Македонија
ВМРО-ДПМНЕ: Криминалот со „Маѓар Телеком“ е од времето на СДСМ
Според владејачката партија, како што се наведува во писмената реакција на изјавата од СДСМ, податокот што американскиот ФБИ и македонското обвинителство сé уште ги немаат откриените во случајот корупција,
Според владејачката партија, како што се наведува во писмената реакција на изјавата од СДСМ, податокот што американскиот ФБИ и македонското обвинителство сé уште ги немаат откриените во случајот корупција, најголемата опозициска партија се обидува да се го искористи да манипулира со јавноста.„СДСМ сака со повторување на префрлувањето на вината да создаде атмосфера во која народот ќе заборави дека во извештајот е нагласено дека подмитени се претставници на владејачката гарнитура во тоа време, а главна владејачка партија во тоа време е СДСМ“, се наведува во соопштението на ВМРО-ДПМНЕОд владејачката партија потсетуваат дека целта на подмитувањето била да се пролонгира влегувањето на трет мобилен оператор. „Токму СДСМ беше партијата којашто четири години и покрај сите наши апели како опозиција опстоја на задржување на монополот на Телекомот. ВМРО-ДПМНЕ само што дојде на власт, во првите два месеца, објави меѓународен тендер за трет мобилен оператор и за шест месеци падна монополот на Телекомот и започна кривична постапка против три лица кои се во бегство и за кои има и меѓународна потерница“, се вели во писмата реакција. Според ВМРО-ДПМНЕ, во опозициската партија завладеала паника, бидејќи „се фатени на дело“,и тоа „од американските истражни органи“.„Според сознанијата американските истражни органи го испитувале работењето на Македонскиот Телеком во подолг период и ги истражувале сите предмети за кои во македонската и меѓународната јавност се дискутираше. И единствени случаи на криминал кои што ги утврдиле, не само македонските истражни органи, туку и американските се оние во кои што јасно се посочува дека функционери од Владата на СДСМ биле корумпирани и учествувале во криминалот со Телекомот“, се вели во реакцијата на владејачката партија, од каде повикуваат дека пресметката меѓу фракциите во редовите на социјалдемократите не може да оди на товар на ВМРО-ДПМНЕм туку да се соопштато кој евмешан во „ милионскиот криминал со Телеком“.Претходно во реплика на прес-конференцијата на портпаролот на ВМРО-ДПМНЕ, Александар Бичиклиски, потпретседателот на СДСМ, Гордан Георгиев, побара Јавниот обвинител да изјави дека е покрената истрага за големата афера за којашто од американскиот суд Долче Телеком беше казнет со близу сто милиони долари, обвинувајќи дека владејачката партија сака да забошоти нешто во врска со овој случај.Во 2005 и 2006 година. извршните директори тогаш вработени во Маѓар Телеком, вклучувајќи го и претседателот и извршен директор, организирале, одобриле, реализирале план за поткуп на владини претставници во Република Македонија со цел да се одложи или да се спречи влгувањето на нов конкурент на Маѓар Телеком. Во информацијата што пред извесно време ја пренесе AFP повикувајќи се на американскот министерство за правда, беше наведена тужбата на Американската комисија за Хартии во вредност испратена до Окружниот суд на САД во Њујорк,дека „Маѓар Телеком“, преку нејзините подружници во Македонија, исплатила од 4.875.000 евра во текот на 2005 и 2006 година на посредник под маската наводни „консултации“ и „маркетинг“ договори за кои немало никаква легитимна бизнис логика, а којашто ја цитираше Бичиклиски на прес-конференцијата во саботата./крајј/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.
Македонија
Мисајловски: На 8 мај да ставиме печат на историската победа
Преубава и позитивна кампања, вели потпретседателот на ВМРО-ДПМНЕ и носител на листа во втората изборна единица Владо Мисајловски за изборната кампања.
Мисајловски истакна дека во првиот круг, на 24 април, направиле голема историја, па ги повика сите граѓани повторно да им ја дадат поддршката.
-Ве поканувам сите на 8 мај да ни дадете поддршка на сите нас. Поддршка за Гордана Силјановска Давкова и на ВМРО-ДПМНЕ и коалицијата „Твоја Македонија“ за една историска огромна победа. Победа за сите граѓани, за поголеми пензии и плати, за проекти насекаде во сите општини, нагласи Мисајловски.
Посочи дека секој еден граѓани заслужува Македонија да биде горда и на секој од нас.
-Да ставиме печат на оваа историска победа, да се мобилизираме сите заеднички, да излеземе сите на 8 мај, да направиме еден голем резултат за успешни проекти, потенцираше Мисајловски.
Македонија
Го поддржав Пендаровски во минатиот мандат, но истата грешка нема да ја повторам, вели Димитриевски
Движењето ЗНАМ – За наша Македонија одржа прес конференција на која, претседателот на Движењето, Максим Димитриевски, ги реафирмираше државните приоритети на партијата, преточени во програмата за парламентарните избори „Проглас за достоинствена Македонија“.
Тој рече дека воделе скромна и позитивна кампања преку која ги промовирале конкретните мерки од програмата.
„Наша оценка е дека ги исполнивме целите на кампањата и дека мерките од нашата изборна програма „Проглас за достоинствена Македонија“ ги пренесовме до сите граѓани на Македонија кои ги препознаваат нашите конзистентни политики. Денеска сакам уште еднаш да ги реафирмирам државните приоритети на Движењето ЗНАМ За наша Македонија:
I). Движењето ЗНАМ За наша Македонија смета дека врвен државен приоритет е на овие избори да се избере Претседател на Македонија. Ги повикуваме сите граѓани масовно, во што поголем број да излезат на гласање и својот глас да го дадат за кандидатот по свое убедување.
II). Приоритети на Движењето ЗНАМ За наша Македонија за отпочнување на разговори за формирање и функционирање на идната Влада во мандатот 2024-2028 година се :
1. Дефинирање на македонските национални црвени линии на патот кон евроинтегративните процеси. Заштита на јазикот, историјата, идентитетот, културното наследство во сите фази на преговорите. Парламентот да усвои Декларација за националните македонски црвени линии.
2. Одложена примена на уставните амандмани по приемот на Македонија како полноправна членка на ЕУ, доколку се потребни измени во Уставот на Македонија.
3. Движењето ЗНАМ за наша Македонија нема да партиципира во Влада во која ДУИ би била коалиционен партнер.
4. Правда за сите, нулта корупција и борба против организираниот криминал. Незастарување на делата за криминал и корупција. Враќање на укинатите одредби од Кривичниот законик и
зголемување на казните за злоупотреба на службена положба и овластувања со казна затвор од минимум 10 години.
5. Македонија да биде една изборна единица.
6. Македонија треба да ја градиме како држава со мултиетничко општество со еднакви права и обврски на сите граѓани кон државата.
Да се отфрли наметнатиот наратив од албанскиот политички фактор дека Македонија треба да биде биетничка држава во која живеат две мнозинства и повеќе малцинства.
7. Македонија да ја направиме самоодржлива држава. Мораме самите да си обезбедиме енергија, сами да ја произведуваме храната за нашите потреби“.
Врз основа на претходно добиените гласови и анализите во партијата, Димитриевски вели дека очекуваат бројката што ја постигнале на претседателските избори да се потврди и истата да се зголеми.
„Колкав ќе биде бројот на пратеници не можеме да претпоставиме, бидејќи треба да се пресмета и одѕивот. Очекуваме поголем одѕив од страна на граѓаните на претстојните парламентарни избори, но како и да е, поддршката на Двиежењето ЗНАМ – За наша Македонија на претстојните праламентрани избори е поддршка од граѓаните за граѓаните и ние ќе се ставиме во функција и во коалиција со граѓаните на Македонија“, вели тој.
На прашањето дали ќе коалицираат со ВМРО – ДПМНЕ и со коалицијата ВЛЕН, Димитриевски рече дека до овој момент, најодговорно тврди дека ниту еден претставник на Движење ЗНАМ – За наша Македонија нема водено никакви разговори по основ на било какви можни коалиции со било кој политички субјект.
„ За жал ние подадовме рака кон раководството на СДСМ со одредени барања, но не успеаја да се надминат себе си и штитејќи ги своите лични интереси, всушност во залог ја ставија социјалдемократијата, а се повикаа на наводно своја социјалдемократија, со што не одбија и нас и граѓаните.
Дополнително, немаме разговарано ниту со ВМРО-ДПМНЕ ниту со друг политички субјект во државата. Ќе ги почекаме изборните резултати. Во рамките на органите и телата на партијата ќе ги донесеме сите наши понатамошни одлуки. Ние не трчаме по власта, ние трчаме по граѓанската поддршка. Движење ЗНАМ се роди од граѓаните, ќе работи со граѓаните и за граѓаните. И нашиот концепт е јасен – Македонија мора да биде стабилна, просперитетна држава, во којашто младите луѓе ќе ја најдат својата иднина“, вели ДИмитриевски.
Запрашан дали би влегле во влада во која ќе бидат договорени уставни измени Димитриевски одговори дека нивниот став по тоа прашање е јасен и јасно кажан што се однесува до соработка во владата и во кој состав на влада би соработувале.
„Ние посакуваме, доколку бидеме дел од идната влада, да имаме и албански партнер којшто ќе ги прифати овие услови. Во спротивно Мкаедонија е унитарна, независна и самостоја држава којашто ги носи одлуките врз основа на законот и уставот. Имам веќе кажано дека се она што значи мнозинство од 61 пратеник плус е формирање на влада“.
На констатацијата дека лично дал поддршка за Гордана Силјановска, а сега повикува на гласање по сопствено убедување, Димитриевски одговори:
„Јас никогаш немам до сега изјавено нешто поразлично од ова што го кажав денеска. Тоа што одредени медиуми го лиферуваа, или поединци го разбираат како одреден став и кажување, тоа е нивни став и нема да го коментирам. Мојот став е јасен. На 20 јули 2022 година имав јавно извинување кон граѓаните за мојата поддршка на Стево Пендаровски во минатиот мандат и дека таа грешка нема да ја повторам. Но тоа е мој личен издвоен став. Што се однесува до гласањето на граѓаните, симпатизерите и членовите на ЗНАМ, ние сме демократска партија и согласно таквата демократија што владее во партијата, ги повикувам граѓаните по сопствено убедување да се произнесат за оној кандидат за кој сметаат дека ја заслужува нивната доверба. Приоритет на Македонија е да се избере претседател на државата. Затоа повикувам на што помасовен одѕив, како и поддршка на Движењето ЗНАМ за наша Македонија на парламентарните избори за Македонија да тргне по нов пат“.