Свет
Судовите водат 800.000 спора зашто се корумпирани и исполитизирани
Во македонските судови се водат околу 800 илјади постапки за утврдување сопственички права, а повеќето од нив се спорови за прекршување акционерски права.
Во македонските судови се водат околу 800 илјади постапки за утврдување сопственички права, а повеќето од нив се спорови за прекршување акционерски права. Судовите се бавни и поради тоа се затрупани со предмети за судски спорови. Загрижувачко неефикасни се судските процеси за ненаплатени побарувања, што значително пречи во работата и во развојот на фирмите. Неефикасни и предолги се стечајните постапки.
Ова се заклучоци во белата книга на странски инвеститори во Македонија, која му беше дадена и на премиерот Владо Бучковски.
Во заклучоците пишува дека судовите немаат способен кадар и имаат слаби човечки ресурси, кои не се имуни на корупција и политичко влијание. Во делот за акционерството и корпоративното управување пишува дека најчесто менаџерите не се транспарентни затоа што нема доволно јавни податоци за финансиските состојби на компаниите, со што се загрозуваат правата на малите акционери. А за да се привлечат странски инвеститори, потребни се транспарентност и јакнење на корпоративното управување. И покрај тоа што имаше силна кампања за правна заштита на акционерите и нова законска регулатива, тие правила многу тешко се применуваат.
Што се однесува до развојот на фирмите, мора да се каже дека има менаџери што вложуваат во нови технологии, едукација на вработени, но тоа се малобројни примери. Во глобала, нивото на економски растеж е ниско затоа што малку компании вложуваат во својот развој.
Во белата книга на странските инвеститори пишува дека многу проблеми во земјава има и со утврдување на сопственоста врз земјиштето, што им создава дополнителни проблеми на лицата или на фирмите што сакаат да вложат во Македонија.
Како што „Време“ веќе пишуваше, странските инвеститори во книгата пишуваат дека има корупција и во царината, во здравството и во други сектори на јавната администрација.
Тие се жалат на честото менување на законските и подзаконските прописи во земјава што за нив претставува несигурност и зголемување на трошоците.
(продолжува)
Н. С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Свет
Трамп казнет со 9.000 долари
Помалку од седум месеци пред претседателските избори во ноември, на републиканскиот кандидат Доналд Трамп му се суди затоа што се обидел да го купи молкот на поранешната порно ѕвезда Сторми Даниелс неколку дена по изборите во 2016 година на кои ја победи демократската кандидатка Хилари Клинтон.
Судијата Хуан Мерчан рече дека Трамп е казнет со 9.000 долари поради кршење на забраната за коментирање на сведоци. Обвинителите го обвинија поранешниот претседател дека повеќе пати ја прекршил забраната за коментирање и побараа од судијата да го казни со 1.000 долари по прекршок, пишува Гардијан.
Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Пред судењето, судијата Мерчан ја прошири оваа забрана за коментирање на членовите на семејството откако Трамп напиша објава за ќерката на Мерчан.
Трамп мора да отстрани седум навредливи објави од социјалната мрежа „Truth Social“ и две објави од неговата веб-страница на кампањата до 14:15 часот. „Го предупредуваме обвинетиот дека судот нема да толерира натамошно кршење на правните наредби и дека доколку е потребно и соодветно со оглед на околностите ќе биде осуден на затворска казна“, се вели во судската пресуда.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.