Свет
Египетските командоси го извлекоа персоналот на израелската амбасада
„Во тој момент од толпата ги делеше само еден ѕид. Бевме многу загрижени“, изјави неименуван соработник на израелскиот премиер.
Египетските командоси денеска во мугрите ги спасиле шестмина чувари кои останаа блокирани во зградата на Израел во Каиро, која во која во петокот навечер провалии неколку стотина Египќани, соопштено е утрово. Израелската амбасада во Египет во која во 1979 година е потпишан мировниот договор меѓу двете држави, но кон којашто сека е насочен гневот на дел од арапската јавност, во петокот доцна во ноќта била заземена од демонстрантите, при што биле повредени повеќе стотина лица. Египетското министерство за внатрешни работи соопшти дека најмалку 450 демонстранти се повредени во текот на целодневните судири со полицијата која за нивно растерување употребуваше солзавец и истрели во воздух. Египетската државна телевизија јави дека се повредени и 46 полицајци.Најпрво демонстрантите урнаа дел од ѕидот кој неодамна беше подигнат за да се спречи повторен инцидент како тој кога еден демонстрант пред десетина дена влезе во израелската амбасада и го симна знамето. Кога гневната толпа влегла во амбасадата почнала да ги фрла сите документи низ прозорците и било запалено израелското знаме. Египетската полиција дури во саботата утрото успеала да ги потисне демонстрантите и да ја обезбеди областа. Претходно египетските специјалци извлекле шест Израелци кои останале блокирани во зградата на амбасадата додека демонстрантите ги заземале просториите. Во акцијата за спасување командосите тргнаа по повикот што до египетските власти ги испратил израелскиот премиер Бенјамин Нетанјаху на кој заробените припадници на обезбедувањето со телефон му јавиле дека стравуваат за своите животи.„Во тој момент од толпата ги делеше само еден ѕид. Бевме многу загрижени“, изјави неименуван соработник на израелскиот премиер. Израелскиот амбасадор Јицак Леванон, неговата сопруга, дипломатскиот персонал и нивните семејства кои успеале навреме да ја напуштат амбасадата, веќе биле евакуиран со израелски авиони од Каиро и се наоѓаат во Израел. Американскиот претседател Барак Обама го осуди инцидентот и го повика Египет да ги исполни своите меѓународни обврски и да ја заштити израелската амбасада од демонстрантите.Ова е вторпат оваа амбасада да биде нападнат, откако пет египетски граничари загинаа минатиот месец во израелска операција против исламистички милитанти кои се обвинети за убиството на седуммина туристи на територијата на Израел. „Оваа акција ги покажува бесот и фрустрациите на младите египетски револуционери насочени кон Израел, особено по неодамнешните напади врз египетските граничари“, изјави египетскиот политички аналитичар, Набил Абдел Фатах Израел засега во Каиро ќе го остави само заменикот амбасадор за да ги одржува односите со Египет, чијашто влада во сабота најави итна кризна седница посветена на нападот на израелската амбасада. Пред зградата на амбасадата, од саботата наутро разместени се силни полициски и воени единици./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД велат дека мртвиот ирански претседател имал крвави раце
Иранскиот претседател Ебрахим Раиси, кој загина во хеликоптерска несреќа во неделата, имал „крвави раце“ поради поддршката на екстремистичките групи во регионот, соопшти денеска Белата куќа.
Портпаролот за национална безбедност на Белата куќа, Џон Кирби, изјави за новинарите дека САД ќе продолжат да го бараат Иран одговорен за, како што рече, дестабилизирачките активности во регионот.
„Тоа дефинитивно беше човек со многу крв на рацете“, изјави Кирби.
Иран побара помош од САД откако хеликоптерот на Раиси се урна во планинските области долж границата со Азербејџан, но САД на крајот не успеаја да помогнат поради логистички причини, соопшти Стејт департментот.
Портпаролот на Стејт департментот Метју Милер, исто така, им рече на новинарите дека смртта на Раиси нема да ја промени основната позиција на САД кон Иран.
Иранскиот претседател Ебрахим Раиси, кој долго време се сметаше за можен наследник на врховниот лидер, ајатолахот Али Хамнеи, загина во хеликоптерска несреќа во планинска област во близина на границата со Азербејџан, соопштија во понеделникот официјални лица и државните медиуми.
Остатоците од хеликоптерот што се урна во кој беа Раиси и министерот за надворешни работи Хосеин Амир-Абдолахиан беа пронајдени рано во понеделникот по бурна потрага.
Смртта на Раиси ја потврди потпретседателот Мохсен Мансури во изјава објавена на социјалните мрежи и на телевизија.
Свет
Нетанјаху: Со кое право не’ споредувате со Хамас додека водиме праведна војна
Израелскиот премиер Бенјамин Нетанјаху рече дека одлуката на обвинителите на Меѓународниот кривичен суд, со која се бара налог за негово апсење, е апсурдна и е насочена кон Израел.
„Со гадење ја отфрлам споредбата на хашките обвинители меѓу демократски Израел и масовните убијци на Хамас“, рече Нетанјаху.
„Со каква дрскост го споредувате Хамас кој убиваше, палеше, масакрираше, силуваше и ги киднапираше нашите браќа и сестри, со војниците на ИДФ кои водат праведна војна“.
Тој го нарече потегот на обвинителот на судот нов тип на антисемитизам.
„Граѓани на Израел, ви ветувам едно – обидот да ни ги врзат рацете нема да успее“, рече тој.
„Ветувам дека ниту еден притисок и ниту една одлука на ниту еден меѓународен форум нема да не спречи да ги удриме оние кои сакаат да не уништат“, додаде премиерот.
Израелскиот претседател Херцог, коментирајќи ја веста за налозите за апсење за воени злосторства, кои покрај лидерите на Хамас се однесуваат и на двајца високи израелски лидери, вклучително и самиот премиер Нетанјаху, рече дека одлуката на обвинителот „повеќе од срамна“ и ќе ги охрабри терористите ширум светот.
„Секој обид да се повлечат паралели меѓу овие ѕверски терористи и демократски избраната влада на Израел – која работи на исполнување на својата должност да ги брани и заштити своите граѓани во целосна согласност со принципите на меѓународното право – е срамота и не треба да биде прифатена од никого. “, рече Херцог.
Главниот обвинител на судот Карим Кан, побара од судиите на Меѓународниот кривичен суд да одобрат налози за апсење на тројца лидери на Хамас и двајца израелски лидери за воени злосторства и злосторства против човештвото извршени за време на седуммесечната војна во Газа, објави во понеделникот судот .
Одлуката ја критикуваа и САД.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.