Македонија
СДСМ задоволни од постигнатиот договор за Изборниот законик
Постигнатиот договор меѓу Владата и политичките партии за измените во Изборниот законик го поздрави најголемата опозициона партија.
„Ваквиот договор произлегува од издржаноста на нашите аргументи кои ја примораа владата да ги прифати клучните барања на партијата, како и препораките и забелешките на ОБСЕ/ОДИХР“, изјави пратеничката Цветанка Иванова од редовите на СДСМ.
Од партијата велат дека клучен тест за практикувањето на договореното ќе бидат претседателските избори годинава, каде ќе се покаже дали власта навистина сака да организира слободни, фер и демократски избори.
„Сакам да ја информирам јавноста дека е постигната и усогласеност за одделување на државата од партијата, забрането е отпочнување со градби, фрлање на лопати, пуштање во употребата на објекти изградени со буџетски средства“, истакнува Иванова.
За непочитување на оваа одлука во Законот се предвидува затворска казна од 6 месеци до 1 година, а секој носител на јавна функција кој што ќе исплати субвенции, плати, пензии, социјална помош и други материјални надоместоци од буџетски средства како што тоа беше пракса во минатото ќе се соочи со казна затвор од 3 година до 5 години, стои во изјавата на пратеничката.
По однос на избирачките списоци, договорено е МВР да врши ажурирање на списоците 4 пати во годината.
Со новите измени се предвидува донациите да бидат ограничени на 50 илјади евра вклучително и за медиумите, а радиодифузерите ќе мора да обезбедат избалансирано медиумско преставување, додека известувањето за редовните активности на државните органи или општините во изборниот процес не смее да биде во полза на ниту еден политички субјект.
Со новите измени во Изборниот законик опфатена е и работата на државниот радиодифузен сервис кој за време на изборна кампања треба да обезбеди рамноправен пристап во информативната програма односно една третина за настани од земјата, една третина за настани од владата и една третина за настани на опозицијата.
За непочитување на одредбите ќе следува разрешување на директорот на МТВ./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Акредитирани 1078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски новинари. Најмногу акредитирани се домашни набљудувачи – 1078. Изборите ќе ги следат и 770 странски набљудувачи за чии потреби се ангажирани и 85 преведувачи.
За известување од изборите, акредитирани се 66 странски новинари, меѓу кои и од Ројтерс, Асошиејтед прес, Ал Џезира и Франс прес.
Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач.
Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други.
Македонија
Бојан Јовановски: Повикан сум на информативен разговор во полиција, ова е директен притисок и обид за цензура
Бојан Јовановски – Боки 13 соопшти дека денеска во 10 часот е повикан на информативен разговор во П.С Кисела вода (Пролече) во врска со пријава за загрозување на безбедност согласно член 144 од КЗ.
„Ова го чувствувам за директен притисок и обид за цензура од страна на засегнатите лица во врска со мојот настап кај „Лазаров“!“, објави Бојан Јовановски.
Јовановски претходно вчера објави дека веќе неколку дена е цел на закани и притисоци со цел да го откаже второ гостување на поткастот.
Македонија
Доаѓа нестабилно време со пороен дожд и грмежи
Во попладневните часови ќе има изолирана појава на нестабилност со краткотраен пороен дожд и појава на грмежи. Потоа од среда до петок под влијание на влажни бранови во поголем дел од земјава ќе биде нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време и засилен ветер. Дневните температури од четврток ќе бидат во опаѓање.
Во Скопје времето ќе биде стабилно и релативно топло. Од среда во попладневните часови ќе биде променливо облачно и нестабилно со повремени врнежи од дожд и грмежи. Во делови од котлината ќе има услови за појава на невреме со пообилен пороен дожд за кратко време и засилен ветер.
Препорака: Во случај на појава на електрични празнења се препорачува поголема внимателност, да не се престојува на отворен простор и под осамени дрвја.