Спорт
Преглед на најголемите несреќи на стадионите

Најмалку 74 навивачи загинаа, а 1.000 се повредени, по нередите кои избувнаа, веднаш по завршувањето на синоќешниот натпревар помеѓу Ал Масри и Ал Ахли, во египетскиот град Порт Саид. Ал Масри го победи Ал Ахли со 3:1, со што на гостинот му го нанесе првиот пораз по цели 14 месеци.
Најмалку 74 навивачи загинаа, а 1.000 се повредени, по нередите кои избувнаа, веднаш по завршувањето на синоќешниот натпревар помеѓу Ал Масри и Ал Ахли, во египетскиот град Порт Саид. Ал Масри го победи Ал Ахли со 3:1, со што на гостинот му го нанесе првиот пораз по цели 14 месеци. Нередите во кои страдаа голем број навивачи започнале веднаш по завршувањето на натпреварот, кога симпатизерите на двата тима, едни кон други започнале да фрлаат со камења и шишиња, по што настанал општ хаос. Трагедијата во Порт Саид не е прва која се случува на фудбалските стадиони. Еве преглед на најголемите несреќи на стадионите ширум светот:5.април 1902, Глазгов (Шкотска) – На натпреварот помеѓу Шкотска и Англија се сруши дел од трибините на стадионот „Ајброкс“, при што загинаа 25, а повредени биле 517 лица.9.март 1946, Болтон (Англија) – Поради рушење на ѕид на стадионот, за време на натпреварот од ФА купот, помеѓу Болтон и Стоук, загинале 33 лица, а повеќе од 400 биле повредени.30.март 1955, Сантијаго (Чиле) – Шест навивачи загинаа кога толпа од 70.000 луѓе се обидела да влезе на стадионот, со намера да го гледа финалето на јужноамериканскиот Куп, во кој Аргентина го совлада Чиле со 1:0.24,мај 1964, Лима (Перу) – 318 луѓе загинале, а 500 биле повредени во немирите на Националниот стадион, откако Аргентина го победи Перу во квалификациите за пласман на Олимписките игри. До немирите дошло кога судијата, во последните моменти од натпреварот, поништил гол на Перу.2.јануари 1971, (Глазгов (Шкотска) – 66 луѓе го загубиле животот, а 140 биле повредени, кога за време на натпреварот помеѓу Селтик и Ренџерс, се урнала оградата на стадионот „Ајброкс“.20.октомври 1982, (Москва (Русија) – На натпреварот помеѓу Спартак и холандскиот Харлем, одигран во рамките на Купот на Европа, животот го загубија 340 лица. Несреќата се случила во моментот кога полицијата, пред завршувањето на натпреварот, започнала да го празни стадионот. Инцидентот се случил кога публиката се обидела да се врати назад на стадионот, откако слушнале дека е постигнат гол. 11.мај 1985, Бредфорт (Англија) – Во пожар, кој бил предизвикан од цигара, бидејќи голем дел од стадионот бил направен од дрво, загинале 56 лица.29.мај 1985, Брисел (Белгија) – Пред почетокот на финалниот меч во Купот на европските шампиони, помеѓу Јувентус и Ливерпул, загинаа 39 лица, откако ѕид се сруши врз навивачите на двата тима. 12.март 1988, Катманду (Непал) – Најмалку 93 луѓе го загубиле животот, а околу 100 биле повредени, во стампедото кое се случило на стадионот, кога навивачите помислиле дека влезните порти се заклучени.5.мај 1992, Бастиља (Корзика) – 17 луѓе загинале, а 1.900 биле повредени, кога се урнала трибина за време на полуфиналниот меч во францускиот Куп, помеѓу Бастиља и Марсеј. Трибината била дополнително изградена, за да се зголеми капацитетот на стадионот.1996, Гватемала Сити (Гватемала) – 80 навивачи загинале во стампедото на стадионот во Гватемала Сити пред натпреварот помеѓу Гватемала и Костарика2001, Јоханесбург (Јужна Африка) – 43 навивачи загинале во стампедото, кога се обидувале да влезат на стадионот „Елис Парк“ за време на натпревар од јужноафриканскиот шампионат.2011, Акра (Гана) – Во стампедото кое настанало, откако полицијата фрлила солзавец меѓу навивачите кои предизвикувале нереди, загинале 126 лица, на стадионот во Акра.2009, Абиџан (Брег на Слонова коска) – 19 лица загинале пред квалификациониот натпревар за пласман на Светското првенство помеѓу домашниот тим и репрезентацијата на Малави. крај/т/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тројца фудбалери ги кочат трансфер активностите на Јувентус

Славниот клуб од Торино, Јувентус, не може да продолжи со активностите во преодниот рок сè додека не се отпушти тројцата фудбалери.
Даглас Луис, Тимоти Веа и Душан Влаховиќ се на листата за заминување, објавува „Газета дело Спорт“.
Српскиот напаѓач е на листата на желби на Милан, но сè уште нема конкретни чекори во врска со неговиот трансфер. И 25-годишниот централен напаѓач не брза, верува дека ќе се појави вистинската опција. Најголемиот проблем претставува платата која во наредната сезона ќе му припадне на Влаховиќ. Станува збор за сума од 12 милиони евра, ниту еден клуб не може да му понуди толкава плата.
Тимоти Веа сака да се пресели во Марсеј. Олимпик понуди 15.000.000 евра, Јувентус, бара најмалку 20 милиони за реализација на трансферот.
И Даглас Луис има амбиција повторно да се обиде во Премиер лигата. Фенербахче неодамна се распрашуваше за него, но играчот од средниот ред ја одби можноста да оди во Турција. Во исто време, тој не се појави на почетокот на подготовките, но во меѓувреме им се придружи на своите соиграчи.
Медиумите шпекулираат дека Јувентус му го понудил Бразилецот на Њукасл во замена за Сандро Тонали.
Фото/ Принскрин
Спорт
Манчестер јунајтед заинтересиран за Воткинс и Шешко

Манчестер јунајтед, откако ги засили крилните позиции во нападот со Матеуш Куња и Брајан Мбуемо, се пушти во потрага по класична „деветкс“. Клубот ќе се фокусира на ѕвездите на Астон Вила и Лајпциг, репрезентативците на Англија и Словенија, Оли Воткинс и Бенјамин Шешко.
Британските медиуми истакнуваат дека Воткинс и Шешко се на врвот на листата на желби на „Црвените ѓаволи“, доколку клубот од „Олд Трафорд“ одлучи да доведе напаѓач во летниот преоден рок.
Се наведува и дека челниците на Манчестер јунајтед се согласуваат дека клубот мора да се ослободи од неколку играчи, но се додава дека тоа можеби нема да се случи пред крајот на преодниот рок на 1 септември.
Астон Вила бара 60 милиони фунти за Воткинс, што е премногу за Манчестер јунајтед. Воткинс има договор со клубот од Бирмингем до 2028 година.
Би-Би-Си објави дека бројни европски клубови се заинтересирани за Шешко. Шешко одигра 45 натпревари во сите натпреварувања за Лајпциг минатата сезона и постигна 21 гол. Се претпоставува дека Лајпциг за него бара помеѓу 70 и 75 милиони евра.
Фото/ Принскрин
Спорт
Милосављев од наредната сезона се сели во Кјелце
Голманот на германскиот првак, Фуксе Берлин, Дејан Милосављев, по истекот на договорот ќе се пресели во Полска. Од сезоната 2026/2027, поранешниот голман на Вардар ќе ги брани боите на Кјелце.
Како што пишува „handball-planet.com“, новиот клуб на српскиот голман, повторно гради силен тим, но во тој тим веројатно ќе го нема семејството Душебајев. Алекс и Даниел и нивниот татко Талант се на мета на Кил.
Милосављев е во Берлин од 2019 година, дојде во тимот откако ја освои европската титула со Вардар.
Минатата сезона, „Лисиците“ го продолжија договорот со првата ѕвезда на тимот, Матијас Гидсел, до 2029 година, и се чини дека во буџетот немаат доволно пари за да го продолжат договорот и со голманот.
Кјелце е во пад со години, по два настапи во финалето на Лигата на шампионите, сезоната пред минатата беше елиминиран во четвртфиналето, а претходната сезона веќе во првата нокаут рунда.
Веќе две години, тимот на Талант Дујшебаев го губи приматот во Полска од Висла од Плоцк. Ова лето, најголемото засилување е словенечкиот ас Алекс Влах од Алборг. Хрватскиот репрезентативец Лука Ловре Кларица, десен бек на Загреб, заедно со Милосављев, ќе пристигне следното лето.
Foto/ EPA