Црна хроника
Директорката на ОУ „Коле Неделковски“ не сака конкуренција
Актуелната директорка на ОУ „Коле Неделковски“ од Скопје не сака конкуренција за позицијата па обвинета е дека ги `уништувала` документите на другиот кандидат пријавен за директорската позиција во училиштето.
СВР Скопје поднесе кривична пријава против Љ.А. (58) ОД СКОПЈЕ, поради постоење основи на сомневање дека во текот на јануари годинава сторила кривично дело “фалсификување или уништување на деловни книги“.
Имено, по распишан јавен оглас во дневни весници за избор на директор на ООУ „Кoле Неделковски“ Скопје, во траење од пет работни дена од страна на Училишниот одбор била формирана Комисија за разгледување на пристигнати документи по Огласот.
Комисијата за разгледување на пристигнатите документи по Огласот се состанала при што била разгледувана само една молбата со останатата приложена документација на единствениот кандидат кој се јавил на јавниот Оглас – актуелниот директор на училиштето и по разгледување на поднесената документација, Комисијата констатирала дека кандидатот ги има приложено сите потребни документи и ги исполнува условите, согласно јавниот Оглас и даден е предлог кандидатката да биде повикана на интервју, како би продолжила постапката за избор и именување на Директор а сето ова е записнички констатирано и заведено до деловодната книга.
Но, неколку дена порано друг кандидат ги доставил документите по пошта со препорачана пратка со датум во рокот за оглас и истата во горенаведеното училиште е заведена со деловоден број од 05.01.2016 година или еден ден по состанокот на Комисијата.
Затоа повторно се состанала Комисијата при што биле разгледувани двете молби, и притоа за документацијата доставена од вториот кандидат констатирано било дека истата е некомплетна, дека кандидатот – актуелниот директор на училиштето ги исполнува условите за избор на директор.
Но, неколку дена подоцна Училишниот одбор констатирал дека документите не треба да му се вратат на апликантот, затоа што тоа не е нивна обврска и дека според законските прописи кои ја регулираат сферата на образованието, не е потребно кандидатот да поседува документ за познавање на македонскиот јазик и кирилското писмо, како и дека со ниеден законски пропис не е предвидено дека кандидатот мора да стави свој потпис на Молба и биографија.
Сепак пријавената Љ.А. како службено лице – технички секретар во ООУ „Коле Неделковски“ три дена претходно, со Ин пошта – сигурна пошта, како експресна пратка му ја вратила документацијата на вториот кандидат на негова домашна адреса. Покрај останатата документација, на одбиениот кандидат му било доставено Известување заведено со деловоден број, наводно потпишано од четворица членови на Комисијата, со кое го известуваат дека е одбиен на Огласот поради некомплетна, односно непотпишана документација, без можност да се изврши исправка на истата.
Одбиениот кандидат сомневајќи се во валидноста на Известувањето (потписите на членовите на Комисијата се копирани и пренесени најверојатно од друг документ) доставил известување со приговор. Градоначалникот на Општина Центар доставена е пријава до СВР Скопје. По добивањето на документацијата и извршените разговори со инволвираните лица во случајот, констатирано е дека еден од потписите на известувањето до одбиениот кандидат не е даден од член на Комисијата. Исто така во разговорот со одбиениот кандидат евидентирано е дека молбата, кратката биографија и програмата за работа приложени во документацијата – на одбиениот кандидат биле своерачно потпишани од негова страна./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се договориле да ѝ донесе дрва, па откако му дала 100 евра си заминал и не се вратил: кумановка пријавила дека е измамена
Седумдесет и двегодишна кумановка во полиција пријавила дека била измамена за 6.000 денари при набавка на дрва за огрев, информираше денеска СВР Куманово.
-Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена, соопшти СВР Куманово.
Полицијата презема мерки за расчистување на случајот.
Ова не е прв случај на измама при набавка на огревни дрва.
Во јануари годинава, беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари.
Во 2023 година на подрачјето на СВР Куманово биле регистрирани вкупно седум измами за дрва, а во 2022 година 15 вакви пријави. СВР Куманово презема мерки и активности за пронаоѓање и санкционирање на сторителите на овие измами.
-Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192, велат оттаму.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.