Свет
Полициски закани ги спречија паланчани да се борат за болницата
Не можам јас да горам поради тебе. Ако протестирате, ние ќе мораме да интервенираме. Ова го кажувам за утре да не се гледаме попреку…
Не можам јас да горам поради тебе. Ако протестирате, ние ќе мораме да интервенираме. Ова го кажувам за утре да не се гледаме попреку…
Со овие зборови Станишко Ѓорѓиев, началник на кривопаланечката полиција, завчеравечер му се заканил по телефон на еден од организаторите на протестите за спас на болницата во Крива Паланка.
Полицијата вчера постојано ги растерувала граѓаните што протестирале во центарот на Крива Паланка, ги легитимирала и им се заканувала со кривични пријави, тврдат во „Хоризонт“, здружението што ја покрена иницијативата.
– Ми се јавија и командирот и началникот на полицијата. Ми се заканија дека ако има блокада на магистралниот пат, тие ќе ја разбијат толпата. За да не настрадаат граѓаните, ние како организатори решивме привремено да ги прекинеме протестите – изјави Ивица Младенов, претседател на „Хоризонт“.
Тој не е задоволен од преговорите што завчера ги имаа министерот Владо Димов, градоначалникот на Крива Паланка и стручниот колегиум на медицинскиот центар, и покрај тоа што министерот објави дека засега ништо нема да се менува во Паланка.
– Ќе чекаме до 9 март министерот да го потврди тоа што го објави писмено, бидејќи во сила се уште е старото решение со кое се укинува медицинскиот центар и се регистрира здравствен дом. Ова го бараме бидејќи во време на избори се може да се вети. Фактите велат дека таблата пред болницата веќе е тргната и се изработува нова, а и детското одделение повеќе не постои. На негово место се прават стоматолошки ординации – вели Младенов.
Жителите на овој град вчера биле спречени и да се потпишуваат против одлуката на Министерството за здравство нивниот медицинскиот центар да стане здравствен дом бидејќи градскиот плоштад бил блокиран со трактор на ЈП „Комуналец“.
„Хоризонт“ најавуваат дека нови протести ќе има наредната среда ако дотогаш Министерството не донесе ново решение со кое ќе го реши проблемот на паланчани.
К. Н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД ставија вето на приемот на Палестина во ОН
Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како членка на ОН“.
Воздржани беа Велика Британија и Швајцарија, а „за“ гласаа Словенија, Сиера Леоне, Русија, Јужна Кореја, Мозамбик, Малта, Јапонија, Франција, Гвајана, Еквадор, Кина и Алжир.
Претходно вчера, заменик портпаролот на американскиот Стејт департмент, Ведант Пател, потврди дека Вашингтон ќе стави вето на гласањето во Советот за безбедност на ОН, наведувајќи дека нема едногласно мислење меѓу членовите на комитетот за тоа дали Палестинците ги исполнуваат критериумите неопходни за да бидат дефинирани како држава.
Палестинската управа (ПА) го осуди потегот, нарекувајќи го „нефер, неетички и неоправдан“.
Кабинетот на претседателот на палестинската управа Махмуд Абас го нарече американското вето „еклатантна агресија … туркање на регионот преку работ“.
Израелскиот министер за надворешни работи Израел Кац го пофали американското вето, додавајќи: „Срамниот предлог беше отфрлен. Тероризмот нема да биде награден“.
Свет
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на Палестинците и да ги принудат да му се покорат на Израел, изјави постојаниот претставник на Русија во ОН, Василиј Небензја.
„Со користењето на ветото по петти пат од почетокот на ескалацијата во Газа, тие повторно го покажаа својот вистински однос кон Палестинците. Според мислењето на Вашингтон, тие не заслужуваат да имаат своја земја“, изјави Небензја.
Тој истакна дека Палестинците се само пречка на патот кон остварување на интересите на Израел.
„САД се подготвени да ги затворат очите пред злосторствата на Израел врз цивилите во Газа, да го игнорираат илегалното населување на Западен Ерусалим на Западниот Брег. Целта е да се скрши духот на Палестинците, да се натераат безусловно да се потчинат на окупаторската власт, да се претворат во слуги и луѓе од втор ред, а можеби и целосно да се искоренат и протераат од нивната родна земја“, изјави Небензја по гласањето за нацрт-резолуцијата за прием на Палестина во ОН.
Како што истакна, резултатот од гласањето во Советот за безбедност на ОН за резолуцијата за прием на Палестина во ОН како полноправна членка покажува дека САД се речиси целосно изолирани.
„Страдањата на палестинските цивили одекнуваат во срцата и душите на милиони луѓе ширум светот. Во земјите кои доставуваат оружје за Западен Ерусалим се почесто се слушаат гласовите на оние кои се за забрана на таквите испораки. Резултатите од гласањето, кога Вашингтон се најде речиси целосно изолиран, зборуваат сами за себе“, рече рускиот дипломат.
Тој оцени дека американското вето е „неплоден обид да се запре неуморниот тек на историјата“.
„Гледајќи низ прсти на најнепромислените постапки на нашиот сојузник (Израел), немањето желба за барање праведни решенија е директен пат кон натамошно лизгање во бездната на војната што може да го зафати целиот регион“, рече Небензја.
Тој рече и дека таквата политика е недостојна за една голема сила.
„Историјата нема да ви го прости тоа. Ги повикуваме САД да го слушаат гласот на разумот и да размислат за последиците од нивните одлуки“, рече Небензја.
Свет
Потврдено: Нема штета на иранските нуклеарни постројки
Нема штета на иранските нуклеарни постројки, соопшти Меѓународната агенција за атомска енергија на ОН.
Меѓународната агенција за атомска енергија објави дека ја следи ситуацијата „многу внимателно“ и повика на „екстремна воздржаност“.
IAEA can confirm that there is no damage to #Iran’s nuclear sites. DG @rafaelmgrossi continues to call for extreme restraint from everybody and reiterates that nuclear facilities should never be a target in military conflicts. IAEA is monitoring the situation very closely. pic.twitter.com/4F7pAlNjWM
— IAEA – International Atomic Energy Agency ⚛️ (@iaeaorg) April 19, 2024