Македонија
Македонија без финале на Евровизија
Македонскиот претставник на Евровизија групата Некст тајм синоќа во Москва на првата полуфинална вечер не успеа да се пласира во финалето во сабота
Македонскиот претставник на Евровизија групата Некст тајм синоќа во Москва на првата полуфинална вечер не успеа да се пласира во финалето во сабота.
Ова е втора година по ред како Македонија отпаѓа уште на стартот. Некс тајм со песната „Нешто што ќе остане“, ја поделија минатогодишната судбина на Тамара, Врчак и Адријан Гаџа.
Во финалето за избор на песната за Евровизија, од првата вечер се пласираа Израел, БиХ, Португалија, Шведска, Исланд, Малта, Азербејџан, Ерменија, Турција, Романија.
Другите десет финалисти ќе бидат избрани утре на втората полуфинална вечер и ќе ги одмерат силите заедно со основачите на Евровизија Германија, Франција, Шпанија и Велика Британија и со земјата домаќин Русија.
Македонија дебитираше на изборот за песната за Евровизија во 1998 година и досега нема забележано некој поголем успех.
Пред Некс тајм, македонски претставници на Евросонгот беа Владо Јаневски, групата XXL, на два пати Каролина Гочева, Тоше Проески, Мартин Вучиќ и триото Тамара, Адријан и Врчак./крај/м/е/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.