Свет
Политичар со хрватско потекло стана гувернер на Охајо
Џон Касиќ, американски политичар со хрватско потекло е избран за нов гувернер на сојузната држава Охајо на вчерашните избори во САД, пренесува Хина.
Касиќ е еден од републиканските кандидати кој успеа да го победи досегашниот демократски гувернер Тед Тед Стрикланд. Според првичните резултати Касиќ освоил 49 отсто од гласовите, или два отсто повеќе од Стрикланд.
Инаку, Охајо е седмата најнаселена држава во САД со 11,5 милиони жители и е една од клучните држави во изборните циклуси.
Значајноста на оваа држава ги потврдуваат кампањите со видни политичари кои се одржуваат во оваа држава. На овие избори на Стрикланд со своја посета му искажале поддршка и претседателот Барак Обама, потпретседателот Џо Бајден и поранешниот претседател Бил Клинтон.
Касиќ, исто така добил поддршка од голем број клучни републиканци, вклучувајќи ги и гувернерите на Њу Џерси и Минесота, Крис Кристи и Тим Пауленти кои се потенцијални кандидати на републиканците за претседателските избори во 2012 година.
Касиќ е еден од десетте републикански кандидати кои станале гувернери во држави каде претходно владееле демократите. Џон Ричард Касиќ е поранешен републикански конгресмен и претседател на одборот за буџет на претставничкиот дом. Во Конгресот на САД е избиран девет пати од 1983 до 2001 година. По професија е политолог, а е и чест гостин и аналитичар на ТВ мрежата „Фокс њуз“./крај/хина/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Свет
Нови детали за трагедијата во Иран: технички дефект е причина за падот на хеликоптерот, јавуваат иранските медиуми
Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската агенција ИРНА.
„Раиси загина во неделата како последица на хеликоптерска несреќа што се случи поради технички дефект на леталото“, се наведува во извештајот на иранската државна новинска агенција.
ИРНА не ја прецизираше природата на дефектот на хеликоптерот, објави ТАСС.
Екипите за пасување со часови ја пребаруваа нерамната површина од густа шума низ дожд и магла пред да го пронајдат местото на несреќата. Немаше преживеани.
Хеликоптерот со претседателот Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.