Свет
"Тиквеш" обезбеди 2 милиона евра за да исплати пола од грозјето
Винарската визба од Кавадарци се задолжи кај комерцијалните банки за да им го исплати родот на лозарите
Винарската визба од Кавадарци се задолжи кај комерцијалните банки за да им го исплати родот на лозарите
Владата вчера демантираше дека обезбедила бескаматни средства за помош на „Тиквеш“
АЛЕКСАНДРИЈА СТЕВКОВСКА АНГЕЛ ДАНОВ
Винарската визба "Тиквеш" обезбеди средства од комерцијални извори за исплата на преземеното грозје од бербата 2005 година. "Тиквеш" не може да го прецизира точниот датум кога би започнала исплатата на грозјето, поради тоа што за такво нешто е неопходно отстранување на блокадите од винарската визба, како услов за нормалното функционирање на визбата.
"Исплатата на грозјето може да започне, меѓутоа иако средствата се обезбедени и исплатата може да почне веднаш, тоа ќе се случи само откако ќе им се овозможи пристап на вработените на ВВ "Тиквеш" до своите работни места. Отстранувањето на блокадата на "Тиквеш" е единствениот начин винарската визба да продолжи со работа и да започне исплатата на преземеното грозје. Дотогаш "Тиквеш" не може да го одреди точниот датум, кога ќе започне исплатата", велат во "Тиквеш".
Ваквиот одговор не ги задоволи лозарите, кои за денеска најавуваат реализација на протестите во Скопје. Според градоначалникот на Кавадарци, Панчо Минов, Владата треба да притисне или да ги преземе побарувањата од лозарите и таа да ги наплати парите од Јаневски.
Во врска со шпекулациите за обезбедени бескаматни средства од фондови на државата, ВВ "Тиквеш" информира дека не е добиено какво било официјално известување од Владата или од кој било државен орган за обезбедени бескаматни средства за исплата на грозјето. "Финансиската кондиција на ВВ "Тиквеш" е уште повеќе загрозена со откупот направен под притисок на преземените вишоци грозје што се далеку од вистинските потребни количини диктирани од пазарот. Со тоа, од една страна е непланирано зголемена вкупната сума за откуп на грозје, а од друга, создадена е потреба за врзување на повеќе милиони евра во залихи на вино", велат во "Тиквеш".
Оваа најголема домашна винарска визба обезбедила кредит од комерцијални банки во износ од два милиона евра што е доволно за исплата на 50 отсто од побарувањата на лозарите за откупеното грозје. Вака вчера премиерот Владо Бучковски го информирал градоначалникот на Кавадарци, Панчо Минов, на вчерашната средба. Средбата била реализирана во врска со решавањето на проблемот и барањата за исплатата на откупеното грозје од ВВ "Тиквеш".
"Владата на Република Македонија најенергично демантира дека од државен фонд е обезбеден кредит на ВВ "Тиквеш" за исплата на средствата за откупеното грозје. Написите во дел од печатот претставуваат груба дезинформација, која не оди во прилог на решавање на проблемот на лозарите", се вели во владиното соопштение. Оваа информација ја демантира и заменик-министерот за земјоделство, Санде Џамбазовски, кој истакна дека тој никогаш не изјавил дека Владата ќе му помогне на "Тиквеш" во исплата на средствата за преземеното грозје.
Владата ги поддржува напорите за почнување со исплата на средствата за откупеното грозје од ВВ "Тиквеш" и правно разрешување на спорот што го поведуваат лозарите и Локалната самоуправа против оваа винарска визба. Според согледувањата на Владата, потребно е во рамките на утврдената процедура да се ревидираат договорите на лозарите и "Тиквеш" со цел да се прецизира рокот на исплата на втората рата од средствата за откупеното грозје од оваа најголема визба во земјава.
Инаку, маките на лозарите го обединија Кавадарци. Сите фирми, политички партии, здруженија и граѓани им даваат помасовно поддршка на нивните сограѓани, кои една недела се пред капиите на винарската визба "Тиквеш". За денеска неколку стотици лозари најавија дека ќе протестираат пред куќата на Свето Јаневски. "Игнорирањето на лозарите продолжува и понатаму. Ова е нешто необјасниво. Ваквиот однос треба да се анализира, бидејќи се негира цел град", рече пред насобраните лозари градоначалникот Минов.
Лозарите масовно ги доставуваат фотокопиите од купопродажните договори и кантарните белешки за комплетирање на доказите за судскиот процес против Јаневски. Минов ќе побара и привремена мерка да се блокираат сите сметки на "Тиквеш" и на Свето Јаневски.
И вчера таксистите и автобусите го обиколија градот со вклучени сирени. Вработените на "Тиквеш" повторно не беа пуштени на работа.
Протестно писмо до Свето Јаневски упати Советот на ученици од Кавадарци, чија содржина расплака многу лозари. Паралелно со протестот и блокадата, неколку десетици лозари од ,,Агротиквешија" го блокираа патот Кавадарци – Прилеп кај Росоман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Протести во цела Србија по крвавата ноќ во Нови Сад
По синоќешното полициско насилство на кампусот на Универзитетот во Нови Сад, денеска веќе се одржуваат протести во повеќе српски градови. Илјадници граѓани и студенти се собраа на улиците како одговор на, како што велат, бруталните акции на полицијата.
Од Центарот на протестите во Нови Сад се јавуваат пораки на отпор: „Ќе одговарате. Ќе одговарате. Ќе одговарате“. Студентите во блокада обвинија дека инцидентите биле инсценирани, а полициската интервенција однапред планирана. „Оние кои го нарачаа синоќешниот варваризам се свесни дека институционалното решавање на кризата би ги довело до доживотен затвор и се подготвени да ја жртвуваат Србија за да се спасат себеси“, наведоа тие.
Valjevo trenutno !!! 💪🏻❤️
Za Novi Sad ! 🙏🏻
Repost – Marija Ognjenović pic.twitter.com/iyGq5BMyiv
— Shonetin (@kaonikotinn) September 6, 2025
View this post on Instagram
Kragujevac trenutno!
Protest je trenutno ispred zgrade SUPa, sugrađani skandiraju! pic.twitter.com/wMKwFUhIux
— Kreni-Promeni (@KPromeni) September 6, 2025
Građani se okupljaju ispred “29. novembra” u Beogradu pic.twitter.com/dF6jVE7eSB
— Čuvari/ke vatre (@CuvariVatre) September 6, 2025
Министерот за внатрешни работи Ивица Дачиќ денеска изјави дека 13 полицајци се повредени, а 42 лица се приведени. Полицијата и понатаму останува распоредена пред Ректоратот и Филозофскиот факултет.
Деканите на неколку факултети на Универзитетот во Нови Сад пак побараа оставка од ректорот Дејан Мадиќ, наведувајќи дека токму на неговиот кампус полицијата извршила насилен упад врз мирни студенти. „Насилното однесување на неколку демонстранти не може да биде изговор за неселективна употреба на хемиски средства против илјадници граѓани,“ стои во нивната заедничка изјава.
Ситуацијата доби и меѓународна димензија – групата социјалисти и демократи во Европскиот парламент остро го осудија и полициското насилство и изјавите на претседателот Александар Вучиќ, кој европратениците ги нарече „олош“.
Свет
Сијарто: Не нè интересира Москва, за Украина нема место во ЕУ
Министерот за надворешни работи Петер Сијарто изјави дека ставот на неговата земја не е диктиран од Москва, туку произлегува од интересите на унгарските граѓани. Тој се повика на референдум, според кој мнозинството гласачи се изјасниле против украинското членство поради загриженост за земјоделството, пазарот на труд и безбедноста.
Изјавата дојде по средбата на украинскиот претседател Володимир Зеленски со претседателот на Европскиот совет, Антонио Кошта. Зеленски претходно порача дека е „чудно“ кога дури и Владимир Путин не се противи на европските интеграции на Киев, а тоа го прави Унгарија.
Сијарто возврати дека унгарската политика се креира внатрешно, а не по диктат на надворешни сили.
„Нè интересираат само нашите граѓани, а не ставовите од Москва“, рече тој.
На ова реагираше украинскиот министер за надворешни работи Андриј Сибиха, кој оцени дека приклучувањето на Украина не претставува закана за Унгарија. Тој потсети дека унгарските земјоделци активно купуваат украинска пченица, а унгарските компании и пред војната вработувале украински работници за да го пополнат недостигот од кадар.
„Наместо препукувања преку социјалните мрежи, потребна е суштинска дискусија и прагматичен пристап. Верувам дека можеме да најдеме решенија во интерес на двата народа“, порача Сибиха.
Иако сите 27 земји-членки на ЕУ формално дале зелено светло за отворање на преговорите, Унгарија и понатаму го блокира процесот. Минатата година, Будимпешта ѝ достави на Украина листа со 11 барања поврзани со правата на малцинствата, но дел од разговорите биле стопирани поради скандал со наводна шпионажа.
Во меѓувреме, Литванија предложи преговорите да започнат технички со поддршка од 26 земји, а правно да се финализираат кога Унгарија ќе се согласи.
Свет
Хрват со два ножа нападнал полицајци во Германија, тие го застрелале
Германската полиција застрела и сериозно рани 25-годишен Хрват во Сасенберг откако наводно нападнал полицајци со два ножа, соопштија канцеларијата на јавниот обвинител и полицијата, објави Билд.
И покрај повторените предупредувања од полицијата и барањата да го спушти оружјето, напаѓачот одбил да го запре нападот. Потоа полицијата го застрелала сторителот во горниот дел од телото. Тој се здобил со сериозни, но не опасни по живот, повреди и бил однесен во болница.
Според истражителите, инцидентот бил расправија меѓу соседи, а инцидентот се случил во петокот околу 14:30 часот. Во еден момент, 25-годишниот маж наводно извадил два ножа, кои подоцна ги употребил за да им се закани на полицајците.
Хрватот, објавува германскиот весник, лесно повредил 39-годишен маж и уште еден сосед (50) со оружјето, пред да избега.
Кога службите за итни случаи го фатиле во близина кратко потоа, ситуацијата ескалирала.
(Видео) Фабриката „Винчини“ во пламен, ангажирани пожарникари од повеќе градови
Голем пожар ја зафати фабриката за слатки „Винчини“ во Виница, каде што огнените јазици уништија магацини и неколку производствени погони....
Пет лица повредени, една жена во критична состојба во сообраќајка во Скопје
Пет лица се повредени во сериозна сообраќајна несреќа што се случи вчера околу 19:30 часот на улицата Христијан Тодоровски Карпош...
На Табановце чекање и до 40 минути, АМСМ апелира за трпение
Долги колони возила се создаваат на граничниот премин Табановце, каде што за излез и влез во државата се чека и...
Во Украина има 700.000 руски војници, еве каде е најголемата концентрација
Главната дирекција за разузнавање на Министерството за одбрана на Украина (ГУР) информираше дека на територијата на Украина моментално има околу...
Таксистите добиваат 200 електрични возила, Меџити го претстави проектот кој ќе го чисти воздухот
Првиот заменик на претседателот на Владата и министер за животна средина и просторно планирање, Изет Меџити, денес на работен состанок...
Мицкоски порача дека невработеноста паѓа, а економијата оди напред
Премиерот Христијан Мицкоски денеска преку објава на „Фејсбук“ порача дека најновите податоци ја потврдуваат економската стабилизација и растот кој, според...
Илиевски: Дали за торба пари Мицкоски продаде државни тајни?
Потпретседателот на СДСМ, Методија Илиевски, денес одржа прес-конференција на која ја истакна загриженоста на партијата за одбивањето на Христијан Мицкоски...
СДСМ призна дека ги прислушкувал Мицкоски, новинари и бизнисмени, вели Петрушевски
СДСМ призна дека го прислушкувал и го следел претседателот на ВМРО-ДПМНЕ, Христијан Мицкоски, како и новинари и бизнисмени, обвинуваат од...
„Не одам кај терористот“, Зеленски ја отфрли понудата на Путин
Украинскиот претседател Володимир Зеленски категорично ја отфрли идејата на рускиот лидер Владимир Путин за билатерална средба во Москва, објави Укринформ,...
Израел ги повика жителите на Газа да бегат кон југ пред офанзивата
Израелската армија утрово издаде итен апел до палестинските цивили во Газа да се евакуираат кон југ на градот, со цел...
Учениците се оставени без учебници, родителите печатат материјали од Вибер, реагираше СДСМ
Образовниот систем во Македонија ја почна хаотично новата учебна година, откако се покажа дека учениците немаат учебници, иако од ВМРО-ДПМНЕ...
Трамп: Америка нема само да се брани, туку ќе оди во војна
Американскиот претседател Доналд Трамп потпиша извршна наредба со која Министерството за одбрана на земјата се преименува во Министерство за војна,...
Македонци заминуваат кон грчките плажи, продолжениот викенд предизвика хаос на „Богородица“
Сообраќајот на државните патишта се одвива непречено и по суви коловози, но зголемената фреквенција на возила поради летните одмори и...
Летни температури во септември, Скопје до 35 степени
Граѓаните на Македонија денеска ќе уживаат во сончево и топло време со слаба до умерена облачност, соопшти Управата за хидрометеоролошки...
24-годишник осомничен за полови дејствија врз 5-годишно девојче
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека вршело...
Интерната комисија проверува дали се правеле непотребни операции на срце, методологијата за работа е утврдена
Интерната комисија за кардиолошки и кардиохируршки интервенции ја утврди методологијата за работа, која што ќе биде основата за анализата не...
(Видео) Утната процедура е можна причина за одложување на седницата за прислушувањата, Петровска бара декласификација
Пратеничката на СДСМ, Славјанка Петровска, денеска на прес-конференција оцени дека власта намерно прави деловнички грешки со закажувањето на седницата на...
Поплаки за искинати учебници стигнале и до Јаневска: Потрошивме 11 милиони евра, што побарале училиштата, тоа добиле
Учебниците законски се менуваат на пет години, учениците треба да се грижат за нив, наставниците да ги научат на тоа,...
Кривични за стружаните кои запалија душеци на депонија за да ги извадат федерите и да ги продадат
Струшката полиција поднесе кривична пријава против двете лица на возраст од 38 и 61 години кои палеа душеци на депонија....
Поранешниот директор на Онкологија не се чувствува виновен – продолжи судењето против Васев и тројцата онколози
Поранешниот директор на Клиниката за онкологија, Никола Васев, кој заедно со тројца други онколози е обвинет за несовесно лекување пациенти,...
