Македонија
Одбраната на Љубе на прес, поддржувачите на Јохан на протест
Адвокатите на Љубе Бошкоски, Едина Рашидовиќ и Генал Метро денеска во Скопје ја образложуваа ослободителната пресуда од страна на Хашкиот трибунал, додека поддржувачите на Јохан Тарчуловски протестираа пред просториите каде што се одржуваше прес-конференцијата.
Адвокатите на Љубе Бошкоски, Едина Рашидовиќ и Генал Метро денеска во Скопје ја образложуваа ослободителната пресуда од страна на Хашкиот трибунал за поранешниот министер за внатрешни работи, додека поддржувачите на Јохан Тарчуловски протестираа пред просториите каде што се одржуваше прес-конференцијата. Според одбраната на Бошковски, тој како министер за внатрешни работи во 2001 година ги презел сите неопходни мерки согласно меѓународното право за да ги испита случувањата во селото Љуботен. Според нив, документот што Бошковски го читал пред Хашките истражители во Пула е документ на АРМ и дека обвинителството го имало тој документ неколку месеци претходно. „Она што апсолутно сигурно е дека Љубе Бошковски не го даде тој документ на тужителот. Тужителот веќе три или четири месеци го имаше тој документ во своите раце, од извори кој нас ни ги соопшти. Но, таа линија на добивање на документите е доверлива и не можеме да кажеме од каде е добиена“, изјави Рашидовиќ. „Бошковски, како министер за внатрешни работи, имал задача да ги казни луѓето кои што ги извршиле тие кривични дела во Љуботен. Она што одборот го кажа е дека Бошковски ги извршил сите свои обврски согласно меѓународното право, кои укажуваат на тоа дека за кривичните дела што биле извршени во Љуботен биле известени надлежните органи“, рече Метро. Додека одбрана на Бошковски ја образложуваше ослободителната пресуда за Бошковски, неколку десетина поддржувачи на Јохан Тарчуловски, со транспарентни „Љубе предавник“ протестираа пред просториите каде што се одржуваше прес-конференцијата. Уште еднаш го изнесоа својот став дека Бошковски е виновен за 12-годишната затворска казна што Тарчуловски ја доби од Хашкиот трибунал. „Бидејќи Љубе не можеше да ги правда предавството, одбра тоа за него да го прави неговиот нов пријател Бранко Црвенковски, користејќи ги неговите невладини инсталации кои веќе со децении роварат низ државата. Но Љубе е разобличен. За Љубе ќе суди историјата и народот“, изјави Александар Колевски, претседател на Здружението на граѓани за поддршка на Јохан Тарчуловски. Прес-конференцијата на одбраната на Бошковски се одржа во организација на движењето Граѓани за европска Македонија (ГЕМ) и Фондацијата институт отворено општество – Македонија. Поранешниот министер за внатрешни работи Љубе Бошкоски, доби ослободителна пресуда по обвинението за случајот Љуботен, додека припадникот на полициските сили Јохан Тарчуловски за истиот случај доби казна затвор од 12 години. Судот го ослободи Бошковски од командна одговорност за убиство на цивили во Љуботен. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.