Свет
Камерон и Саркози и ветија помош на Либија
Францускиот претседател Никола Саркози и британскиот премиер Дејвид камерон денеска во Триполи ги повикаа победниците да се воздржат од одмазда и ветија дека ќе ја поддржат транзицијата во Либија.
Францускиот претседател Никола Саркози и британскиот премиер Дејвид камерон денеска во Триполи ги повикаа победниците да се воздржат од одмазда и ветија дека ќе ја поддржат транзицијата во Либија, додека домаќините за помошта во рамките на операциите на НАТО им ветија дека ќе им платат со нафта и со договори при обновата на земјата.
Само три недели откако бунтовниците со помош на воздушните удари на НАТО го сружија режимот на полковникот Моамер Гадафи, двајцата европски државници во Триполи беа дочекани како херои, затоа што се начело на земјите кои ја предводеа операцијата на НАТО против силите на Гадафи.
На заедничката прес-конференција со лидерите на Националниот преоден совет (НТЦ), Мустафа Абдел Џалил и Махмуд Џибрил, Саркози и Камерон ветија продолжување на помошта се додека гадафи не биде фатен, а секоја педа на Либија ослободен.
Џалил и Џибрил, од своја страна, се заблагодарија на помошта од „пријателите и сојузниците“ и рекоа дека Либијците ги ценат нивните напори и дека затоа овие две земји ќе имаат приорите. Тие истакнаа и дека НТЦ ќе ги почитува „сите легитимни договори“ кои ги склучил режимот на Гадафи, но најави ревизија на оние кои биле склучени со корупција.
„Како поранешен член на владата на Гадафи, јас добро знам дека некои договори се по цени кои далеку над важечките“, вели Џалил.
Камерон при дебнешната посета на Либија најави и дека Лондон ќе одмрзне 13,7 милијарди евра, имот на режимот на гадафи, штом тоа го дозволи Советот за безбедност на ОН и додаде дека Лондон и Париз утре ќе предложат таква резолуција до Советот.
Првата посета на двајцата европски сојузници на либиските бунтовници, кои веќе е наречен „историски“, беше проселден со исклучително високи мерки на безбедност.
Либијците ги поздравуваа на улиците на Триполи со повици и транспаренти, а двајцата државници, кои треба да го посетат ио Бенгази, изворот на либиското востание. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Русија изврши голем воздушен напад врз Украина, погодени четири термоцентрали
Русија изврши уште еден голем воздушен напад врз цели низ Украина со бомбардери Ту-95МС и Ту-92М3, тактички авиони, бродови од Каспиското Море, беспилотни летала. Целите беа главно енергетски објекти, а експлозии се регистрирани во областите Харков, Киев, Хмелницки, Виниција, Ивано-Франковск, Житомир, Дњепропетровск, Тернопил, Черновци, Лавов…
Министерот за енергетика Герман Галушченко потврди напади врз индустриски капацитети во три региони на земјата, додека енергетскиот холдинг ДТЕК објави дека биле погодени четири термоцентрали.
– Опремата на четири термоцентрали на украинскиот енергетски холдинг ДТЕК е сериозно оштетена при нападот – објави компанијатa.
‼️росія атакувала 4 ТЕС ДТЕК, серйозно пошкоджено обладнання
Ворог вкотре масово обстріляв енергетичні об'єкти України.
За попередньою інформацією, на жаль, є постраждалі. Надаємо всю необхідну допомогу.
В ці хвилини енергетики намагаються ліквідовувати наслідки атаки. pic.twitter.com/M43OWYC7s9
— Офіційна сторінка Групи ДТЕК (@DTEK_Ukraine) April 27, 2024
Некои воени блогери наведуваат дека термоелектраната Бурштинска во Ивано-Франковската област и термоелектраната Криви Рог биле погодени од неколку хиперсонични „ками“.
Украина одговори со масовен напад со дрон врз Краснодар и Крим.
Министерството за одбрана на Русија соопшти дека во текот на ноќта биле соборени 68 украински беспилотни летала.
– Спречени се обидите на режимот во Киев да изврши терористички напади со помош на дронови врз цели на територијата на Руската Федерација. Војниците кои биле на должност над територијата на Краснодарската област пресретнале 66 украински беспилотни летала, додека уште два биле уништени над полуостровот Крим – се наведува во соопштението.
Цел на беспилотните летала камикази биле рафинериите Славјанск-ЕКО и Илски и фабриката за битумен.
Телеграмскиот канал SHOT наведува дека околу 4 часот одекнале експлозии во предградието Славјанск во Кубан. Снимките покажуваат пожар во еден од капацитетите на рафинеријата, додека официјални лица наведуваат дека складиштето за нафта не е оштетено.
Tonight, Ukrainian forces conducted another successful drone attack on the Russian Slavyansk-na-Kubani refinery in Krasnodar Oblast, with multiple drones hitting the facility.
Seen below, a Ukrainian one-way attack drone slams into the burning Russian refinery. pic.twitter.com/nZDqi2Bi0l
— OSINTtechnical (@Osinttechnical) April 27, 2024
Жителите известуваат дека звукот на моторите претходно се слушал на небото и дека експлозиите одекнувале речиси 30 минути.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.