Регион
Бугарските полицајци протестираат против кастрењата
Стотици бугарски полицајци, пожарникари и затворски чувари спонтано протестираа во вторникот против намалувањето на пензиите и другите права блокирајќи ги главните улици по преговорите со министрите кои не донесоа резултати, пренесуваат медиумите.
Министерството за внатрешни работи смета дека кастрењата во буџетот за 2016 година се неопходни и дека мора на годишно ниво да се заштедат 14 милиони евра. Бугарија е најсиромашната членка на Европската унија, но има најголем број полицајци по глава на жител во Унијата.Главните улици во Софија, автопатот кој од престолнината води кон Црното Море и трите клучни планински превои се блокирани, објави државното радио. Во текот на попладневните и приквечерните часови протестите се проширија низ целата земја, а непотврдени информации говорат дека протестираат и граничните полицајци на границата со Турција.Полицискиот синдикат закажа протести во недела кои ќе се одржат пред парламентот во центарот на Софија.Сé уште присутната фрустрација кај граѓаните, особено поради раширената корупција и организираниот криминал во 2013 година кулминираа со протести кои траеја со месеци и во кои имаше десетина случаи на самозапалување, а земјата имаше пет влади во последните две години.„Ова е многу опасен бран од граѓанска непослушност. Ова е спонтан потег со непредвидливи последици“, смета Тихомир Безлов, политички аналитичар во Центарот за демократски студии.На службениците, како што се полицајците кои примаат плати од министерството за внатрешни работи, не им е дозволено да штрајкуваат, да имаат друг ангажман или да бидат членови на некоја политичка партија, а за возврат изземени се од социјалните давачки.Со плановите за буџетот за 2016 година се предвидуваат намалувања на надоместокот за заминување во пензија на 10 месечни нето плати од сегашните 20. Мерките, исто така, предвидуваат намалување на годишниот одмора на 20 од 30 дена./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.