Свет
Сидата во Русија излегува од контрола
Епидемијата на вирусот ХИВ во Русија излегува од контрола. Ова, пред голема меѓународна конференција за сидата, што се одржува во Москва, го изјави Робин Горна, директор на Меѓународната организација за борба против сидата.
Епидемијата на вирусот ХИВ во Русија излегува од контрола. Ова, пред голема меѓународна конференција за сидата, што се одржува во Москва, го изјави Робин Горна, директор на Меѓународната организација за борба против сидата. Тој ги повика руските здравствени власти да направат многу за да го спречат ширењето на смртоносниот вирус, пред сè меѓу големиот број наркомани во земјата. Се верува дека во Русија моментно најмалку милион луѓе се заразени со ХИВ вирусот, што претставува драматично зголемување во однос на периодот од пред десет години. Повеќето заболени се луѓе под 30 години, а се заразуваат во главно поради употребата на иста игла при вбризгувањето хероин. Според некои проценки, во Русија има речиси два милиони наркомани, кои дрогата ја земаат интравенозно. Големите количини хероин во Русија стигаат од Авганистан. Меѓународните експерти се обидуваат да ги убедат руските власти да ги укинат законите кои спречуваат користење на лекови што би го намалиле бројот на заболени. Метадонот, кој е медицинска замена за дрогата, во Русија е забранет, а давањето на наркоманите дози со метадон е противзаконско. Руската влада, се тврди во извештаите на меѓународните организации за борба против сидата, не вложуваат пари во проекти што би ја смалиле потребата наркоманите да користат иста игла. Исто се додава и дека ја одбиваат помошта на невладините организации кои се подготвени да вложат средства во тој вид програми за помош на загрозените. /крај/фо/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.
Свет
(Видео) Приведени 100 учесници на пропалестинските демонстрации на Универзитетот во Бостон
Полицијата денеска го растури студентскиот протест против израелската агресија во Појасот Газа на североисточниот универзитет во Бостон, а Универзитетот соопшти дека се уапсени околу 100 студенти.
Од универзитетот додаваат дека секој што имал универзитетска лична карта е ослободен и дека „ќе се соочи со дисциплинска постапка на универзитетот, но не и законска постапка“.
Во соопштението на универзитетот се нагласува дека активностите на демонстрантите се зголемени на ниво кое училиштето „не може да го толерира“, пренесува Бостон Хералд.
Les étudiants de l'Université Northeastern de Boston ont empêché les fourgons de police de quitter les locaux avec les étudiants arrêtés après avoir tenté de démanteler le camp de solidarité de Gaza. pic.twitter.com/bnJQQJ7YZU
— Marysieńka (@MarieMarysienka) April 27, 2024