба на НАТО од Студената војна, Непопустлив бранител, се одржува во близина на руските граници. Според нивното сценарио, акциите на коалицијата против Русија се практикуваат со користење на сите инструменти, вклучително и хибридно и конвенционално оружје“, продолжи Захарова.
„Мора да признаеме дека НАТО сериозно се подготвува за потенцијален конфликт со нас“, рече Захарова.
Најавувајќи го почетокот на вежбите во јануари, НАТО најави дека на нив ќе учествуваат 90.000 војници, кои ќе го вежбаат сценариото американските сили да им помагаат на Европејците во земјите кои граничат со Русија и на источното крило на алијансата доколку конфликтот се разгори.
Вежбите ќе траат до мај, пишува Ројтерс.
Свет
Во Мексико трагаа по исчезнати туристи од САД и Австралија, пронајдоа три тела
Мексиканските власти пронајдоа три тела во областа Долна Калифорнија за време на потрагата по исчезнати туристи. ФБИ соопшти дека телата биле пронајдени во градот Санто Томас и се уште не се идентификувани. Австралијците Џејк (30) и Калум Робинсон (33) и Американецот Џек Картер Роуд (30) сурфале во близина на популарното туристичко место Енсенада. Исчезнаа на 27 април, пишува Би-Би-Си.
Мексиканската полиција во четвртокот испрашувала жена и двајца мажи во врска со нивното исчезнување. Пред да бидат пронајдени телата, во областа беа пронајдени напуштени шатори, запален бел пикап и мобилен телефон поврзан со исчезнатите туристи.
Долна Калифорнија е меѓу државите во Мексико со највисоко ниво на насилство додека локалните нарко банди се борат за територија. И покрај тоа, туристите често ја посетуваат областа поради добрите услови за сурфање.