Судскиот процес Љубе Бошкоски против Миленко Неделковски закажан за понеделникот на пладне не се одржа. Ниту еден од двајцата не се појави во судницата.

Судскиот процес Љубе Бошкоски против Миленко Неделковски закажан за понеделникот на пладне не се одржа. Ниту еден од двајцата не се појави во судницата.Љубе Бошкоски, лидерот на партијата Обединети за Македонија, го тужи новинарот Миленко Неделковски оти во неговата емисија „Миленко шоу” рекол:„Љубе е сестра”. Поради навредата изнесена на медиум, Бошкоски преку својот адвокат поднел тужба против новинарот, но судењето никако да започне.Бидејќи тужениот новинар неколкупати не се појавил во судница, судот испратил барање до полицијата стражарно да биде доведен. Но според известувањето на МВР доставено до судот, Неделковски бил недостапен за органите на прогонот и полицијата не можела да го пронајде. До судот барање за одлагање на денешното рочиште поднесол и адвокатот на Бошкоски, кој навел дека поради здравствени причини нема да може да го застапува Љубе. Судот констатираше дека судењето се одлага за април, за кога Љубе Бошкоски треба да биде доведен од затворот „Идризово“ каде ја чека одлуката апелација за предметот „Капања” во кој е осуден на седум години затвор за употреба на нелегални пари во финансирање на предизборната кампања на својата партија на минатогодишните предвремени парламентарни избори. Последниве неколку месеци Љубе беше тужен од премиерот, неговата мајка и други функционери за изнесени невистини во текот на изборната кампања. За сиве овие судски поцеси, Бошкоски објави јавно извинување велејќи дека бил излажан и изманипулиран по што тужбите беа повелечени./крај/мф/км