Свет
Амбасадата на САД ги предупреди Американците за можни немири во Египет
Американската амбасада во Египет ги предупреди своите граѓани за опасност од немири во центарот на Каиро во понеделникот – првиот ден од работата на новиот состав на Народното собрание (Долниот дом на парламентот), а особено за среда 25-ти јануари
Американската амбасада во Египет ги предупреди своите граѓани за опасност од немири во центарот на Каиро во понеделникот – првиот ден од работата на новиот состав на Народното собрание (Долниот дом на парламентот), а особено за среда 25-ти јануари, на првата годишнина од египетската револуција, пишува во понеделникот Аl-Ahram.Во вонредното соопштение на американската амбасада во Каиро се вели дека „следните денови во центарот на египетскиот главен град, особено пред зградата на Народното собрание и на плоштадот Тахрир, ќе се одржат масовни демонстрации кои би можеле да се претворат во немири и акти на насилство“. Без разлика на преземените мерки од страна на властите и зголемените безбедносни мерки, американската амбасада им препорачува на своите граѓани „следните неколку дена да го одбегнуваат центарот на египетскиот главен град, да ги следат информациите во локалниот медиуми, и да не учествуваат на каков и да е митинг, како и да не се обидуваат во средата да стигнат до центарот на градот“, каде што ќе се случуваат главните настани по повод одбележувањето на првата годишнина од египетската револуција.Американската амбасада, којашто е лоцирана недалеку од плоштадот Тахрир, од самиот почеток на немирите во Каиро на почетокот од минатата година е под заштита на специјалните единици. Сите сообраќајници коишто се во непосредна близина на американската амбасада во Египет, се затворени за движење на возила.Египетската војска по оставката од 11-ти февруари 2001 година на претседател Хосни Мубарак, го укина уставот и ги распушти двата дома на парламентот, во кои мнозинството беше во рацете на поддржувачите на Мубарак. На крајот од јануари 2012 година, на демократските избори за Народното собрание со големо мнозинство победи Партијата на слободата и правдата, политичко крило на движењето Муслиманско братство. Во понеделникот, пратениците од оваа партија ќе заземат 213 од 498-те места во новиот „револуционерен парламент“ на Египет./крај/аа/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина ќе влезе во НАТО кога ќе ја победи Русија во војната
Претседателот на Украина, Володимир Зеленски, е убеден дека Украина ќе се приклучи на Северноатлантскиот договор по победата во војната со Русија.
Зеленски ова го изјави за време на заедничката средба со офицери кои минуваат курсеви за професионално воено образование според стандардите на НАТО, со учество на генералниот секретар на Алијансата, Јенс Столтенберг, пренесе Униан.
Според мое лично мислење, во НАТО ќе бидеме само кога ќе победиме“, нагласи Зеленски. Претседателот на Украина додаде дека одлуката за пристапување на Украина во Алијансата е донесена со едногласен консензус на сите земји членки на Алијансата.
„А мнозинството е политичко прашање, за да може Украина политички да биде прифатена во Алијансата, потребна е победа“, додаде Зеленски. Тој изјави дека една од причините за војната на Русија против Украина е фактот што Украина порано не била примена во НАТО.
„Пред многу години имаше и соодветен скептицизам кај некои членки, а Русија работеше многу напорно со нашите сегашни партнери, тие водеа дијалог. Таа направи се за да ја спречи Украина да биде примена не само во НАТО, туку и во Европската унија, така што Украина едноставно не се развиваше и не беше отсечена од влијанието на Руската Федерација. Затоа, за да се оттргне од ова влијание, неопходно е да се заштити нејзината независност со победа“, нагласи Зеленски.
Свет
(Видео) Момче почина по нападот во Лондон: Бесен манијак со меч сечел луѓе на улица, дете им подлегна на повредите
Тринаесетгодишно момче загина, а уште четворица се повредени по напад што се случи во североисточен Лондон во близина на метро станица.
Пет лица биле итно префрлени во болница по инцидентот кога маж прво удрил во куќа со возило, а потоа со меч ги повредил минувачите и полицајците кои се обиделе да го задржат.
„Повредените лица бараат лекарска интервенција, но веруваме дека нивните повреди не се опасни по живот“, соопштија од полицијата.
Според главниот надзорник Стјуарт Бел, 36-годишниот маж кој беше уапсен утринава бил приведен нешто пред 7 часот наутро, 22 минути откако полицијата го примила првиот повик.
Тој моментално е во притвор.
„Би сакал во овој момент да потврдам дека не веруваме дека постои закана за пошироката јавност и не бараме други поединци“, додаде Супт Бел.
„Се чини дека инцидентот не е поврзан со никаков терористички акт“, рече тој.
🚨🇬🇧BREAKING: STABBING INCIDENT IN LONDON.
In London, an individual wielding a sword has attacked homes, injuring two police officers and two residents.
Authorities have preliminarily stated that the incident does not seem to be a terrorist attack.
And of course since the… pic.twitter.com/GQXgHPTFbc
— Suppressed News. (@SuppressedNws) April 30, 2024
Пред нападот, маж во жолта качулка удрил со својот автомобил во куќа, а потоа излегол од возилото и почнал да мавта со самурајски меч.
На видеата направени од случајни минувачи, тој може да се види како шета од куќа до куќа.
Се се случило околу 7 часот утринава, а на терен се голем број полицајци.
Метро станицата Хаинолт беше веднаш затворена.
Свет
Почна европска истрага против Фејсбук и Инстаграм
Европската Комисија покрена истрага против социјалните мрежи Фејсбук и Инстаграм, во сопственост на технолошкиот гигант Мета, поради сомнежи дека не ги почитуваат своите обврски во борбата против дезинформациите. Овие обврски произлегуваат од Законот за дигитални услуги.
„Оваа Комисија создаде средства за заштита на европските граѓани од насочени дезинформации и манипулации од трети земји и ако се сомневаме дека има прекршување на правилата, ние постапуваме“, рече претседателката на Европската комисија Урсула фон дер Лајен.
Таа додаде дека борбата против дезинформациите е особено важна за време на изборната кампања.
Комисијата ќе ја фокусира својата истрага на сомневањата дека Мета не ги исполнува своите обврски според Законот за дигитални услуги поврзани со ширење на погрешни реклами, кампањи за дезинформации и координирано лажно однесување во ЕУ.