Свет
Масовно бегство од егиептски затвор
Илјадници затвореници во организирано бегства побегнале во саботата навечер од затворот Вади Натру, околу 100 километри северно од Каиро, соопшти извор од безбедносните сили
Според него, илјадници затвореници, меѓу кои голем број муслимански екстремисти кои се повеќе години во затвор, како и обични криминалци, побегнале ноќеска по востанието во затворот во кое сакале да им го одземат оружјето на чуварите.Војската го повика народот сам да се заштити од грабежи. Организирани се чуварите на квартовите вооружени со шипки за да ги штитат жителите од бројните хулигани и грабежи.Војската исто така го повика населението во Каиро, Александрија и Суец да го почитуваат полицискиот час кој е на сила од 14 попладне до 6 наутро.Најмалку 102 лица загинаа, а илјада се повредени во Египет од почетокот на антивладините демонстрации во вторникот, соопштија денеска безбедносните и болничките извори.Само во саботата се збаележани 33 загинати лица. Според претходниот биланс во нередите загинаа 92 лица. Оваа најмногубројната африканска земја со 80 милиони жители од вторникот е потресена од најголемите демонстрации против режимот на Хосни Мубарак, кој е на власт 30 години.Десетици илјади Египќани вчера и покрај полицискиот час излегоа на улиците на Каиро и другите градови, петти ден од протестот барајќи оставка од Мубарак. Демонстрантите протестираат поради невработеноста, сиромаштијата и барањето за слобода на изразување.Нешто по полноќ, околу илјада демонстранти се уште се наоѓале на главниот плоштад во Каиро, каде се гледале натписи „Не Мубарак“, „Доле Мубарак“.Мубарак се обиде да го смири народот со промена на владата, кога го замени премиерот и првпат од кога е на власт именува потпретседател на државата. На местото потпретседател го постави својот близок соработник, шефот на службата за разузнавање Омар Сулејмани, а за нов премиер, министерот за авијација Ахмад Шафик, кој ужива голем углед меѓу населението.Истакнатиот египетски опозиционер, поранешниот шеф на Меѓународната агенција за атомска енергија и нобеловецот Мохамед Ел Барадеј, оцени дека промената на владата е недоволна и му порача на Мубарак да си оди што побрзо.Од светот стигнаа бројни повици за реформи и крај на насилството, додека Мубарак дава впечаток дека сака да ја задржи власта.На Мубарак солидарност му изразија саудиските и палестински лидери. Американскиот претседател Барак Обама повторно го повика Мубарак, кој е главен сојузник на САД во арапскиот свет, да спроведе реформи и да покаже воздржаност.Во заедничка изјава, лидерите на Франција, Германија и Велика Британија ја повикаа египетската власт да почне процес на промени и да ја избегне употребата на сила.Според наводите на безбедносните служби, околу 60 отсто од полициските станици се запалени, од кои 17 во Каиро. Странците почнаа да ја напуштаат египетската престолнина, каде има бројни грабежи или се собираат во големите хотели кои се подобро заштитени.Мобилните телефонски линии кои беа прекинати за да се спречат демонстрантите да организираат собири, делумно се повторно воспоставени, додека интернетот е и понатаму во прекин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Свет
Судир меѓу полицијата и пропалестинските демонстранти во Лос Анџелес: полицајците фрлија шок бомби, упаднаа во камп пред универзитетот
Полицијата ги отстрани барикадите и почна да го демонтира кампот на пропалестински демонстранти во кампусот на Универзитетот во Калифорнија, Лос Анџелес (UCLA), откако стотици не ги послушаа наредбите да си заминат.
Полициската акција следеше 24 часа по конфликтот во кампусот кој започна со напад на група про-израелски демонстранти врз пропалестинскиот камп, пренесе Гласот на Америка. Полицијата денеска приведе мала група демонстранти во кампусот. Акцијата дојде откако полицајците со часови се закануваа со апсење преку звучници доколку луѓето не се разотидат.
Додека полициските хеликоптери лебдеа над нив, звукот на шок-бомбите, кои произведуваат силни светла и гласни звуци за да ги дезориентираат и зашеметуваат луѓето, пробиваше низ воздухот. Демонстрантите скандираа „каде бевте синоќа?“ додека се приближуваа полицајците.
Полицајците носеа шлемови, заштитни елеци и палки, а дел од демонстрантите носеа гас-маски, додека други извикуваа „сакате мир, ние сакаме правда“. Полицијата ги отстрани барикадите на кампот од иверица, пелети, метални огради и корпи за отпадоци за да стигне до десетиците шатори на демонстрантите. Полицијата почна да урива и настрешниците и шаторите.
Демонстрантите држеа чадори како штит додека се соочија со десетици полицајци. Протестот во UCLA е еден од многуте пропалестински демонстрации во колеџските кампуси низ целата земја што резултираа со стотици апсења. Полицијата во Њу Хемпшир ги уапси демонстрантите и ги отстрани шаторите доцна синоќа и рано утринава во колеџот Дартмут.
На Универзитетот во Тексас во Далас, полицијата расчисти пропалестински камп откако уапси најмалку 17 лица.
Вчера во Њујорк, полицијата уапси најмалку 15 лица на Универзитетот Фордам додека ги растера учесниците во пропалестинскиот протестен камп. На Универзитетот во Минесота, организаторите на протестот доцна синоќа рекоа дека нивното седење ќе продолжи откако претходно во текот на денот разговараа со в.д. од претседателот на универзитетот Џеф Етингер.
Универзитетот Колумбија вчера објави дека сите преостанати академски активности за претстојниот семестар ќе се одржат од далечина по протестите кои вклучија окупација на зграда на кампусот. Во вторникот вечерта полицијата ги растера демонстрантите и уапси речиси 300 луѓе.
Свет
(Видео) Ново невреме во Дубаи: патиштата се поплавени, жителите исплашени
Обединетите Арапски Емирати повторно се под удар на големо количество дожд, кој од 3 часот утринава паѓа во Дубаи.
Иако засега ситуацијата е под контрола и нема индиции дека ситуацијата од пред неколку дена ќе се повтори, жителите се исплашени.
#Watch | Early on Thursday, the United Arab Emirates, still recovering from severe flooding in April, was struck by heavy rain and thunderstorms in Abu Dhabi and Dubai, leading to disrupted travel. #DubaiRains #Rains #UAE #Thunderstorms #Weather #WorldNews #News pic.twitter.com/1Pmdhj7NAn
— Mid Day (@mid_day) May 2, 2024
Невремето се очекува да трае до петок. Учениците не одат на училиште, а и на компаниите им се препорачува да работат од дома.
Неколку летови беа пренасочени од аеродромот, а во четвртокот поради невремето повторно беа поплавени многу патишта во градот.
Just Days After Record-Breaking Rains, UAE & Dubai Another Flood#Dubai #RainInDubai #FloodInDubai #UAE #HeavyRainfallInDubai pic.twitter.com/aGHM8DbILB
— Business Today (@business_today) May 2, 2024
На видео од социјалната мрежа Икс, поранешен Твитер, може да се види дека дождот постојано врне, но со многу помал интензитет отколку што беше претходно.